Bun mati e meke i piisii ala yuu. Den e yeepi i te i fuka. Ma Beibel e leli u taki a ná ala mati a bun mati. San o yeepi i fu fende bun mati? Kow go luku wantu akisi.

1. San den mati fii sa meke i du?

Te ye paa anga wan sama, a denseefi manii fi en yo abi. Efi ye paa anga sama di e tyai denseefi bun, da iseefi o tyai iseefi bun tu. Ma efi ye paa anga sama di e du ogii, a denseefi sani di ai du yo du tu. Winsi a internet yu anga a sama e taki, toku a den manii fi en yo abi. Beibel taki: ‘A sama di e waka anga koniman o koni, ma sani naw go bun anga a sama di e waka anga donman’ (Odo 13:20). Den sama di Beibel e kai donman, a den sama di á lobi Yehofa. Efi ye paa anga sama di lobi Yehofa, den o yeepi i fi yu anga Yehofa toon bun mati. Den o yeepi i fu du sani anga koni tu. Ma efii de bun mati anga sama di nai dini Yehofa, a sani ya o swaki a biibi fii. Neen meke Beibel taki u mu luku bun sama we teke enke mati. Efu den mati fii lobi Gadu enke fai lobi en, wo man yeepi useefi fu dini Gadu enke fa a wani. Wo man gi useefi ‘taanga-sikin’ tu.​—1 Tesalonikasama 5:11.

2. Yehofa e luku sama we teke enke mati?

A ná ala sama Yehofa e teke enke mati. ‘En anga den sama di e du sani anga wan kiin-ati a mati’ (Odo 3:32). Fa Yehofa e fii te a si we paa anga sama di á lobi en? A sani ya be o hati en tuutuu. (Leisi Yakowbesi 4:4.) Neen meke wa mu e paa anga sama di á lobi Yehofa. U mu meke moiti fu toon mati anga den sama di e dini en. Efu u toon mati anga sama di lobi Yehofa, aw si wi enke en mati tu.​—Psalm 15:1-4.

 LUKU A TOLI YA MOO FINI

4. Winsi wi anga wan sama naabi aseefi yali, toku u poi toon mati

Beibel e taki fu tu man aini Islayeli den e kai David anga Yonatan. Yonatan be gaandi bunbun fasi moo David, a be sa meke en. Boiti dati, Yonatan a be kownu pikin, toku a toon mati anga David. Leisi 1 Samuweli 18:1, da i luku efii poi piki a akisi ya:

• Saide den sama di we teke enke mati naafu de u supee efuso kiya aseefi fasi enke u?

Leisi Romesama 1:11, 12, da i luku efii poi piki a akisi ya:

• Fa mati di lobi Yehofa sa gi denseefi taanga-sikin?

A felon ya e soi fa wan yonkuu baala toon mati anga wan sama di gaandi moo en. Pee a FELON, da i luku efii poi piki den akisi ya.

• Saide Akil mma anga en dda be e booko den ede anga den mati di a be abi a sikoo?

• Saide Akil be wani toon mati anga den boi ya?

• San yeepi en fu fende bun mati?

 5. Sai mu du fu meke mati anga taawan?

 SAI LELI?

Te wi abi bun mati, we meke Yehofa piisii. A sani ya e tyai wini gi u tu.

Sai be o piki?

• Saide Yehofa á wani u teke ala sama enke mati?

• Sama wa mu teke enke mati?

• Sai mu du fu meke mati anga sama di lobi Yehofa?