E tou fiafia i le fakatasi mo otātou kauneʼa. Ti e tou iloa e mafai latātou fānaki kia lātou mokā tou tau mo se faigataʼaʼia. E māsau i le Tosi-Tapu ki le fakakauneʼa. E fakalotomakekeʼi ai tātou ke tou filifili fakamālielie otātou kauneʼa. Ta tioʼi loa pe koleā e tonu ke tou fai.

1. Koleā e maʼuiga ai ke ke filifili fakamālielie ni ou kauneʼa?

Ka lasi le temi leia e ke fakatasi ai mo se tasi, e mafai ai ke ke liliu o fai pe te ia la, ko se tasi e agamālie pe agaveli. Ti e māʼoki le anoʼaga lenā tatau ai faʼi mo kāpau e ke felōgoi mo ou kauneʼa i le neti. O fai pe lona pati i le Tosi-Tapu: “Ko leia e nofo tuumau mo le kau poto e liliu loa o poto, kae ko leia e fiafia i le nofo mo le kau vale [lātou alā e leʼaise alofa kia Seova] e liliu loa o veli.” (Taagapati 13:20) E mafai ke tokoi mai otātou kauneʼa alā e alofa kia Seova ke tou nonofo ofi kiate ia ti mo toʼo ni tonu e mālilie. Kae ko lātou alā e leʼaise tausi kia Seova e mafai ke lotou fakamamaʼo tātou meiate ia. Ko ia leia e maʼuiga ai ke tou filifili fakamālielie otātou kauneʼa. Kāpau e alofa otātou kauneʼa kia Seova, ti e lotou ekenaki loa tātou ke tou fai le neʼa leia e mālie ti e toe fua manuʼia faʼi kia lātou. Ko ia e tou ‘fefakalotomakekeʼaki loa mo fetokoiʼaki.’—1 Tesalonika 5:11.

2. Koleā e maʼuiga ai kia Seova?

E leʼaise loko filifili felaʼaki e Seova se tasi ke kauneʼa mo ia, ‘e kauneʼa aia mo le tagata māʼokiʼoki.’ (Taagapati 3:32) Koleā loa e logoʼi e Seova mokā tou filifili ni kauneʼa e leʼaise tausi kiate ia? E matala ia e lotomamae loa. (Lau Sakopo 4:4.) Kae e fiafia loa i le fakakauneʼa mo tātou mo kāpau e tou tiʼaki le fakakauneʼa mo ʼiki e leʼese mālie alātou a aga ti mo kāpau e tou fakafeofi kiate ia mo lātou alā e alofa aia ki ai.—Pesalemo 15:1-4.

 MANATU LOLOTO

4. E mafai ke tou kauneʼa mo kakai fuli

E māsau i le Tosi-Tapu kia Tavite mo Sonatane. Na tausi manu le tasi ti ko le tasi na ko le vosa o le sau. Ti na leʼaise lā fētuʼu tasi. Kae logo ai a anoʼaga anā, na lā kauneʼa mālie ʼai. Lau 1 Samuele 18:1, ti fai a vesili anei:

• Ka tou fia kauneʼa mo se tasi, ko lona fakaʼuiga ko ia e tonu ke tatau oma fētuʼu pe ko loma maʼuli? Koleā lona tupuʼaga?

Lau Loma 1:11, 12, ti fai le vesili leinei:

• E fefeʼaki a kauneʼa alā e alofa kia Seova lolātou fefakalotomakekeʼiʼaki?

I le gā ʼata leinei, e ke tioʼi loa pe na kauneʼa mālie fefeʼaki se taina koi tupulaga mo se tasi kua maʼuke ona fētuʼu. Tioʼi le GĀ ʼATA, ti fai a vesili e soa atu ki ai.

• I le gā ʼata leinei, koleā na sosa ai a mātuʼa o Akil?

• Koleā na fakakauneʼa ai aia mo ʼiki kau tupulaga o lona fale sekolā?

• Koleā leia na tokoi ke leʼaise logoʼi ai e ia lona nofo tokatasi?

 5. E fefeʼaki le maʼua o ni kauneʼa mālilie

 MANATU TĀFITO

Kāpau e tou filifili fakamālielie ni otātou kauneʼa, e tou fakafiafiaʼi loa a Seova ti e tou toe fiafia ai loa.

Fakamanatu

• Koleā e maʼuiga ai kia Seova le filifili o ni otātou kauneʼa?

• Ko le faʼasiga kakai fefeʼaki e leʼaise tonu ke tou fakakauneʼa mo ia?

• E fefeʼaki latātou maʼua ni kauneʼa mālilie?