Jiñi wem bʌ la camigojob miʼ yʌqʼueñoñobla la cubin lac tijicñʌyel. I cheʼ bʌ miʼ coltañoñobla, mejlʌch lac lʌtʼ jiñi wocol tac. Pero jiñi Biblia miʼ subeñonla chaʼan yom mi lac wen qʼuel majqui mi caj lac sujtesan ti la camigojob. Cheʼ jiñi, ¿bajcheʼ miʼ mejlel lac yajcan ti wen jiñi la camigojob? Wen qʼuele ili cʼajtiya tac.

1. ¿Bajcheʼ miʼ coltañonla o miʼ ticʼlañonla jiñi la camigojob?

Lʌcʼʌ tiʼ pejtelel ora mi wen jiñi la camigojob wen chuqui mi caj lac mel, pero mi mach weñic jiñi la camigojob mach weñic chuqui mi caj lac mel. I cheʼʌch miʼ yujtel mach yʌlʌyic mi mucʼʌch lac ñochtañob o mucʼ jach lac pejcañob ti internet. Jin chaʼan jiñi Biblia, miʼ yʌl: «Jini muʼ bʌ i piʼleñob majlel jini weñoʼ bʌ i pusicʼal mucʼʌch i tajob i ñaʼtʌbal. Jini muʼ bʌ i piʼleñob majlel jini mach bʌ weñobic i pusicʼal [jiñi maʼañic bʌ miʼ cʼuxbiñob Jehová] miʼ yutsi pʼojlel i mul» (Proverbios 13:20). Mi an a wamigojob muʼ bʌ i cʼuxbiñob yicʼot miʼ chʼujutesañob Jehová miʼ mejlel i coltañetob chaʼan lʌcʼʌl maʼ wajñel tiʼ tojlel yicʼot chaʼan wen chuqui maʼ yajcan a mel. Pero, mi an a wamigojob mach bʌ Testigojob, miʼ mejlel a ñajtʼesan a bʌ ti Jehová. Jin chaʼan, jiñi Biblia miʼ subeñonla chaʼan yom mi lac yajcan ti wen jiñi la camigojob. Cheʼ an la camigojob muʼ bʌ i cʼuxbiñob Jehová, miʼ coltañonla. I cheʼ bajcheʼ jiñi, miʼ mejlel lac jacʼ ili ticʼojel: «Chʌn tijicñesan laʼ bʌ yicʼot comol pʼʌtʼesan laʼ bʌ» (1 Tesalonicenses 5:11).

2. ¿I wenta ba Jehová majqui mi lac sujtesan ti la camigojob?

Jehová miʼ yajcan ti wen majqui mi caj i sujtesan tiʼ yamigojob. Cojach miʼ chʼʌm tiʼ yamigojob jiñi tojoʼ bʌ (Proverbios 3:32, TNM). ¿Bajcheʼ yubil mi caj i yubin i bʌ Jehová mi la camigojob jiñi maʼañic bʌ miʼ cʼuxbiñob? ¡Wen chʼijyem mi caj i yubin i bʌ! (Pejcan Santiago 4:4). Pero mi maʼañic mi lac ñochtan jiñi mach bʌ weñobic i melbal (chaʼlibal) i mi lac lʌcʼtesan lac bʌ tiʼ tojlel Jehová yicʼot tiʼ tojlel jiñi muʼ bʌ i cʼuxbiñob, Jehová tijicña mi caj i yubin i bʌ i mi caj i sujtesañonla tiʼ yamigo (Salmo 15:1-4).

 LAʼ LAC ÑUMEN ÑAʼTAN

4. Mi lac mejlel ti sujtel ti wem bʌ i yamigojob jiñi mach bʌ lajalobic bajcheʼonla

Jiñi Biblia miʼ taj ti tʼan David yicʼot Jonatán, chaʼtiquil wiñicob tsaʼ bʌ chumleyob ti Israel ti wajali. Anquese mach lajalobic i jabilel yicʼot bajcheʼ tsaʼ chumleyob, tsaʼ sujtiyob ti wem bʌ i yamigojob i bʌ. Pejcanla 1 Samuel 18:1 i tem alʌla iliyi:

• ¿Chucoch mach wersajic cheʼ pejtelel jiñi la camigojob yom lajalob i jabilel cheʼ bajcheʼonla o cheʼ bajcheʼ yilal chumulob?

Pejcanla Romanos 1:11, 12 i tem alʌla iliyi:

• ¿Bajcheʼ miʼ ñuqʼuesʌbeñob i bʌ i pusicʼal jiñi i yamigojoʼ bʌ i bʌ muʼ bʌ i cʼuxbiñob Jehová?

Qʼuele bajcheʼ tsiʼ taja i yamigojob juntiquil xcolel baqui mach ñaʼtʌbilic i chaʼan. Qʼuelela jiñi VIDEO i tem alʌla iliyi:

• Cheʼ bʌ jiñi i papá yicʼot i mamá Akil tsiʼ yubiyob majqui jiñi i yamigojob yaʼ ti escuela, ¿chucoch tsaʼ cajiyob ti pensar?

• ¿Chucoch Akil tsiʼ mulaj tiʼ yamigojob jiñi i piʼʌlob ti escuela?

• ¿Chuqui tsiʼ mele chaʼan mach i bajñelix miʼ yubin i bʌ?

 5. ¿Chuqui miʼ mejlel lac mel chaʼan mi lac taj wem bʌ la camigojob?

 TSAʼ BɅ LAJ CɅÑɅ

Cheʼ mi lac yajcan ti wen jiñi la camigojob, miʼ coltañonla i mi lac tijicñesʌben i pusicʼal Jehová.

¿Chuqui tsaʼ cʌñʌ?

• ¿Chucoch ñuc cʼʌjñibal miʼ qʼuel Jehová majqui mi lac sujtesan ti la camigojob?

• ¿Majqui jiñi mach bʌ yomic mi lac sujtesan ti la camigojob?

• ¿Bajcheʼ miʼ mejlel a sujtesan ti wem bʌ a wamigojob jiñi weñoʼ bʌ i melbal?