48 YATICHÄWI
Amigonakam sum ajllisim
Suma amigonakanïsajj jukʼamp kusisitaw jakastanjja. Jupanakan yanaptʼapampejja, llakinakajj utjki ukhajj janirakiw sint llakisktanti. Ukampis amuyasiñasawa, Bibliarjamajja janiw taqenipunejj suma amigonakäpkaspati. Ukhamajj ¿kunjamsa amigonakam ajllisisma? Jichhajja aka jisktʼanakatwa yatjjataskañäni.
1. ¿Kunjam jaqerus amigonakasajj tukuyapjjestaspa?
Chikachasktan uka jaqenakasa Internet toqe parlktan uka jaqenakasa, kunjamäpkitï ukham jaqeruw tiempompejj tukuyistaspa. Bibliajj akham siwa: “Khititï yatiñan jaqenakamp sarnaqki ukajja yatiñan jaqeruw tukuni, ukampis khititï jan amuytʼasir jaqenakamp [mä arunjja Diosar jan munasiri jaqenakamp] chikachaski ukajja jan waliruw purtʼasini” sasa (Proverbios 13:20). Jehová Diosar munasipki, jupar servipki uka amigonakajja, Diosat jan jitheqtañataki suma amtanakar puriñatakiw yanaptʼistaspa. Ukampis jiwasatï jan Diosan markapankapki uka jaqenakamp sint chikachasiñäni ukhajja, Jehová Diosatwa jitheqtsna, ukatwa jupajj suma amigonak ajlliñasatakejj ewjjtʼistu. Amigonakasajj jiwasjam Diosar munasipjjaraki ukhajja, purapatwa sum yanaptʼastanjja. Ukapachaw aka arunakar istʼasktanjja, “jumanakajj maynit maynikam chʼamañchtʼasisipkakim, maynit maynikamas yanaptʼasisipkakim” (1 Tesalonicenses 5:11).
2. ¿Kunjam amigonaksa ajllistan ukajj Jehová Diosatakejj importanteti?
Jehová Diosajj sumwa amigonakap ajllisi. Jupajj “cheqap sarnaqer jaqenakan suma amigopawa” (Proverbios 3:32). Khitinakatï jupar jan munasipki ukanakamp sarnaqsna ukhajja, ¿kunjamakis Jehová Diosajj jikjjatasispa? ¡Jupajj wal llakisispa! (Santiago 4:4 liytʼäta). Maysa toqetsti, jiwasatï jan wali jaqenakat jitheqtañäni, Jehová Diosarusa jupar munasipki ukanakarus jakʼachasirakiñäni ukhajja, Jehová Diosajj wal kusisini, jiwasan amigosarakïniwa (Salmo 15:1-4).
JUKʼAMP YATJJATAÑÄNI
Suma amigonak ajlliñajj kunatsa wali wakiskirejja, kunjamsa suma amigonak jikjjatañajj yanaptʼiristam uka toqenakatwa jichhajj yatjjatañäni.
3. Jan wali jaqenakat amuyasiñasawa
Diosar jan munasipki janirak leyinakaparus respetapki ukanakaw jan wali amigonakäspa. VIDEO uñtasajja aka toqetwa parltʼapjjäta:
-
¿Kunjamanakatsa jan wali jaqenakampejj jan amuyasisaki chikachasisksna?
1 Corintios 15:33 liytʼasajja aka toqetwa parltʼapjjäta:
-
¿Khitinakas jumatakejj jan wali jaqenakäspa? ¿Kunatsa ukham amuyta?
Salmo 119:63 liytʼasajja aka toqetwa parltʼapjjäta:
-
¿Mä suma amigojj kunjamäñapasa?
Mä ñusantat manzanajja yaqha suma manzananakarojj ñusantayaspawa. Jan wali jaqenakamp chikachasiñajja jumarojj jan waltʼayarakirïstamwa.
