Mako̱m me ná ma bola ná di bate be̱ muńe̱nge̱, ma membe̱ pe̱ biso̱ o pond’a ndutu. Nde Bibe̱l e malangwea biso̱ ná seto̱ bato be̱se̱ nde be mako̱m ma bwam. Ne̱ni so̱ weno̱ ná o po̱so̱ mako̱m ma bwam e? Jombweye nje Bibe̱l e makwalano̱.

1. Ne̱ni mako̱m o mapo̱so̱no̱ meno̱ ná ma be̱ne̱ ngińa omo̱ń ango̱ e?

O jita la ngedi di matombise̱ te̱ ponda na bato, di masukane̱ nde be̱ ka babo̱. Nika ńe ná e be̱ bwam to̱ bobe, e be̱ ná di makwala na babo̱ boso na boso to̱ tongwea na inte̱rne̱t. Ka nje te̱ Bibe̱l e makwalano̱, “mudangwane̱ badibie̱ a matimba dibie̱, nde nu nu malate̱ na belemā [nik’e mapula nde kwala ba bena ba si to̱ndi Yehova] a mańama.” (Minia 13:20) Mako̱m mena ma to̱ndi Yehova, ma maboleye̱ pe̱ mo̱ me ná mongwane̱ wa o ja be̱be̱ na mo̱ na o no̱ngo̱ bedomsedi ba bwam. Nde mako̱m masu ma si to̱ndi te̱ Yehova, me ná ma bola ná di pande etum na mo̱. Ońola nika nde Bibe̱l e mome̱le̱no̱ biso̱ ná di po̱se mako̱m masu bwam. Mako̱m masu ma to̱ndi te̱ Loba, nik’e mawanea biso̱ na babo̱ tombwane̱. Je ná ‘jomane̱le̱ na longisane̱ mō̱ na nune̱.’—1 Tesalonika 5:11.

2. Ońola nje mbadi o mapo̱so̱no̱ mako̱m ńeno̱ mweńa ońola Yehova e?

Yehova a si mapo̱so̱ to̱ nja nde ka diko̱m. “E ba be mbale̱ tik’a diko̱m.” (Minia 3:32) Ne̱ni Yehova a me̱nde̱no̱ senga yete̱na di po̱si ka mako̱m bato bena ba si to̱ndi mo̱ e? A me̱nde̱ bwa ndutu jita. (Langa Yakobo 4:4.) Nde di bangi te̱ mindenge ma bobe, di sisea pe̱ be̱be̱ na mo̱ na ba bena ba to̱ndi mo̱, Yehova a me̱nde̱ bwa muńe̱nge̱ jita a po̱so̱ pe̱ biso̱ ka mako̱m.—Myenge 15:1-4.

 ALA O NJIBA

4. Bato be diwengisan na biso̱ be ná ba be̱ mako̱m masu ma bwam

Bibe̱l e malangwa myango ma David na Yonatan, bato baba bena ba ta diwengisan jita. Mō̱ ńabu a ta nde mutate̱ byembe nune̱ pe̱ mun’a kiṅe̱, ba si ta pe̱ to̱ ba be̱ne̱ mimbu mō̱; nde ba ta mako̱m ma bwam jita. Langa 1 Samuel 18:1, nde lo kwaleye pe̱ ońola min myuedi:

• Ońola nje e titino̱ eto̱m ná mako̱m masu ma be̱ nde bato be ńo̱ṅo̱n asu to̱ ba be̱n milemlem ma bete̱medi ka biso̱ e?

Langa Roma 1:11, 12, nde lo kwaleye pe̱ ońola min myuedi:

• Ne̱ni mako̱m ma to̱ndi Yehova meno̱ ná membe̱ mō̱ na nune̱ e?

O nin sinima, e̱ne̱ ne̱ni eso̱mb’a moto ewo̱ e so̱ino̱ diko̱m owe̱ni e si tano̱ yenge̱le̱. Ombwa SINIMA, nde lo kwaleye pe̱ ońola myuedi mi mabupe̱.

• O ni sinima, ońola nje bayedi ba Akil ba si bono̱ muńe̱nge̱ ońola mindenge a tano̱ a be̱ne̱ o esukulu e?

• Nje e tute̱le̱ Akil o pula be̱ diko̱m na bautu b’esukul’ao e?

• Nje a bolino̱ ná a si be̱ pe̱ muso̱lo̱ki e?

 5. Ne̱ni be̱ne̱ mako̱m ma bwam

 EBONGOLO

Di po̱si te̱ mako̱m masu bwam, di mabwese̱ Yehova muńe̱nge̱ di tombwane̱ pe̱.

Ndimbisedi

• Ońola nje mbadi di mapo̱so̱no̱ mako̱m ńeno̱ mweńa ońola Yehova e?

• Njika pat’a bato di s’angame̱nno̱ po̱so̱ ka mako̱m e?

• Ne̱ni weno̱ ná o be̱ne̱ mako̱m ma bwam e?