Hiɗen yiɗi feƴƴingol saa’i moƴƴo e weldiɓɓe hiɓɓuɓe e si en heɓii satteende, hiɓe waawi en tiiɗinde. Kono Deftere Alla nden wi’i wonaa yimɓe ɓen fow woni weldiɓɓe moƴƴuɓe. Ko honno non suɓortoɗon weldiɓɓe moƴƴuɓe ? Ndaaree lanndaale jokkituɗe ɗen.

1. Ko honno weldiɓɓe ɓe suɓiɗon ɓen battinirta on ?

No feƴƴinirton saa’i e goɗɗo woo, ko non nanndirton e makko. Ɗun no waawi wonude ko moƴƴi maa ko boni. Ɗun ko goonga si hiɗon wondi e maɓɓe maa ka enternet. No Deftere Alla nden wi’iri non : « Wondugol e faamuɓe no okka faamu, kono wondugol e bonɓe [ɓee ɓe yiɗaa Yahuwah Alla] masinbinay » (Tindi 13:20, VPFJ). Weldiɓɓe mon yiɗuɓe Yahuwah Alla ɓen wallay on no wondiron e Yahuwah Alla e fewjon ko moƴƴi. Kono weldiɓɓe mon ɓe rewataa Yahuwah Alla ɓen woɗɗinday on e makko. Ko ɗun waɗi, Deftere Alla nden no wakkilina en suɓagol moƴƴa weldiɓɓe men ɓen ! Si weldiɓɓe men ɓen wonii yiɗuɓe Alla, ɗun nafay en e nafay ɓe kamɓe kadi. ‘En waaway wakkilindirde e tiiɗindirde’ (1 Tesalonii 5:11).

2. Fii honɗun weldiɓɓe ɓe suɓotoɗon ɓen hittani Yahuwah Alla ?

Yahuwah Alla no suɓoo moƴƴa weldiɓɓe makko ɓen. « Ko fii Joomiraaɗo on no weldi e feewuɓe ɓen » (Tindi 3:32, VPFJ). Ko honno Yahuwah Alla miijortoo si on suɓike weldiɓɓe ɓe yiɗaa mo ? O weltotaako fes ! (Janngee Yaaquuba 4:4). Kono, Yahuwah Alla weltoto e o suɓoto en wonugol yiɓɓe makko si en wikkike wondugol e yimɓe bonɓe e si en ɓaɗike yimɓe yiɗuɓe mo (Zabuura 15:​1-4, VPFJ).

 LUGGINEE

4. Yimɓe sertuɓe e men no waawi wonude weldiɓɓe men moƴƴuɓe

Deftere Alla nden no yewti fii weldigal moƴƴal wonunoongal hakkunde annabi Daawuuda e Yonathan. Hari hiɓe serti fota e duuɓi. Oya hari ko o ngaynaako, oya hari ko o ɓiɗɗo lanɗo. Janngee 1 Samu’iila 18:1 e yewton fii ngal lanndal :

• Fii honɗun weldiɓɓe men ɓen haanaa wonude goreeɓe men tun maa wuurirɓe wano men ?

Janngee Roomu 1:11, 12 e yewton fii ngal lanndal :

• Ko honno yiɗuɓe Yahuwah Alla ɓen mo kala wakkilinirta oya ?

E nder oo vidio, ndaaree no suka heɓiri weldiɓɓe e nokkuure nde o miijanooki. Fijinee VIDIO on e yewton fii lanndaale jokkituɗe ɗen.

• E nder vidio on, fii honɗun mawɓe Akil ɓen hari no aani fii weldiɓɓe makko ɓen ka lekkol ?

• Ko honɗun waɗi haa o ɗaɓɓani weldigal sukaaɓe goo ka lekkol makko ?

• Ko honno o foolirnoo wulaa makko on ?

 5. No heɓirton weldiɓɓe kelɗuɓe

 RAWNOODE

Si en suɓike moƴƴa weldiɓɓe men ɓen, en heɓay weltaare e en weltinay Yahuwah Alla.

Ndartannde

• Fii honɗun weldiɓɓe ɓe suɓotoɗen ɓen no hittani Yahuwah Alla ?

• Ko sifa weldiɓɓe homɓe haanuɗen wikkaade ?

• Ko honno heɓirton weldiɓɓe kelɗuɓe ?