Goeie vriende dra by tot ons geluk gedurende goeie tye, en hulle versterk ons gedurende moeilike tye. Maar die Bybel waarsku ons dat nie almal ’n goeie vriend is nie. So hoe kan jy goeie vriende kies? Kyk na die volgende vrae.

1. Hoe sal die vriende wat jy kies, jou affekteer?

Ons word gewoonlik soos die mense met wie ons tyd spandeer. Dit kan ’n goeie of ’n slegte ding wees – en dit is waar of ons nou tyd saam met hulle in persoon of op die Internet spandeer. Soos die Bybel sê: “Die een wat met wyse persone assosieer, sal wys word, maar dit sal sleg gaan met die een wat met dwase [dit wil sê mense wat nie lief is vir Jehovah nie] te doen het” (Spreuke 13:20). Vriende wat lief is vir Jehovah en hom aanbid, kan jou help om na aan hom te bly en om goeie besluite te maak. Maar goeie vriende wat nie lief is vir Jehovah nie, kan veroorsaak dat ons van hom af wegdryf. Daarom moedig die Bybel ons aan om ons vriende wyslik te kies! Wanneer ons vriende lief is vir God, sal hulle ’n goeie invloed op ons hê en sal ons ’n goeie invloed op hulle hê. Ons kan “mekaar [aanmoedig] en mekaar [opbou]”. – 1 Tessalonisense 5:11.

2. Hoe sal die vriende wat jy kies, Jehovah affekteer?

Jehovah kies sy vriende versigtig. “Hy is ’n goeie vriend van dié wat reg lewe” (Spreuke 3:32). Hoe sal Jehovah voel as ons vriende kies wat nie lief is vir hom nie? Hy sal baie teleurgesteld wees! (Lees Jakobus 4:4.) Maar Jehovah sal bly wees en sal ons as sy vriende kies as ons wegbly van slegte vriende en nader kom aan hom en aan dié wat lief is vir hom. – Psalm 15:1-4.

 SOEK DIEPER

4. Mense wat anders as ons is, kan ons goeie vriende word

Die Bybel praat van Dawid en Jonatan, twee mans in eertydse Israel. Jonatan was baie ouer as Dawid en was die koning se seun, maar tog het hulle ’n wonderlike vriendskap gehad. Lees 1 Samuel 18:1, en bespreek dan hierdie vraag:

• Hoekom hoef ons vriende nie altyd dieselfde ouderdom as ons te wees of dieselfde sosiale status as ons te hê nie?

Lees Romeine 1:11, 12, en bespreek dan hierdie vraag:

• Hoe kan vriende wat lief is vir Jehovah, mekaar aanmoedig?

Kyk in hierdie video hoe een jong broer vriende gemaak het waar hy dit nie verwag het nie. Speel die VIDEO, en bespreek dan die volgende vrae.

• Hoekom was Akil se ouers bekommerd oor sy vriendskappe by die skool?

• Hoekom het hy in die eerste plek van daardie vriende gehou?

• Wat het hom gehelp om nie meer so eensaam te voel nie?

 5. Hoe om goeie vriende te maak

 WAT ONS GELEER HET

Wanneer ons ons vriende wyslik kies, maak ons Jehovah gelukkig en het dit ’n goeie uitwerking op ons.

Hersiening

• Hoekom maak dit vir Jehovah saak watter soort vriende ons kies?

• Watter soort mense moet ons nie as vriende kies nie?

• Hoe kan jy sterk vriendskappe opbou met die regte soort mense?