48 УРОК
Јакшы најылар талдагар
Сӱӱнчилӱ, јакшы ӧйдӧ јуук најыларыс кожо болзо, биске оноҥ сӱӱнчилӱ болот. А кунукчылду, кӱч ӧйдӧ олор бистиҥ кӱӱнисти кӧдӱрип салат. Је Агару Бичик кажы ла кижи биске јарагадый најы болор аргазы јок деп айдат. Айдарда, јакшы најыларды канайып талдаарын шӱӱжип ийектер.
1. Најылар биске тузазын да, каршузын да канайып јетирет?
Бис кемле ӧйди кӧп ӧткӱрип турганыс, олорго тӱҥей болуп каладыс. Бис олорло кӧстӧҥ-кӧскӧ дӧ тушташсаас, интернет те ажыра куучындашсаас, олор биске тӱҥей ле тузазын эмезе каршузын јетирер аргалу. Агару Бичикте айдылат: «Ойгор улусла јӱргендер, ойгор болор, је тенек улусла [Иегованы сӱӱбей турган улусла] јӱргендер, тӱбекке тӱжер» (Укаа сӧстӧр 13:20). Иегованы сӱӱп ого бажырып турган најылар слерди Кудайга чындык артарга ла јӱрӱмде чын, јакшы јӧптӧр чыгарарга болужар. Је Иегованы сӱӱбей турган улусла јуук куучындашсас, олор бисти Кудайдаҥ ыраадып салардаҥ айабас. Оныҥ учун Агару Бичик бисти најылар талдаарында ајарыҥкай болзын деп кӱӱнзедет. Бистиҥ најыларыс Кудайды сӱӱп турган болзо, олор биске тузазын јетирет, а бис олорго. Ол тушта бис бой-бойысты оморкодып тыҥыдар аргалу (1 Фессалоникадагыларга 5:11).
2. Кандый најылар талдап турганыска Иегова ајарып турган ба?
Иегова најыларды јазап талдап јат. Агару Бичикте: «Чындык кижи оныҥ јуук најызы болот» — деп айдылат (Укаа сӧстӧр 3:32). Айдарда, бистиҥ јуук најыларыс Кудайды сӱӱбей турган болзо, Иеговада кандый сезимдер болор эди? Ого коркышту ачу болор! (Иаков 4:4 кычырыгар.) Оныҥ ордына Кудайды сӱӱп турган улусла најылашсаас, Иегованыҥ јӱрегин сӱӱндирерис. Биске каршузын јетирип турган улусла најылашпай турзаас, Иегова бисти јарадып, бойыныҥ најылары эдип алар (Сарын 15:1—4).
ТЕРЕҤЖИДЕ КӦРӰГЕР
Нениҥ учун најыларды јазап талдаар керек ле слердиҥ јӱрӱмеерди ырысту эдетен најыларды канайып талдаар керек деп билип алыгар.
3. Кандый улусла најылашпас керек?
Кудайды сӱӱбей, оныҥ нормаларыла јӱрбей турган улус — бу јаман најылар. ВИДЕОНЫ кӧрӱп, суракты шӱӱжип ийигер.
-
Бис араайынаҥ јаман улуска канайып јайыла берердеҥ айабазыс?
1 Коринфтегилерге 15:33 кычырып, сурактарды шӱӱжип ийигер:
-
Кандый улус слерге јаман најылар болордоҥ айабас? Слер нениҥ учун анайып сананадаар?
Сарын 119:63 кычырып, суракты шӱӱжип ийигер:
-
Најыларды талдап тура, ајаруны неге эдер керек?
Бир ле јыдып калган яблоко ончо яблоколорды јыдыдып салат. Бир ле јаман најы сеге кандый каршузын јетирердеҥ айабас?