4. Amigonakasajj janiw jiwasjamäpjjañapäkapuniti
Bibliajj Davidampit Jonatanampitwa parli, jupanakajj nayra Israel markanwa jakasipjjäna. Davidampi Jonatanampejj janiw pachpa edadanïpkänti, janirakiw mä igualak jakasipkänti, ukhamäkchïnsa wali suma amigöpjjänwa. 1 Samuel 18:1 liytʼasajja aka toqetwa parltʼapjjäta:
-
Amigonakasajj janiw jiwasjam edadani jan ukajj kunjamtï jiwasajj jakasktan ukham jakasipjjapuniñapäkiti, ¿kunatsa ukham sistanjja?
Romanos 1:11, 12 liytʼasajja aka toqetwa parltʼapjjäta:
-
¿Kunjamsa Jehová Diosar munasipki uka amigonakajj purapat chʼamañchtʼasipjje?
¿Kunjamsa mä waynajj jan suykäna ukan amigonak jikjjatäna? VIDEO uñtasajja aka toqetwa parltʼapjjäta:
-
¿Kunatsa Akil sat waynan amigonakapajj awk taykapatakejj jan walïkäna?
-
¿Kunatsa Akil waynatakejj amigonakapajj qalltan suma amigonakjamäna?
-
¿Kunsa jan sapaki jikjjatasiñatakejj luräna?
5. ¿Kunjamsa suma amigonak jikjjatsna?
Kunjamsa suma amigonak jikjjatasma, kunjamsa jumajj suma amigorakïsma uka toqet yatjjatam. VIDEO uñtapjjäta.
Proverbios 18:24; 27:17 liytʼasajja aka toqetwa parltʼapjjäta:
-
¿Kunjamsa cheqpach amigonakajj yanaptʼasipjje?
-
¿Amigonakamajj Proverbios libron parlki ukhamäpjjarakiti? Jan ukhamäkchi ukhajja, ¿kunsa ukham amigonak jikjjatañatakejj lurasma?
Filipenses 2:4 liytʼasajja aka toqetwa parltʼapjjäta:
-
Suma amigonakanïñatakejja, jiwasaw suma amigöñasa. ¿Kunjamatsa jumajj mä suma amigösma?
Suma amigonakanïñatakejja, jumaw mä suma amigöñama.
YAQHEPANAKAJJ AKHAM SAPJJEWA: “Khitis juman amigomakïspawa” sasa.
-
¿Kunsa jumajj uka toqet amuyta?
¿KUNSA YATEQAWAYTAN?
Amigonakas sum ajllistan ukhajja, sumaw jakastanjja Jehová Diosarus kusisiyaraktanwa.
Amtañataki
-
Kunjam amigonaktï ajllisktan ukajja, ¿kunatsa Jehová Diosatakejj importantewa sasin sistanjja?
-
¿Kunjam amigonaksa jan ajlliñasäki?
-
¿Kunsa suma amigonak jikjjatañatakejj lurasma?
JUKʼAMP YATJJATAÑAMATAKI
Jan wali tiemponakan kunjamsa cheqpach amigonakasajj yanaptʼapjjestaspa uk yatjjatam.
“Akapacha janïr tukuskipan suma amigonakanïñatak chʼamachasiñäni” (Yatiyañataki noviembre 2019)
Suma amigonakanïñatakejj kunanaksa lursna ukanakat yatjjatam.
Redes sociales ukanakan amigonakanïñat kunsa yatiñama uk yatjjatam.
Kunatsa mä chachajj yaqha amigonak thaqäna uk yatiñatakejja, “Mä awkinïñjja walpun munayätjja” sat cheqanwa liytʼasma.
“Bibliat yatjjatasaw nayra jakäwinakapjja jaytawayapjje” (Yatiyañataki julio-septiembre, 2012)
Akanakajj inas gustarakiristam
KUNANAKSA JUKʼAMP JISKTʼASIPJJE
¿Kunjamsa Jehová Diosan Testigonakapajj Bibliat yatichapjje?
Jehová Diosan Testigonakapajj gratisakiw Bibliat yatichapjje, kawknïr Bibliampis yateqañ munta ukajj jumatäjjewa. Jumamp chika yateqapjjañapatakejja, taqpach familiamaruw invittʼasma, amistadanakamarus invittʼarakismawa.
