Teri sɛbɛw bɛ dɔ fara an ka nisɔndiya kan waati dumanw la ani u bɛ an barika bonya waati gɛlɛnw la. Nka Bibulu bɛ an lasɔmi ko mɔgɔ suguw bɛɛ tɛ teri ɲumanw ye. O la, i bɛ se ka teri ɲumanw sugandi cogo di? Ɲininkali nata ninnu sɛgɛsɛgɛ.

1. I bɛ teri minnu sugandi, olu bɛ nɔ jumɛn bila i la?

An bɛ waati kɛ ni mɔgɔ minnu ye, an ka teli ka olu jogow ta. O bɛ se ka kɛ jogo ɲumanw walima jogo juguw ye. O bɛ se ka kɛ ni an bɛ waati kɛ ni u ye an kɛtɔ ka to ka taa bɔ ɲɔgɔn ye walima ni an b’o kɛ intɛrinɛti kan. Bibulu b’a fɔ ko, “mɔgɔ min bɛ taama hakilitigiw fɛ, o na kɛ hakilitigi ye, nka hakilintan [minnu tɛ Jehova kanu] taamaɲɔgɔn na tɔɔrɔ sɔrɔ.” (Ntalenw 13:20) Teri minnu bɛ Jehova kanu ani k’a bato, olu bɛ se ka i dɛmɛ i gɛrɛlen ka to Jehova la ani ka latigɛli ɲumanw kɛ. Nka ni an teri sɛbɛw tɛ Jehova kanu, u bɛ se ka an mabɔ a la. O de kama Bibulu bɛ dusu don an kɔnɔ an ka an teriw sugandi ni hakilitigiya ye! Ni an teriw ye mɔgɔw ye minnu bɛ Ala kanu, u bɛ nɔ ɲuman bila an na, wa anw fana bɛ nɔ ɲuman bila u la. O la, an bɛ se ka “ɲɔgɔn jija ka dɔ fara ɲɔgɔn barika kan”.​—1 Tesalonikekaw 5:11.

2. I bɛ teri minnu sugandi, Jehova bɛ mun de miiri olu ko la?

Jehova bɛ a teriw sugandi koɲuman. “Mɔgɔ tilennenw teri don.” (Ntalenw 3:32) Jehova bɛ kɛ cogo di ni an ye teriw sugandi minnu tɛ a kanu? A dusu bɛ kasi kosɛbɛ! (Yakuba 4:4 kalan.) Nka Jehova bɛ nisɔndiya ani ka an sugandi ka kɛ a teriw ye ni an bɛ an sen bɔ jɛɲɔgɔn juguw sen na ani ka an gɛrɛ kosɛbɛ ale la ani mɔgɔw la minnu bɛ a kanu.​—Zaburu 15:​1-4.

 DƆ FARA I KA DƆNNIYA KAN

4. Mɔgɔ minnu ni an tɛ mɔgɔ sugu kelenw ye, olu bɛ se ka kɛ an teri ɲumanw ye

Bibulu bɛ kuma Dawuda ni Jonatan ko la, olu tun ye cɛ fila ye Israɛl-kɔrɔ la. U si hakɛw ani u jɔyɔrɔw tun tɛ kelen ye, o bɛɛ n’a ta teriya kabakoma tun bɛ u ni ɲɔgɔn cɛ. 1 Samuɛl 18:1 kalan, o kɔ aw ka baro kɛ nin ɲininkali kan:

• Mun na an teriw man kan ka kɛ tuma bɛɛ an filanw ye walima mɔgɔ minnu ni an bɛ jɔyɔrɔ kelen na?

Romɛkaw 1:11, 12 kalan, o kɔ aw ka baro kɛ nin ɲininkali kan:

• Terima minnu bɛ Jehova kanu, olu bɛ se ka dusu don ɲɔgɔn kɔnɔ cogo di?

Nin wideyo kɔnɔ, a lajɛ balimakɛ funankɛ dɔ ye teriw sɔrɔ cogo min na yɔrɔw la a tun ma sigi ni u sɔrɔli ye yɔrɔ minnu na. A’ye WIDEYO lajɛ, o kɔ aw ka baro kɛ nin ɲininkaliw kan:

• Wideyo kɔnɔ, Akil tun bɛ ka teriya kɛ ni mɔgɔ dɔw ye lakɔliso la, mun na a bangebagaw tun bɛ ka jɔɔrɔ o ko la?

• A daminɛ na, mun na o teriya suguw diyara a ye?

• A tun b’a yɛrɛ ye a kelen na, a ye se sɔrɔ o kan cogo di?

 5. Teriya ɲuman doncogo i ni mɔgɔw cɛ

 BAKURUBAFƆLI

Ni an bɛ an teriw sugandi ni hakilitigiya ye, an bɛ Jehova nisɔndiya ani an yɛrɛw fana bɛ nafa sɔrɔ o la.

Seginnkanni

• Mun na Jehova b’a mago don an teriw sugandili ko la?

• An ka kan ka an yɛrɛ tanga teriya sugu jumɛnw ma?

• I ka kan ka teriya barikama don i ni mɔgɔ kɛrɛnkɛrɛnnenw de cɛ. I bɛ se ka o kɛ cogo di?