Kameetsari atsipabintsare inkimoshiretakayee antyaroite. Abashiretyarika ari iroimpeakotakaajeero abashireta. Irointikea okamantee Iriñane Tasorentsi itimi atiri eiro atsipabintsataritsi, ¿jaoka onkantyari piyoteri kameetsatatsiri pintsipabintsatyari?

1. ¿Paita irantakayempiri pitsipabintsare?

Osheki atiripee inkempetabakaajeitya yantayetiri itsipabintsarepee, ari irimatakero inkempetyari itsipabintsare inkarateririka, aisati intsipatyaririka interineki (ikanteetiri redes sociales). Irotake okantantari Bibiria: “Pincarateri iojeitatsiri, piotanaque avirori; irompa pincarateririca caari iojeitatsi [atiri kaari nintiri Yioba], impeacayempi” (Proverbios 13:20). Pitsipabintsare antabeetiniriri Tasorentsi iramitakotempi pishaninkatasanotyari Tasorentsi aisati iramitakotempi pinkoyeero tampatikayetatsiri. Iro kantaincha itimirika pitsipabintsare kaari kemisantiri Yioba ari imatakero irojokakayempiri Yioba, irotake okantanteeri Bibiria ankoye jaanika antsipatyari. Ariorika inintiri atsipabintsare Tasorentsi aitake antime kameetsa, ari amatakero ankemisantero oka kamantaantsi: “Poametavacaajeitea maaroni piveshireajeitanteari, piotasanojeitanteari” (1 Tesaronicasati 5:11).

2. ¿Iriñakameetsatempimpa Yioba pintsipabintsatyaririka kaari kemisantiri?

Ikoyairi Tasorentsi intsipabintsatyari. Okanti Bibiria “iñacameetsatiri cameetsajeitatsiri” (Proverbios 3:32). ¿Jaoka inkantanentyari Yioba antsipabintsatyaririka kaari kemisantiri? ¡Ari inkisakea Yioba! (Piñanatero Santiaco 4:4). Ariorika antsipabintsatyari Yioba aisati nintajeitiriri ari ankimoshiretakaakeri, irompa antsipabintsatyaririka tseenkantatsiri abashiretakayeari Apa Tasorentsi (Salmos 15:1-4).

 PIYOTASANOTERO YOTAANTSIKA

4. Antsipabintsatyari nashiyetachari atiripee

Oñanatakotiri Bibiria Iraviri aisati Jonatán. Yokapee shirampari itimini nampitsiki Israel. Te inkempetabakaajeitya isarentsiteni Iraviri jeri Jonatán kameetsa itsipabintsatabakaajeitani. Piñanatero 1 Samuel 18:1 aisati pinkenketsatabakaajeitya:

• ¿Paitakea ankaratantyariri atiri nashiyetachari?

Piñanatero Oromasati 1:11, 12 aisati pinkenketsatabakaajeitya:

• Yora nintajeitiriri Yioba, ¿jaoka onkantyari iribeshireabakaajeitantyari?

Aparoni ebankari, ¿jaoka iñakeriri itsipabintsare kameetsatatsiri? Pamenero SHIAKAANTSI aisati pinkenketsatabakaajeitya:

• Iriri Akil, ¿paita kaari ikoanta inkarateri Akil itsipabintsare obametaantsipankoki?

• ¿Paitakea ikoantakari Akil inkarateri yokapee itsipabintsare?

• Te inkoyeji Akil irisaike apaniro, ¿paita yantajiri?

 5. Jaoka onkantyari ayotantyariri atsipabintsare kameetsatatsiri

 EIRO PIPEAKOTAROTSI

Ankoyeririka kameetsari atsipabintsare, asaike kameetsa aisati ankimoshiretakayeri Yioba.

Paita piyotabakeri

• ¿Paitakea ikoantari Yioba pintsipabintsatyari atiri kameetsatatsiri?

• ¿Jaanika eiro atsipataritsi?

• ¿Jaoka onkantyari pintsipatyari atiri kameetsatatsiri?