Elobo yaderetu okana amarho ankala na iyo mmidhidhini dhowagalaliha vina annikamihedha nigafwanyiwa dhorutxa. Mbwenye Bibilia ononaddela wi kahiyo attu otene ali amarho aderetu. Kito onawodhe dhavi wasakula amarho aderetu? Katanalela mavuzo aba.

1. Amarho awo anupatta dhavi?

Nigakalaga mudhidhi mwinjene na muttu mwinternetini obe nigakala mumodhani, ninorava mikalelo dha muttuya oddo. Ejo enodhaga okala elobo yaderetu obe—yabure. Eli ninga enloga Bibilia: “Ogedda n’aziwitxi, onopura ononelamo wawa; ogavitaganyiha na avuti, onorava obure wawa.” (Gano 13:20) Amarho animukwela vina animulabela Yehova anowukamihedha onfiyedha iyene vina okosa dhogana dhaderetu. Mbwenye okana amarho ahinimukwela Yehova, anodhaga onimwalaniha na iyene. Nona Bibilia aganikokomezaga wasakula deretu amarho ehu! Amarho ehu agakala attu animukwela Mulugu ejo enokala yaderetu mwa iyo vina mwa awene. Dhahene ninowodha ‘olibihana vina opangarhazana muttu na mukwaye.’—1 Tesalónika 5:11.

2. Mukalelo onasakuliwe amarho onimpatta dhavi Yehova?

Yehova onowasakula deretu amarho aye. ‘Iyene onandana na abale anvirihamo magano aye.’ (Gano 3:32) Yehova agewilemo dhavi kowiliwa ninga nasakulile amarho ahinimukwela iyene? Agahikubanya! (Kengesa Tiago 4:4.) Mbwenye nigarabela mandano abure vina nasakula amarho animukwela Yehova, iyene onele wagalala vina onele onisakula ninga amarho aye.—Masalmo 15:1-4.

 KASUNZAVI

4. Enowodheya okala amarho aderetu na attu ana vyaka dhottiyana

Bibilia onowaloga alobwana eli a nlogo na Izrayel akuweliwa Jónata na David. Jónata wali mwana Mwene vina wali munddimuwa opitta David, masiki dhawene oheli yahikana mandano oliba. Kengesa 1 Samuwel 18:1, mugamala mutanaalele nivuzo ntti:

• Sabwaya jani amarho ehu kanfwanyela okana vyaka dhakakene obe mikalelo dholigana na dhehu?

Kengesa Roma 1:11, 12, mugamala mutanaalele nivuzo ntti:

• Amarho animukwela Yehova anwodha dhavi olibihana muttu na mukwaye?

Koona mukalelo onfwanyile muzombwe dhahi marho mburo wahajedheliye. Karumiha VIDIYU, mugamala mutanaalele mavuzo aba.

• Mvidiyuni amambali Akil azuzumeli eni sabwa ya amarho aniyena oskola?

• Akil akoseleni mandano na azombwe abale?

• Iyene owodhile dhavi okwaranya ekalelo ya oviwagamo yeka?

 5. Onawodhe dhavi okosa mandano aderetu

 OGWADDELA

Okala txenjewa nigasakulaga amarho elobo yaderetu mwa iyo vina ninomwagalaliha Yehova.

Kobuwela Dhisunziliwe

• Sabwaya jani osakula wehu wa amarho ekala elobo yamakamaka wa Yehova?

• Mandano gani anfwanyelihu orabela?

• Onawodhe dhavi omaga mandano na attu aderetu?