4. Бистеҥ чек башка кижи биске најы болор аргалу
Агару Бичикте еврей укту эки эр кижиниҥ, Давид ле Ионафанныҥ, најылашканы керегинде айдылат. Олор экӱ чек башка болгон: бирӱзи кой кабырган, экинчизи — каан кижиниҥ уулы. Анайда ок олордыҥ јаштары да башка болгон. Је олордыҥ најылыгы сӱреен бек болгон. 1 Самуил 18:1 кычырып, суракты шӱӱжип ийигер:
-
Бис јӱк ле бойысла јажыт, арга-чагыс тӱҥей улусла најылажарыс па?
Римдегилерге 1:11, 12 кычырып, суракты шӱӱжип ийигер:
-
Иегованы сӱӱп турган најылар бой-бойына канайып болужар аргалу?
Бу видеоноҥ слер бир јиит карындаш бойынаҥ чек башка најыны канайып табып алганын билип алараар. ВИДЕОНЫ кӧрӱп, сурактарды шӱӱжип ийигер.
-
Акилдиҥ ада-энези оныҥ школдо кемле најылажып турганына нениҥ учун санааркаган?
-
Акилге озо баштап бу балдарла куучындажарга нениҥ учун јарап туратан?
-
Јаҥысканзырабаска ого не болушкан?
5. Јакшы најылык недеҥ камаанду?
Чын најыларды канайып табарын ла бойыска канайып јакшы најы болорын билип алыгар. ВИДЕОНЫ кӧрӱгер.
Укаа сӧстӧр 18:24 лӧ 27:17 кычырып, сурактарды шӱӱжип ийигер:
-
Чын најылар бой-бойына канайып болужат?
-
Слерде јакшы најылар бар ба? Јок болзо, јакшы најыларлу болорго, слер нени эдер аргалу?
Филиппыдагыларга 2:4 кычырып, суракты шӱӱжип ийигер:
-
Јакшы најыларлу болорго, слерге бойоорго јакшы најы болор керек. Слер мыны канайып эдер аргалу?
Јакшы најыларлу болорго, бойыска јакшы најы болор керек
КЕЗИК УЛУС АЙДАТ: «Чек најы јок болгончо, кандый да болзо најыларлу болгоны торт».
-
Слер нени айдар эдеер?
ТӦС ШӰӰЛТЕЗИ
Најыларды јазап талдап турзаас, Иегова да биске сӱӱнер, бойыска да јакшы болор.
Нени билип алдыгар?
-
Бис кемле најылажып турганыска Иегова нениҥ учун јаан ајару эдет?
-
Кандый улусла најылашпас керек?
-
Јакшы најыларлу болорго, слерге нени эдер керек?
ШИҤДЕЙТЕН МАТЕРИАЛ
Кӱч ӧйдӧ јакшы најылар слерге канайып болужар аргалу деп билип алыгар.
«Чактыҥ учында најылыгарды тыҥыдыгар» («Каруулчы шибее», 2019 јыл, кӱчӱрген ай)
Јакшы најыларлу болорго нени эдер керек?
«Јакшы најыларды канайып табар?» («Ответы на твои вопросы», 1 том, 8 бажалык)
Интернет ажыра најылажары керегинде нени билер керек?
«Адамды мен тыҥ јоктоп туратам» деген биографияны кычырып, бир эр кижини ӧскӧ најылар табып аларга не кӱӱнзеткенин билип алыгар.
«Агару Бичик улустыҥ јӱрӱмин солыйт» («Каруулчы шибее», 2012 јыл, кандык ай 1)
Анайда ок слерге јараар болор
ЈААНТАЙЫН БЕРИЛИП ТУРГАН СУРАКТАР
Иегованыҥ Керечилериниҥ Агару Бичикти ӱренетен курсы канайып ӧдӧт?
Иегованыҥ Керечилеринде Агару Бичик неге ӱредип турганын билип аларга болужатан тузалу курс бар. Ӱредӱниҥ ӧйинде слер бойоордыҥ Агару Бичигерле тузаланар аргалу, анайда ок ӱредӱлерге бойоордыҥ билегерди ле најылараарды айдып алар аргалу.
