Pe khoung ne tchye mtam pepoung pou a mso pôkpe, be pe neng jye ge pe fing ne sè ne pou tchwe ye a te bo ging a pe. Daʼge Bible gôm bi pe ge, te goung pô awè ne be mso pepoung pe. Poʼo, o fing ne ghe la te tchi mso pepoung ? Pe yô mpaʼ ne mhente menge mye a dze a.

1. Nweke tchi mso pye pe tchi a gô pe mtuôdeng bi pe ?

Tchwe ye pe tchye medou mtam pou a taʼ mo a, pe thoʼ ne ghe paʼ yu a, ke a pe ne pepoung ke ne tchwepoung le. A be a nyenyô ba m be ye pe bo tchye tam pou a yu tchye m ne èntèrnèt a. Paʼ Bible gôm a, “mo ye é ging pou a pô jyenwe a gô ghe jyenwe, daʼge mo ye é kha mfumgne pô a [pô pye wap te khoung Jéova a pe] gô ko ne mnwe.” (Mghôm jyenwe 13:20) Mso pye wap khoung Jéova neng be gamte é a, fing ne kwite o ne tchwe pe beng é ba ne le mkhète pepoung. Daʼge mso pye wap te gamte Jéova a pe fing ne ghe pe ghô te grô sesuô ne é. A be ywe ye a gre Bible pe ha kaktuô bi pe ne pe de jyenwe tchi mso pôkpe a ! Tchwe ye mso pôkpe be pô pye wap khoung Si a, wap gô kwite wôkpe ne pe khoung Jéova ne gô a dze, a ba wôkpe pe kwite wap ne pe khoung Jéova ne gô a dze. Poʼo, a ghe ge ‘pe pe themte wôkpe wôkpe tchetche pe, bing be kwyete wôkpe wôkpe tchetche pe.ʼ—1 Tésalonika 5:11.

2. Tchi paʼ o ne tchi mso pou a gô ghe ge Jéova youʼ ne é m tchi ge ke ?

Jéova te de bawele ne gre so é pe. É “be so tchuô pou a pô dendeng.” (Mghôm jyenwe 3:32) Jéova gô youʼ ne é m tchi ge ke, be ye pe le pô pye wap te gamte é a pe ne ne gre mso pôkpe ? É gô youʼ ne é m tchwepoung téʼ ! (Ké Yakôp 4:4.) Daʼge, Jéova gô ŋwègne neng le wôkpe ghe so é, be ye pe waʼ mso tchwepoung neng fouʼte ne yôkpe ha ne é, ba ne pô pye wap khoung é a.—Mghôm ghamte 15:1-4.

 PING TCHENG NE GÔ DZE

4. Pô pye pe a pou te hwegne a pe fing ne ji mso pepoung bi pe

Bible gôm nwe ne David pou Jonatan, pebè pepue tchum Israèl tchwedze. Jonatan le be mou fo, be gouʼdzu tsye neng tchente tchye ye David; daʼge ba m poʼo, wap le be mso tchuô. Ké 1 Samuèl 18:1, neng gômte ne mhente menge :

• A tcheng a ge mso pôkpe ghe gouʼdzu ye pe ghe a, ke gre khap ke beng le, paʼ wôkpe a ? Nweke ?

Ké Roma 1:11, 12, neng gômte ne hente yenge :

• Mso pye wap khoung Jéova a, fing ne ha kaktuô tchetche pou m tchi ge ke ?

Tchum vidéo yeng, yô tchi paʼ taʼ fe mou sem ji mso pou a taʼ fe be gouʼdzu tsye tchye ye a. Yô VIDÉO, neng dou gômte ne mhente menge.

• Tchum vidéo, nweke mta Akil le bo djwing ne mso pye a le be é ghe sekou a ?

• Nweke é le ne toʼ bo tcheng ne pe mso pou a pô bô ?

• Ke le kwite é ne tchyete ping djouʼ ne é do é ?

 5. Tchi paʼ o fing ne ghe te gre mso pepoung a

 YE NE KHAMTE

Tchwe ye pe de jyenwe tchi mso pôkpe a, pe gre ge Jéova ŋwègne, ba wôkpe pe neng dzu pé.

O lagne ke ?

• Nweke tchi mso pye pe tchi a be mtuôdeng bi Jéova ?

• Pe gô pôm ne pe mso pou a pa tchi pô ?

• O fing ne ghe la ne ne gre mso pepoung, neng gre ge yô ne pe mso soumte ?