ДӘРС 48

Дост сечиминдә һикмәтли олун

PLAY

Јахын достлар хош ҝүнләримиздә севинҹимизә севинҹ гатыр, дар ҝүнүмүздә исә бизә дајаг олур. Амма Мүгәддәс Китабда дејилир ки, һәр кәсдән јахшы дост олмаз. Бәс јахшы дост кимдир? Ҝәлин нөвбәти суаллара нәзәр салаг.

1. Достлар инсана неҹә тәсир едир?

Адәтән биз отуруб-дурдуғумуз инсанлара бәнзәјирик. Истәр үзбәүз үнсијјәт едәк, истәрсә дә интернет васитәсилә бу инсанлар бизә ја јахшы, ја да пис тәсир едирләр. Мүгәддәс Китабда дејилир ки, «һикмәтли илә отуруб-дуран һикмәтли олар, ахмагларла [Јеһованы севмәјәнләрлә] ајаглашан бәдбәхт олар» (Мәсәлләр 13:20). Јеһованы севән вә Она ибадәт едән достлар сизә Јеһова илә јахын мүнасибәти горумаға вә дүзҝүн гәрарлар вермәјә көмәк едәҹәк. Амма јығынҹагдан кәнарда олан достлар сизи Јеһовадан узаглашдыраҹаг. Елә буна ҝөрә дә Мүгәддәс Китаб бизә дост сечиминдә һикмәтли олмағы мәсләһәт ҝөрүр. Јеһованы севән инсанларла достлуг етмәјин һәм бизә, һәм дә онлара фајдасы вар. Бу достлуғун сајәсиндә биз бир-биримизә тәсәлли вериб, бир-биримизи мөһкәмләндиририк (1 Салоникилиләрә 5:11).

2. Дост сечиминиз Јеһоваја неҹә тәсир едир?

Јеһова һәр адамы Өзүнә дост сечмир. Мүгәддәс Китабда дејилир ки, О, «салеһ адамла достлуг едәр» (Мәсәлләр 3:32). Јеһованы севмәјән инсанла достлуг етсәниз, бу Она неҹә тәсир едәр? Сөзсүз ки, О, чох мәјус олар. (Јагуб 4:4 ајәсини охујун.) Анҹаг пис достларла әлагәни кәсиб, Јеһова илә вә Ону севән инсанларла јахын мүнасибәт гурсаныз, онда Јеһова севинәр вә сизи Өзүнә дост сечәр (Зәбур 15:1—4).

Д Ә Р И Н Л И Ј Ә В А Р Ы Н

Ҝөрүн нәјә ҝөрә дост сечими ваҹиб мәсәләдир вә һәјатыныза мәна гатан достлары неҹә тапа биләрсиниз.

3. Пис достлардан узаг дурун

Аллаһы вә Онун гајда-ганунларыны севмәјән инсанлар пис достлардыр. ВИДЕОЈА бахын вә нөвбәти суалы мүзакирә един:

ВИДЕО: «Пис достлугдан узаг дурмағы өјрәнин» (6:17)

Неҹә ола биләр ки, өзүмүз дә билмәдән пис достларын әһатәсинә дүшәк?

1 Коринфлиләрә 15:33 ајәсини охујун вә нөвбәти суаллары мүзакирә един:

Кимләри пис дост адландырмаг олар? Нәјә ҝөрә?

Зәбур 119:63 ајәсини охујун вә нөвбәти суалы мүзакирә един:

Неҹә инсанларла дост олмаг лазымдыр?

Бир чүрүк алма диҝәрләрини дә чүрүдә биләр. Бәс бир пис дост сизә неҹә тәсир едә биләр?

4. Фәргли олмаг достлуға манеә дејил

Мүгәддәс Китабда Давудла Јонатан адлы ики шәхсдән данышылыр. Јонатан Давуддан јашҹа чох бөјүк иди, үстәлик, падшаһ оғлу иди. Бунунла белә, онлар чох ҝөзәл дост идиләр. 1 Ишмуил 18:1 ајәсини охујун вә нөвбәти суалы мүзакирә един:

Нәјә ҝөрә јалныз өз јашыдларымызла, јахуд ҹәмијјәтдә ејни мөвгени тутдуғумуз инсанларла достлуг етмәмәлијик?

Ромалылара 1:11, 12 ајәләрини охујун вә нөвбәти суалы мүзакирә един:

Јеһованы севән достлар бир-бирини неҹә руһландырыр?

Нөвбәти видеода ҝөрүн бир ҝәнҹ гардаш өзүнә неҹә дост тапыр. ВИДЕОЈА бахын вә нөвбәти суаллары мүзакирә един:

ВИДЕО: «Ағлына ҝәтирмәдијин адам сәнин достун ола биләр» (5:06)

Нә үчүн Акилин валидејнләри онун мәктәбдәки ушагларла достлуг етмәсинә ҝөрә нараһат олурду?
Нәјә ҝөрә мәктәбдәки ушагларла достлуг етмәк әввәл-әввәл Акилин хошуна ҝәлирди?
О, тәнһалыгдан неҹә гуртулду?