Pu cümeque hueni quelluqueiñmu (incaqueiñmu) taiñ doi ayüucüleal. Cabei yabültucuqueiñmu upaliiñ hueyaque dungu mu. Biblia eluqueiñmu ngülam taiñ cüme ngümintol (dullial) taiñ pu hueni, beimu ¿chumngechi cüme ngümintuabüiñ taiñ pu hueni? Pebinge quiñeque ramtun tami quelluatu.

1. Tami pu hueni, ¿chumngechi cümelcaabeimu cam hueyalcaabeimu?

Inaquiiñ beichi pu che taiñ trahuluuquen ca taiñ hueniyebel, beimu quiñeque mu inaabüiñ tañi cüme bemquen ca tañi hueya bemquen engün. Ca bemngechiabüi beichi pu che mu taiñ hueniyebel internet mu. Beimu Biblia eipi: “Tati miyauquelu pu quimche mu quimchengeai, huelu tati trahuluulu pu huedhued mu [pu che piuqueyenobilu Jehová] hueya tripaai” (Proverbios 13:20). Hueniyebiliiñ pu che huenupüramquebilu Jehová quelluaiñmu taiñ cüme ngümintol ca taiñ doi bülconal Jehová mu. Huelu hueniyebiliiñ pu huenupüramquenobilu Jehová, quiñepületripaabüiñ Jehová mu. Beimu Biblia ngülamqueiñmu taiñ cüme ngümintol taiñ pu hueni. Bemngechiliiñ, ‘hueluquechi yabültucuhuaiñ ca nehuentucuhuaiñ’ taiñ pu hueni mu (1 Tesalonicenses 5:11).

2. ¿Chum duamelabüiñ Jehová taiñ pu hueni mu?

Jehová cüme ngümintuqui tañi pu hueni. Quidu “cüme hueniyequebi pu che nor piuquengelu” (Proverbios 3:32). Beimu hueniyebiliiñ pu che piuqueyenobilu Jehová, taiñ Huenu Chau hueya duamcüleai (papiltunge Santiago 4:4). Beimu, ¿chumabüiñ taiñ ayühulabel Jehová? Quiñepülecünoabiiñ pu hueyaque compañ ca bülconaiñ Jehová mu ca tañi pu huenupüramquetu. Bemngechiliiñ, Jehová ayüucüleai ca hueniyeaiñmu (Salmo 15:1-4).

 DOI CÜME QUIMNGE

4. Cüme hueniyeabüiñ pu che trürngenolu iñchiñ mu

Biblia ngütramcai David ca Jonatán mu, epu huentru mülequebülu Israel mapu mu. Trürngelabüi ume tañi tripantu ca tañi upan mongen mu, cüme hueningebüingu. Papiltoiñ 1 Samuel 18:1. Papiltungele hula ngütramcaabiiñ tübachi ramtun:

• Iñchiñ hueniyeabüiñ pu che trürcülenolu taiñ tripantu mu cam iñchiñ reque upaquenolu, ¿chemu eipiabüiñ tüba?

Papiltoiñ Romanos 1:11, 12. Papiltungele hula ngütramcaabiiñ tübachi ramtun:

• Pu hueni piuqueyebilu Jehová, ¿chumngechi hueluquechi yabültucuuquingün?

Pebinge chumngechi quiñe hueche huentru pei cümeque hueni. Quintulbe tati VIDEO. Quintulngele hula ngütramcaabiiñ tübachi cüla ramtun:

• Tañi chau ca ñuque bill raquiduamcülebüingu Akil tañi nielchi hueni mu, ¿chemu am bemngechi duamcülebüingu?

• ¿Chemu Akil hueniyebi tañi pu compañ escuela mu?

• ¿Chumi Akil tañi quidulelu troquiuhuenoal?

5. ¿Chumabüimi tami nieal cümeque hueni?

 CHEM PEIÑ TÜBAMU

Cüme ngümintuliiñ taiñ pu hueni cümelcangeaiñ ca ayühulabiiñ Jehová.

Chem quimeleleiñmu tüba

• ¿Chemu Jehová ngülamtuqueiñmu taiñ cüme ngümintol taiñ pu hueni?

• ¿Iñiquechi hueniyelaabiiñ?

• ¿Chumabüimi tami cüme ngümintol tami pu hueni ca tami cüme hueniyeabel engün?