GWERS 48
Bod yn Ddoeth Wrth Ddewis Ffrindiau
Mae ffrindiau agos yn ein gwneud ni’n hapus pan fydd pethau’n mynd yn dda, ac maen nhw’n gefn inni pan fydd bywyd yn anodd. Ond mae’r Beibl yn ein rhybuddio nad yw pawb yn ffrind da. Felly sut gallwch chi ddewis ffrindiau da? Ystyriwch y cwestiynau canlynol.
1. Sut bydd eich ffrindiau yn dylanwadu arnoch chi?
Rydyn ni’n tueddu i ddod yn debyg i’r bobl rydyn ni’n cymdeithasu â nhw. Gall hyn fod yn beth da, neu’n beth drwg, ac mae hyn yn wir p’un a ydyn ni’n treulio amser gyda nhw wyneb yn wyneb neu ar lein. Fel mae’r Beibl yn dweud, “mae cwmni pobl ddoeth yn eich gwneud chi’n ddoeth, ond mae cadw cwmni ffyliaid [rhai sydd ddim yn caru Jehofa] yn gofyn am drwbwl.” (Diarhebion 13:20) Mae ffrindiau sy’n caru Jehofa a’i addoli yn gallu eich helpu chi i aros yn agos ato ac i wneud penderfyniadau da. Ond mae ffrindiau agos y tu allan i’r gynulleidfa yn gallu gwneud inni ymbellhau oddi wrth Jehofa. Does dim syndod felly bod y Beibl yn ein hannog i fod yn ddoeth wrth ddewis ffrindiau. Pan fydd ein ffrindiau yn caru Jehofa, bydd hyn yn beth da i ni ac iddyn nhw. Gallwn ufuddhau i orchymyn y Beibl: “Daliwch ati i annog eich gilydd ac i gryfhau eich gilydd.”—1 Thesaloniaid 5:11.
2. Sut bydd Jehofa yn teimlo am ein dewis o ffrindiau?
Mae Jehofa yn dewis ei ffrindiau yn ofalus. “Mae ganddo berthynas glòs gyda’r rhai sy’n onest.” (Diarhebion 3:32) Sut byddai Jehofa yn teimlo petasen ni’n dewis ffrindiau sydd ddim yn ei garu? Byddai hynny yn ei frifo. (Darllenwch Iago 4:4.) Ar y llaw arall, os ydyn ni’n gwrthod cwmni drwg ac yn agosáu at Jehofa a’r rhai sydd yn ei garu, bydd Jehofa yn hapus ac yn ein dewis ni’n ffrindiau iddo.—Salm 15:1-4.
CLODDIO’N DDYFNACH
Ystyriwch pam mae’n bwysig inni ddewis ffrindiau da, a sut gallwch chi wneud ffrindiau a fydd yn gwella eich bywyd.
3. Osgoi cwmni drwg
Mae pobl sydd ddim yn caru Jehofa a’i safonau yn gwmni drwg. Gwyliwch y FIDEO, ac yna trafodwch y cwestiwn sy’n dilyn.
-
Sut efallai byddwn ni’n cadw cwmni drwg heb sylweddoli?
Darllenwch 1 Corinthiaid 15:33, ac yna trafodwch y cwestiynau hyn:
-
Pa fath o berson allai fod yn gwmni drwg i chi? Pam?
Darllenwch Salm 119:63, ac yna trafodwch y cwestiwn hwn:
-
Beth sy’n bwysig ei gael mewn ffrind?
Gall un afal drwg lygru’r gweddill. Sut gall ffrind drwg ddylanwadu arnoch chi?
4. Gallwn ni wneud ffrindiau â phobl sy’n wahanol iawn i ni
Mae’r Beibl yn disgrifio Dafydd a Jonathan, dau ddyn oedd yn byw yn Israel gynt. Roedden nhw’n wahanol iawn o ran oedran ac amgylchiadau ond roedden nhw’n ffrindiau da. Darllenwch 1 Samuel 18:1, ac yna trafodwch y cwestiwn hwn:
-
Pam gallwn ni gael ffrindiau o wahanol oedran neu gefndir?
Darllenwch Rhufeiniaid 1:11, 12, ac yna trafodwch y cwestiwn hwn:
-
Sut gall ffrindiau sy’n caru Jehofa annog ei gilydd?
Yn y fideo hwn, gwelwch sut daeth un brawd ifanc o hyd i ffrindiau mewn llefydd annisgwyl. Gwyliwch y FIDEO, ac yna trafodwch y cwestiwn sy’n dilyn.
-
Yn y fideo, pam roedd rhieni Akil yn poeni am ei ffrindiau ysgol?
-
Pam roedd Akil yn hoffi’r ffrindiau hynny ar y dechrau?
-
Sut daeth Akil dros deimlo’n unig?
5. Sut i feithrin cyfeillgarwch
Ystyriwch sut i ddod o hyd i ffrindiau da—a sut i fod yn ffrind da. Gwyliwch y FIDEO.
Darllenwch Diarhebion 18:24 a 27:17, ac yna trafodwch y cwestiynau hyn:
-
Sut mae ffrindiau go iawn yn helpu ei gilydd?
-
Oes gynnoch chi ffrindiau da? Os hoffech chi gael ffrindiau agos, sut gallwch chi fynd ati?
Darllenwch Philipiaid 2:4, ac yna trafodwch y cwestiwn hwn:
-
Er mwyn cael ffrindiau da, mae’n rhaid ichi fod yn ffrind da. Sut gallwch chi fod yn ffrind da?
Er mwyn cael ffrindiau da, mae’n rhaid ichi fod yn ffrind da
BYDD RHAI YN DWEUD: “Mae unrhyw ffrind yn well na bod heb ffrind o gwbl.”
-
Beth fyddech chi’n ei ddweud?
CRYNODEB
Mae dewis ein ffrindiau’n ddoeth yn plesio Jehofa ac yn gwneud lles i ni.
Adolygu
-
Pam mae ein ffrindiau yn bwysig i Jehofa?
-
Pa fath o ffrindiau dylen ni eu hosgoi?
-
Sut gallwch chi feithrin cyfeillgarwch â phobl fydd yn eich helpu chi i blesio Jehofa?
DARGANFOD MWY
Gwelwch sut gall ffrindiau da eich helpu yn ystod amseroedd anodd.
“Gwna Ffrindiau Da Cyn i’r Diwedd Ddod” (Y Tŵr Gwylio, Tachwedd 2019)
Ystyriwch gamau ymarferol gallwch chi eu cymryd i wneud ffrindiau da.
“Sut Galla i Gael Ffrindiau Da?” (Cwestiynau Pobl Ifanc—Atebion Sy’n Gweithio, Cyfrol 1, pennod 8)
Beth dylech chi ei wybod am gymdeithasu ar lein?
Yn yr hanes “Roeddwn i’n Dyheu am Gael Dad Cariadus,” gwelwch beth a wnaeth i un dyn ddewis ffrindiau gwahanol.
“Mae’r Beibl yn Newid Bywydau” (Y Tŵr Gwylio, Ebrill 1, 2012)
Efallai Byddwch Hefyd yn Hoffi
CWESTIYNAU CYFFREDIN
Beth Yw’r Cwrs am y Beibl Mae Tystion Jehofa yn Ei Gynnig?
Gallwch ddefnyddio unrhyw gyfieithiad o’r Beibl y dymunwch i gymryd rhan yng nghwrs rhyngweithiol Tystion Jehofa am y Beibl. Mae croeso ichi wahodd eich teulu neu’ch ffrindiau.
