ZANNOO 48
Kaa Iri Ho Zɔmenne Soŋ
Zɔmenne taabo somaŋ yaga zaa, ka hooŋ wa taa popeɛloŋ, ba ne bo zaaŋ maŋ laŋ kyillɛ, ka hooŋ wa tuoro yelkpeɛne meŋ, ba na toɔ̃ eŋ boŋ faŋa. Kyɛ, a Baabole ko teŋ kawane ka, neɛzaa naaneŋ e zɔmeŋ soŋ. Boŋ na toɔ̃ soŋ bo ka ho kaa iri zɔmeŋ sonne? A soorebie naŋ tu na na toɔ̃ soŋ teŋ ka te kaa iri zɔmeŋ sonne.
1. Sobuo ka ho zɔmenne na baŋ vɛŋ ka ho taa gyog-sonne, kyɛbee a sãã ho gyog-sonne na?
Noba maŋ yeleŋ ka, ka hooŋ tuuro kɔŋkaara, ho na mɔge la mɛmɛrɛɛ. Lɛ wuleeŋ ka ho zɔmenne na toɔ̃ vɛmeŋ ka ho taa gyog-sonne bee gyog-faare. Ka ho neŋ o sobaŋ maŋ laŋ erɛ yɛlɛ, bee ka intanɛt dama diibu zie kaŋa poɔŋ la yɛŋ dire dama, kyɛ o soba gyogo na toɔ̃ nyɛɛ kpeɛ̃o ho zuŋ. Lɛ neŋ o zu ka a Baabole yeli, a Baabole yelka, “neɛ naŋ kyɛnɛ neŋ yɛŋbanneba na e la yɛŋbanna, kyɛ neɛ naŋ tuuro zɔlihi [noba naŋ ba nɔnɔ Jehoova] na nyoɔ̃meŋ.” (Yeng Yelibie 13:20) Ka hooŋ kaa iri zɔmenne naŋ nɔŋ Jehoova a kyɛ puoroo meŋ, ba na soŋ boŋ ka ho tage peɛle Jehoova yaga, a kyɛ de gbɛ-sonne meŋ. Kyɛ, ka hooŋ kaa iri zɔmenne naŋ ba puoro Jehoova, ba na toɔ̃ sãã la ho neŋ Jehoova niiloŋ na. Lɛ zuŋ ka a Baabole ko te kawane ka te kaa iri te zɔmenne soŋ! Ka teneeŋ kaa iri noba naŋ nɔŋ Naaŋmen ka ba e te zɔmenne, ba na soŋ teŋ ka te taa gyog-sonne, te meŋ na baŋ soŋ baŋ ka ba taa gyog-sonne. Zɔmeŋ sonne maŋ ‘yele la yɛlɛ teɛrɛ te, a kyɛ sonnɔ te teŋ baara duoro.’—1 Tɛsalonika 5:11.
2. Bo teɛroŋ ka Jehoova taa kyaare zɔmenne na teŋ kaa iri na?
Aŋ mine ka Jehoova maŋ kaa iri baŋ e o zɔmenne? A Baabole yelka: ‘O neŋ noba yel-erre naŋ tori maŋ nyɔgɛɛ zɔmennoŋ naŋ e kpeɛŋaa.’ (Yeng Yelibie 3:32) Ka teneeŋ kaa iri zɔmenne naŋ ba nɔnɔ Jehoova, bo teɛroŋ ka Jehoova na taa kyaare te? Jehoova poɔ koŋ pɛle fẽẽ zaa! (Kanne Gyimisi 4:4.) Kyɛ, ka teneeŋ kaa iri noba naŋ nɔŋ Jehoova ka ba e te zɔmenne, a kyɛ zagre zɔmeŋ faare bare, Jehoova poɔ na pɛleŋ yaga zaa. Jehoova na kaa iri teŋ ka te e o zɔmenne. Te na tage peɛlɛɛ Jehoova ane noba naŋ nɔmoo na yaga zaa.—Yieme 15:1-4.
ZANNE YƐLƐ YAGA POƆ
Ho na zanne nyɛɛ lɛ a naŋ e nimizeɛ yaga zaa ka ho kaa iri ho zɔmenne soŋ, ane lɛ hoŋ na toɔ̃ nyɔge zɔmeŋ sonne naŋ na toɔ̃ soŋ bo ka ho taa popeɛloŋ yaga zaa.
3. Kaara soŋ a ta wa iri zɔmeŋ faare
Noba naŋ ba nɔŋ Naaŋmen, a zagre ka ba de o bege meŋ tonɔ neŋ toma ba zemmo poɔŋ eɛ zɔmeŋ faare. Ŋmɛ a VIDIO, a kyɛ gyieli a soorebie naŋ tu na yɛlɛ.
-
Ka teneeŋ ba kaara soŋ, te na baŋ te nyɔgɛɛ zɔmeŋ faare saŋa na gba teŋ ba baŋ. Sobuo ka lɛ na toɔ̃ e?
Kanne 1 Korinti 15:33, a kyɛ gyieli a soorebie naŋ tu na yɛlɛ:
-
Nembuoŋ na baŋ e zɔmeŋ faa a ko bo? Bonso hoŋ yel lɛ?
Kanne Yieme 119:63, a kyɛ gyieli a soorebiri ŋa yɛlɛ:
-
Bo yɛlɛ aŋ seŋ ka ho kaa sɛre kyɛ iri neɛ kaŋa ka o e ho zɔmeŋɛ?
