Hawikom ṭha nih cun ṭhatnak caan ah a kan nuamhpi i harnak caan ah thazaang a kan pek. Asinain Baibal nih mikip in hawikom ṭha an si lo tiah ralrin a kan pek. Cucaah zeitindah hawikom ṭha naa thim khawh hna? A tanglei biahalnak hna hi ruathmanh.

1. Naa thimmi hawikom cu na cungah zeitindah huham an ngeih lai?

Kannih cu caan kan hmanṭimi hna bantuk kan hung si kho. Mah cu minung in siseh Internet in siseh kan i hawikommi hna i an ziaza kha kan i cawn khawh tinak a si. Baibal nih hitin a ti: “Mifim hna sinah i chawk ve lengmang law na fim lai, mihrut [Jehovah a daw lomi] hna he i kom law a ping ah an in hruai lai.” (Phungthlukbia 13:20) Jehovah a daw i a biami hawikom pawl nih Pathian he i naih peng awk le a ṭhami biakhiahnak tuah awkah a kan bawmh khawh. Asinain amah a daw lomi hawikom pawl nih cun Jehovah he a kan hlatter khawh. Cucaah Baibal nih hawikom kha fimkhur tein i thim u tiah tha a kan pek. Kan hawile cu Pathian a dawmi an si ahcun anmah he kanmah he ṭhatnak kan hmu lai. Cun ‘pakhat le pakhat thazaang kan i pe kho lai i kan i bawm’ kho lai.—1 Thesalon 5:11.

2. Naa thimmi hawikom cu Jehovah cungah zeitindah huham an ngeih lai?

Jehovah nih hawikom kha ṭha tein aa thim. “Miding mi cu Pathian nih a zumhmi an si.” (Phungthlukbia 3:32) Amah a daw lomi hawikom kan i thim ahcun Jehovah cu zeitindah a um lai? A ngaih a chia tuk lai. (Jeim 4:4 rel.) Asinain a ṭhalomi hawikom kha kan hrial hna, amah kha kan naih i amah a dawmi he kan i komh ahcun Jehovah cu aa nuam tuk lai i a hawile kan si kho lai.—Salm 15:1-4..

 TAM DEUH IN HLATHLAI

4. Kan kum le kan sining aa khat lomi hna he hawikom ṭha kan si kho

Baibal ah hlanlio Israel mi pahnih David le Jonathan kong kha a langhter. Annih cu an kum le an sining aa khat lo nain hawikom ṭha taktak an si. 1 Samuel 18:1 rel law mah biahalnak hi i ruah u:

• Kan hawikom pawl cu kanmah he kumkhua asiloah sining aa khatmi si cu zeicah a herh zungzal lo?

Rom 1:11, 12 rel law mah biahalnak hi i ruah u:

• Jehovah a dawmi hawikom pawl cu zeitindah pakhat le pakhat tha an i pek khawh?

Mah video ah mino unaupa pakhat nih aa ruahchan lomi hmun ah zeitindah hawikom aa hmuh hna timi kong kha zoh. VIDEO kha piah, cun a tanglei biahalnak hna hi i ruah u.

• Mah video ah Akil i sianginn a hawile pawl kong he aa tlaiin a nu le a pa cu zeicah an thin a phan?

• A hmasa ah mah a hawile pawl he i komh kha zeicah a duh?

• A lilennak kha zeitindah a tei khawh?

 5. Hawikom ṭha ser khawh ning

 A TAWINAK

Hawikom kha fimkhur tein kan i thim tikah Jehovah lung kan lawmhter i kanmah zong ṭhathnemhnak kan hmu.

I Ruahṭi Ṭhannak

• Kan i thimmi hawikom pawl cu Jehovah caah zeicah a biapit?

• Zei bantuk hawikom phun dah kan hrial hna awk a si lo?

• Ding tein a ummi hna he nan i hawikomhnak kha zeitindah na fehter khawh?