I lawm it mahmahte in hun nuamah i lungdamna behlap uh a, hun haksa-ah tha hong pia uh hi. Ahih hangin Lai Siangtho in mi khempeuh pen lawmlegual hoih hi khin lo uh ahihlam hong theisak hi. Tua ahih leh, lawmlegual hoih koi bangin teel thei ding na hiam? A nuai-a dotnate ngaihsun in.

1. Na lawmlegualte in koi bangin hong thuzawh thei a hiam?

I kikholhpihte’ gamtat mah bangin kigamta nuam hi. Social media pan ahi zong, mihing mahmah ahi zongin i kikholhpihte’ gamtatna a sia a pha in hong lawh thei hi. Lai Siangtho in, “Mipil tawh kikhawl lecin na pil ding a, mihai tawh kikhawl lecin gimna na thuak ding hi,” ci-in gen hi. (Paunak 13:20) Jehovah a it na lawmlegualte in Jehovah tawh na kinaih semsem nading le thu khensatna hoih na bawl theih nadingin hong huh thei uh hi. Jehovah a it lo lawmlegualte in Jehovah tawh hong kigamlasak thei uh hi. Tua ahih manin lawmlegualte pen pilvang taka teel dingin Lai Siangtho in hong hanthawn hi. Pasian a itte lawmin nei leng, hamphatna ngah ciat ding hi hang. Bang hang hiam cih leh, ‘khatlekhat kihanthawnin i kihuh’ theih hang hi.​—1 Thesalonika 5:11.

2. Lawmlegual i teel dan in Jehovah lungsim koici sukha a hiam?

Jehovah in a lawm ding limtakin teel hi. “Thuman mite bek a pawlpih dingin a la hi.” (Paunak 3:32) Amah a it lote tawh kilawmta lecin Jehovah lungsim bangci om ding a hiam? A lung nuam het lo ding hi! (James 4:4 sim in.) Ahih hang, lawmlegual hoih lote pelh a, Pasian tawh kinai nadingin hanciamin, Pasian a itte tawh kikhawl lehang, Jehovah lungdam ding hi. Eite zong Jehovah’ lawm i suak thei ding hi.​—Late 15:1-4.

 ZON BEH INLA, MUH BEH IN

4. Kum le dinmun a kibang lote zong lawmlegual hoih hithei hi

Tanglai Israel mi, David le Jonathan’ thu Lai Siangtho in na gen hi. Amau pen kum le dinmun a kibat loh uh hang, ki-it mahmah uh hi. Samuel Masa 18:1 sim in. Tua khit teh hih dotna kikum un:

• Bang hangin khangualpihte le dinmun kibangte bek tawh kilawmta ding cihna hi lo a hiam?

Rom 1:11, 12 sim in. Tua khit teh hih dotna kikum un:

• Jehovah a it lawmlegualte pen khatlekhat koi bangin tha kipia thei uh a hiam?

Video sunga unaupa in a upmawh lohna mun pana lawm a muhkhiat dan en in. VIDEO hong in. Tua khit teh a nuai-a dotnate kikum un.

• Hih video-ah saanginn a Akil’ lawmte tawh kisai-in a nu le a pate bang hangin lunghimawh uh a hiam?

• Akil pen bang hangin amau tawh kilawmta nuam a hiam?

• A lungzuanna pen koici kantanzo a hiam?

 5. Lawm hoih i neih theih dan

 TOMLAKNA

Lawmlegual ding pilvang taka i teel ciangin Jehovah a lungdam banah ei mahmah in zong hamphatna i ngah hi.

Kikupkikna

• Lawmlegual i teel dan pen Jehovah ading bang hangin thupi a hiam?

• Koi bang lawmte i pelh ding kisam a hiam?

• Lawmlegual hoihte tawh kilawmtatna a kip semsem nadingin bang hih thei na hiam?