LESEN 48
Filiéchú Chiechiom
Chiechiach kewe ra kan efisi ach sipwe pwapwa lón fansoun kinamwe, me ra apéchékkúlakich atun fansoun weires. Nge ewe Paipel a éúréúrakich pwe esap aramas meinisin, iir chiechi mi múrinné. Iwe, ifa usun ka tongeni kefiléch chiechiom mi múrinné? Sipwele ppii ekkeei kapas eis.
1. Ifa usun chókkewe ka filatá le chiechi ngeniir ra tongeni angawaló are émúrinnéló manawom?
Fán chómmóng, sia kan áppirú chókkewe sia chiechi ngeniir. Chókkewe sia kan chiechi ngeniir lón féúféún aramas are wóón Internet, ra tongeni émúrinnéló are angawaló manawach. Iei met Paipel a apasa: “Eman mi chiechi ngeni aramas mi tipachem epwe tipachemela, nge eman mi chiechi ngeni ekewe chon tiparoch [chókkewe rese tongei Jiowa] epwe feiengau.” (Än Salomon Fos 13:20) Ika ka chiechi ngeni chókkewe mi tongei Jiowa me angang ngeni, ra tongeni álisuk le ririéch ngeni me eáni kefil mi múrinné. Nge ika sia filatá le chiechiéch ngeni chón lúkún, iwe ra tongeni atowauakicheló seni Jiowa. Ina popun ewe Paipel a pesekich ach sipwe filiéchú ié sipwe chiechi ngeni! Atun sia chiechi ngeni chókkewe mi tongei Jiowa, kich me iir sipwe feiéch seni. Sipwe tongeni ‘apöchökülafengenikich o alilisfengen lefilach.’—1 Tesalonika 5:11.
2. Epwe met meefien Jiowa usun chókkewe ka filatá le chiechi ngeniir?
Jiowa a filiéchú ié epwe chiechi ngeni. “A chiechifengen me chokewe mi niuokusiti i.” (Kölfel 25:14) Epwe met meefien Jiowa ika sia chiechi ngeni chókkewe rese tongei i? Epwe fókkun lichippúng! (Álleani James 4:4.) Nge epwe pwapwa rech me filikichetá pwe chiechian ika sia ttiisenikich chiechi mi ngaw me ririéch ngeni me chókkewe mi tongei i.—Kölfel 15:1-4.
KÚTTAFICHI
Ppii ika pwata a mmen aúchea ach filiéchú chiechiach, me ppii ifa usun ka tongeni eáni ewe esin chiechi epwe fókkun émúrinnéló manawom.
3. Túmúnuk seni chiechi mi ngaw
Chókkewe rese tongei Kot me aúcheani an kewe allúk, iir chiechi mi ngaw. Fichi ei VIDEO, me mwirin pwóróusfengen wóón ei kapas eis.
-
Ifa usun sia tongeni poputá le chiechi ngeni chókkewe ese éch manawer nge sise fen tepereni?
Álleani 1 Korint 15:33, me mwirin pwóróusfengen wóón ekkeei kapas eis:
-
Met epwe álisuk le esilla ika emén i chiechi mi ngaw? Pwata?
Álleani Kölfel 119:63, me mwirin pwóróusfengen wóón ei kapas eis:
-
Met epwe pwári ika eménnewe i ewe sókkun chiechi ka mochen chiechi ngeni?
Eféú ringo mi pwa a tongeni angawaló meinisin ekkeei ringo. Ifa usun emén chiechi mi ngaw a tongeni angawakóló?
4. Chókkewe mi sókkóló senikich ra tongeni wiliti chiechiach
Ewe Paipel a pwóróus usun Tafit me Jonatan, rúúemén mwán lón Israel lóóm. Inaamwo ika a sókkofesen ieriir me nónnómur, nge ra fókkun chiechiéchfengen. Álleani 1 Samuel 18:1, me mwirin pwóróusfengen wóón ei kapas eis:
-
Pwata ese pwal lamot an epwe taitap ierich me nónnómuch ngeni emén sia mochen chiechi ngeni?
Álleani Rom 1:11, 12, me mwirin pwóróusfengen wóón ei kapas eis:
-
Ifa usun ekkewe chiechi mi tongei Jiowa ra apéchékkúlafengeniir?
Lón ei video, ppii ifa usun emén alúwél a kúnékún chiechian ikewe ese pwal ekieki pwe epwe kúnékún me ie. Fichi ei VIDEO, me mwirin pwóróusfengen wóón ekkeei kapas eis.
-
Lón ewe video, pwata semen me inen Akil kewe ra lólilen usun ié kewe a chiechi ngeniir lón sukul?
-
Pwata a mochen chiechi ngeniir me akkomwan?
-
Ifa usun a pworacho ngeni an tipitipingaw?
5. Usun ach sipwe ámááraatá ach riri ngeni chiechiach mi múrinné
Ppii ifa usun ka tongeni kúnékún ewe esin chiechi mi enlet me ifa usun ka tongeni wiliti emén chiechi mi enlet. Fichi ei VIDEO.
Álleani Än Salomon Fos 17:17 me 27:17, me mwirin pwóróusfengen wóón ekkeei kapas eis:
-
Ifa usun chiechi mi enlet ra tongeni álillisfengen?
-
A wor chienom mi pwal ina usun? Ika aapw, iwe ifa usun ka tongeni kúnékún chiechiom mi ina usun?
Álleani Filipi 2:4, me mwirin pwóróusfengen wóón ei kapas eis:
-
Ren an epwe wor chiechiom mi múrinné, a lamot óm kopwe wiliti ewe esin chiechi mi múrinné. Ifa usun?
Ren an epwe wor chiechiom mi múrinné, a lamot óm kopwe wiliti ewe esin chiechi mi múrinné
EKKÓCH RA ERÁ: “Óm chiechi ngeni ese lifilifil ié, a fen éch lap seni an ese wor chiechiom.”
-
Met kopwe erá?
MENLAPAN
Atun sia kefiléch chiechiach, sia apwapwaai Jiowa me sipwe pwisin kúna feiéchún.
Enniwili
-
Pwata a aúchea me ren Jiowa ach kefil ren ié sipwe chiechi ngeni?
-
Met sókkun chiechi sipwe ttiisenikich?
-
Ifa usun ka tongeni apéchékkúla óm ririin chiechi ngeni chókkewe mi tongei Jiowa?
PWAL EKKÓCH PWÓRÓUS
Ppii ifa usun chiechi mi múrinné ra tongeni álisikich lón fansoun weires.
“Apéchékkúla Ach Chiechiéchfengen me Mwen ewe Sópwólóón” (Ewe Leenien Mas, November 2019)
Ekieki met ka tongeni féri pwe kopwe tongeni kúnékún chiechiom mi múrinné.
“How Can I Make Good Friends?” (Questions Young People Ask—Answers That Work, Volume 1, chapter 8)
Met a lamot kopwe silei usun chókkewe ka kan chiechi ngeniir wóón Internet?
Lón ewe pwóróus itelapan “I Yearned for a Father,” ppii met a amwékútú emén mwán le etittina ié kewe a chiechi ngeniir.
