Mbemba mengom ma ve naa bi tobe mevakh été, ba sukh fe bia asi éyong bi tele minzukh été. Ve, Bible a ve bia nkee naa, se môt ase éñe a ne mbemba angom. Aval avé bi ne top mbemba mengom ? Ntamane fas minsili mia zu mi.

1. Aval avé mengom wa ye top ma ye name éning duè ?

Biyong bizing bi wôla kômô vu é bôt bia be be bia lôt abuiñ tam. A ne bo é mam me ne abé, nge ki é mam me ne mbeng, dzam té é ne été, a ne bo naa bia lôt tam ya bo nge ki naa bia yenan a nden. Aval ane Bible a dzô do, « é môt a wulu ya é bôt be ne n’yeman, a ye tobe n’yeman, ve, é môt a wulu ya é bôt be ne ndziman [éba baa dzing ki Jehôva] mam ma ye be ke abé. » (Minkana 13:20) Mengom ma dzing ya kang Jehôva, me ne vole naa ô tobe bebèñ ya ñe, ya ñong mbemba minkighan. Ve, mengom méé se ki bôt be ye ékôan été, me ne ve naa ô ke Jehôva ôyap. Daa yiène ki bo éyeghane naa Bible a lep bia naa bi yem top mengom ya akeng ! Éyong a ne naa mengom mèè ma dzing Nzame, da so be abuan ya fe bia bebièn. Bi ne tsini naa « bia fôlô min’nem bevoo ya éba bevoo, ya ve fe ngu’u bevoo ya éba bevoo. »—1 Bethessalonicien 5:11.

2. Aval avé mengom bia top me ne éban asu Jehôva ?

Jehôva a top mengom mèñ ya abuiñ akeng. « A bele élat ya é bôt be ne sôsôe. » (Minkana 3:32) Za dzam Jehôva a ye wôrane nge bia top naa bia bele mengom maa dzing ki ñe ? A ye de yen n’nem abé ! (A lang Jacques 4:4.) Nfa mboo, Jehôva a ye yen n’nem mbeng, a ye fe bia top ane mengom mèñ, nge bi lighi mbimbia minsama, ya yit ñe bebéñ ya é bôt ba dzing ñe.—Bya 15:1-4.

 A TUGHA FAS

4. É bôt béé se ki ane bia, be ne fe bia bo mbemba mengom

Bible a dzô bia élat é mbe ézizang David ya Jonatán, befam bebèñ be ye Israel ye melu ô mvus. Amben béé mbe ki be bele mimbu nge ki aval éning daa ; be mbe be bele mbemba élat. A lang 1 Samuel 18:1, éyong té mia lèè minlang mia daghe nsili wa zu wi :

• Amu dzé mengom mèè maa yiène ki fave a bele abim mimbu bi bele, nge ki aval éning bia ning ?

A lang Beromain 1:11, 12, éyong té mia lèè minlang mia daghe nsili wa zu wi :

• Aval avé mengom mebèñ ma dzing Jehôva me ne sughane asi ?

Éngengeng di été, yeneghan ane étong mong é nga yen mengom é vôm éé mbe ki é simane. Daghane ÉNGENGENG, éyong té mia lèè minlang mia daghe minsili mia zu mi :

• Éngengeng di été, amu dzé bebyèñ Akil be mbe béé yep a n’nem akal mengom a mbe a bele a sikôlô ?

• Ôsusua, za mam Akil a nga dzing ébe mengom meté ?

• A nga bo ya naa a taa bera wôrane naa a ne étam ?

 5. Aval bi ne bele mbemba mengom

 AKIGHE BES

Éyong bia yem top mengom ya akeng, bia ve Jehôva n’nem mbeng, bia bebièn bi bele fe abuan.

Ôbaghle

• Amu dzé mengom bia top me ne éban asu Jehôva ?

• Za aval mengom bia yiène saale ?

• Aval avé bi ne bele élat é ne ngu’u ya mengom ma yiène ?