Ka ba naŋ de tewɔmɔ eŋ laa poɔŋ ka bonyeniŋ poɔ̃, o na baŋ saaŋɛɛ a tewɔŋ-sonne na zaa. Ka hooŋ taa zɔmeŋ faa bonyeni gba, o na baŋ saaŋɛɛ ho gyog-sonne na bee?
4. Lɛ zaa neɛ naŋ waa, kyɛ o na baŋ wa e la zɔmeŋ soŋ
A Baabole wuli teŋ Izerayɛl dɔbɔ bayi mine naŋ da nyɔge zɔmennoŋ naŋ e kpeɛŋaa yɛlɛ. Gyoonataŋ da korɛɛ Deevid yaga zaa, a da e nabie meŋ, kyɛ Gyoonataŋ neŋ Deevid da eɛ zɔmenne naŋ peɛle taa yaga zaa. Kanne 1 Saamiuel 18:1, a kyɛ gyieli a soorebiri ŋa yɛlɛ:
-
Bonso aŋ ba seŋ ka te iri noba na te yuomo naŋ seŋ taa, bee noba na te ne ba naŋ taa arezi-yeni yoŋ ka ba e te zɔmenne?
Kanne Urom 1:11, 12, a kyɛ gyieli a soorebiri ŋa yɛlɛ:
-
Sobuo ka zɔmenne naŋ nɔŋ Jehoova na toɔ̃ tu kyɛ eŋ taa faŋa?
Te na baŋ nyɛɛ zɔmenne a yi ziiri te naŋ ba kaara soriŋ bee? Kaa a vidio ŋa a nyɛ a noɔre iribo. Ŋmɛ a VIDIO, a kyɛ gyieli a soorebie naŋ tu na yɛlɛ.
-
A vidio poɔŋ, bonso ka noba na Akil naŋ da iri baŋ e o zɔmenne na yɛlɛ da ferɛ o dɔgreba yaga zaa?
-
A piilee saŋa na, bonso ka Akil da boɔrɔ ka o nyɔge a noba ŋa ka ba e o zɔmenne?
-
Akil da teɛrɛɛŋ ka o e la o yoŋ, kyɛ boŋ da somoo?
5. Lɛ hoŋ na toɔ̃ e a nyɛ zɔmeŋ sonne
Wala hoŋ na toɔ̃ e a nyɛ zɔmeŋ sonne? Wala hoŋ na toɔ̃ e a e zɔmeŋ soŋ? Kaa a vidio ŋa a nyɛ a noɔre iribo. Ŋmɛ a VIDIO.
Kanne Yeng Yelibie 18:24 ane 27:17, a kyɛ gyieli a soorebie naŋ tu na yɛlɛ:
-
Sobuo ka zɔmeŋ sonne maŋ tu kyɛ sonnɔ taa?
-
Ho taaɛ zɔmenne mine naŋ waa lɛ bee? Ka hooŋ ba taa ba mine, wala hoŋ na toɔ̃ e a nyɛ a zɔmenne ŋa taa?
Kanne Filipae 2:4, a kyɛ gyieli a soorebiri ŋa yɛlɛ:
-
Ka hooŋ boɔrɔ ka ho taa zɔmeŋ sonne, aseŋ ka ho meŋ e zɔmeŋ soŋ. Sobuo hoŋ na toɔ̃ tu kyɛ e lɛ?
Ka hooŋ boɔrɔ ka ho taa zɔmeŋ sonne, aseŋ ka ho meŋ e zɔmeŋ soŋ
NOBA MINE MAŊ YELEŊ KA: “Zɔmeŋ faa bee zɔmeŋ soŋ ba kyebe, zɔmeŋɛ zaa eɛ zɔmeŋɛ.”
-
Wala hoŋ na yel?
A ZANNOO YELNIMIZEERE
Ka teneeŋ kaa iri zɔmeŋ sonne, a maŋ vɛmeŋ ka Jehoova poɔ pɛle, te maŋ nyɛɛ tɔnɔ yi a poɔŋ meŋ.
Bo Hoŋ Zanne
-
Bonso ka zɔmenne na teŋ maŋ kaa iri na yɛlɛ ferɛ Jehoova yaga zaa?
-
Aŋ mine aŋ ba seŋ ka te kaa iri ka ba e te zɔmenne?
-
Wala hoŋ na toɔ̃ e a nyɔge noba naŋ taa gyog-sonne zɔmennoŋ?
YƐLƐ MINE NAŊ LƐ BEBE
Kanne a yɛlɛ ŋa a nyɛ lɛ zɔmeŋ sonne naŋ na toɔ̃ soŋ bo saŋa na hoŋ tuoro yelkpeɛne.
“Nyɔge Zɔmeŋ Sonne Sɛre Kyɛ Ka A Donɛɛ Baaraa Ta” (A Watchtower, November 2019)
Wala hoŋ na toɔ̃ e nyɛ zɔmeŋ sonne? Kanne a yɛlɛ ŋa a nyɛ a noɔre iribo.
Ka neɛŋ boɔrɔ ka o nyɔge zɔmenne intanɛt zuŋ, bo yɛlɛ aŋ seŋ ka o teɛre gaa tɔɔre sɛre kyɛ e lɛ?
Kanne a yelzu ŋa, “N Da Boɔrɛɛ Neɛ Naŋ Na E N Saa Nimizeɛ̃,” a nyɛ bon naŋso ka dɔɔ kaŋa da leɛ kaa iri neŋyobo baŋ e o zɔmenne.
“A Baabole Soŋ Baŋ Baŋ Leɛre Ba Zemmo Yɛlɛ” (A Watchtower, April 1, 2012)
