ISHOMO RYA 48
Torana abanywani oyetonzire
Abanywani bitu nibabasa kutuma twakizaho kushemererwa omu bwire burungi, kandi nibatugumya omu bwire bw’ebizibu. Konka Bibuli netugambira ku abanywani bona batari barungi. Mbwenu shi ni bata oku turi kubasa kutorana abanywani barungi? Reka tushwijume ebi bibuzo.
1. Ni bata oku abanywani abu ori kutorana bari kukugiraho engaruka?
Nitukira kutoreza abantu abu turi kumara obwire na bo. Ku turi kumarana obwire n’omuntu hakuba amisho aha gandi ninga aha mbuga z’okuganiriraho, emitwarize yitu ninga emitekatecere yitu nibibasa kuhinduka nk’ebyeye. Bibuli netugambira ngu: ‘Ogenda n’abanyabwenge, na we ahinduka omunyabwenge, konka mugenzi w’abashema [abatari kukunda Yehova] aryakizira.’ (Enfumu 13:20) Abanywani abari kukunda Yehova kandi abari kumuramya, nibabasa kutukwasa kugumizamu kuba banywani beye n’okukora ensharamu ndungi. Konka abanywani abatari kuramya Yehova, nibabasa kututanisa na we. Ni yo nshonga Bibuli eri kutuhiga kutorana abanywani twetonzire! Abanywani bitu ku bari kuba nibakunda Yehova, twena nikitugasira. Tushemerire kuba ‘twetegwire kugumyana kandi tukombekana.’—1 Abatesalonika 5:11.
2. Abanywani abu ori kutorana nibatuma Yehova yayehurira ata?
Yehova natorana abanywani beye ayetonzire. Natorana ‘abine omutima ogugororokire.’ (Enfumu 3:32) Ni bata oku Yehova ari kwehurira ku turi kutorana abanywani abatari kumukunda? Mazima, nikimushasha! (Shoma omuri Yakobo 4:4.) Ekiri kutana n’eco, Yehova nayija kushemererwa, kandi obe munywani weye ku orayeyiheho abanywani babi kandi okamuhika hihi, ori kukunda abari kumukunda.—Zaaburi 15:1-4.
YEGA BYINGI
Shwijuma oku abanywani abu turi kutorana bari kubasa kutugiraho engaruka, n’oku ori kubasa kugira abanywani abarije kutuma wagira amagara marungi.
3. Guma oyerinde abanywani babi
Abanywani babi ni abantu abatari kukunda Ruhanga kandi batari kugendera aha misinge yeye. Zana VIDIYO, rero muganire ahari eki kibuzo.
-
Ni bata oku turi kubasa kutandika kwekwatanisa n’abanywani ababi mporampora?
Shoma omu 1 Bakorinso 15:33, rero muganire ahari ebi bibuzo:
-
Ni baha abantu abu otashemerire kwekwatanisa na bo? Ahabw’enki?
Shoma omuri Zaaburi ya 119:63, rero muganire ahari eki kibuzo:
-
Ni enki eki oshemerire kufaho waza kutorana omunywani?
Ekijuma kimwe ekijunzire nikibasa kutuma n’ebindi byajunda. Ni bata oku omunywani omwe mubi ari kubasa kukushisha?
4. Abantu abatari ab’orwingano rwitu na bo nibabasa kutubera abanywani barungi
Bibuli negamba abashija babiri b’omuri Isirayeli ya kare, ari bo Dawudi na Yonasani. Bakaba batari kwinganisa emyaka kandi bakakurira omu mbera ezitari kushushana; konka bakagira obunywani buhamire. Shoma omuri 1 Samueli 18:1, rero muganire ahari eki kibuzo:
-
Ahabw’enki burijo tutashemerire kurondera abanywani omu bantu abu turi kwinganisa emyaka kusha?
Shoma omu Barooma 1:11, 12, rero muganire ahari eki kibuzo:
-
Ni bata oku abanywani abari kukunda Yehova bari kugumyana?
Omuri egi vidiyo, reba oku mwenetata ocari muto yabwine omunywani owu yabire atetegwire. Zana VIDIYO, rero muganire ahari ebi bibuzo.
-
Nk’oku wakireba omuri vidiyo, ahabw’enki abazire ba Akil bamuburize aha bikwatirine n’abanywani beye ab’ah’ishomero?
-
Ni biha bintu ebyabire nibituma yakunda abo banywani?
-
Ni bata oku yasingwire ekizibu c’okuhurira ari wenka?
5. Oku turi kubasa kuronda abanywani barungi
Reba oku ori kubasa kuronda abanywani barungi n’oku n’iwe ori kubasa kuba omunywani murungi. Zana VIDIYO.
Shoma omu Nfumu 18:24 na 27:17, rero muganire ahari ebi bibuzo:
-
Ni bata oku abanywani aba buzima bari kuyambana?
-
Mbehi oyine omunywani murungi nk’ogwe? Yaba otamwine, ni bata oku ori kubasa kumuronda?
Shoma omu Bafilipi 2:4, rero muganire ahari eki kibuzo:
-
Kugira ngu ogire abanywani barungi n’iwe noba oshemerire kuba omunywani murungi. Nobasa kukikora ota?
Kugira ngu ogire abanywani barungi, n’iwe noba oshemerire kuba omunywani murungi
ABANTU ABAMWE NIBAGAMBA NGU: “Nobasa kugira obunywani n’omuntu owu ari we wena owu ori kwenda.”
-
Iwe nokigambaho enki?
EMPINYE
Ku turi kutorana abanywani twetonzire nitushemeza Yehova, kandi nikitugasira.
Wayega ki?
-
Ahabw’enki, Yehova ari kwenda ngu tutorane abanywani barungi?
-
Ni baha abanywani abu tushemerire kwerinda?
-
Ni bata oku ori kubasa kugumya obunywani obu oyine n’abantu abari kukunda Yehova?
CONDOZA
Reba oku abanywani barungi bari kubasa kukukwasa omu bwire bw’ebizibu.
“Tukizeho kukundana ekiro c’emperu kitakahikire” (Omunara g’Omurinzi, Okwikuminakumwe 2019)
Shwijuma ebintu ebi ori kubasa kukora kugira ngu otunge abanywani barungi.
Ni enki eki oshemerire kumanya aha bikwatirine n’abanywani b’aha mbuga z’okuganiriraho?
Omu nkuru eyine omutwe oguri kugira ngu, “nkaba ninyetenga ngu ngire tata,” yetegereza ecatumire omushija omwe yaronda abanywani abasya.
“Bibuli nehindura amagara g’abantu” (Omunara g’Omurinzi, 1 Okwakana, 2012)
