Cuireann dlúthchairde lenár sonas nuair atá rudaí go maith, agus tugann siad misneach dúinn in am an ghátair. Ach deir an Bíobla nach é gach duine a dhéanfadh cara maith. Cén chaoi ar féidir leat cairde maithe a roghnú? Déan machnamh ar na ceisteanna seo.

1. Cén tionchar a bheidh ag na cairde a roghnaíonn tú ort?

Tá an claonadh ionainn aithris a dhéanamh ar na daoine a gcaitheann muid am leo. D’fhéadfadh sé gur rud maith nó rud dona é seo—agus tá sé seo fíor bíodh muid ag coinneáil comhluadair leo go pearsanta nó ar na meáin shóisialta. Deir an Bíobla, “An té a mbíonn caidreamh aige ar dhaoine eagnaí, éiríonn sé féin eagnaí; bíodh amadáin [iad siúd nach ngránn Iehova] mar chairde aige, agus beidh sé thíos leis.” (Seanfhocail 13:20) Cabhraíonn cairde a ghránn agus a adhrann Iehova linn le fanacht gar dó agus le cinntí maithe a dhéanamh. Ach má roghnaíonn muid cairde taobh amuigh den phobal Críostaí beidh a mhalairt de thionchar acu orainn. Sin í an chúis a ndeir an Bíobla linn ár gcairde a roghnú go ciallmhar! Nuair a ghránn ár gcairde Iehova, bíonn tionchar maith againn araon ar a chéile. Tá muid in ann a bheith “ag spreagadh a chéile agus ag treisiú le chéile.”—1 Teasalónaigh 5:11.

2. Cén tionchar a bheidh ag na cairde a roghnaíonn tú ar Iehova?

Roghnaíonn Iehova a chuid cairde go cúramach. “Is leis na fíréin amháin a ligeann sé a rún.” (Seanfhocail 3:32) Cén chaoi a mothódh Iehova dá roghnódh muid cairde nach ngránn é? Bheadh an-díomá air! (Léigh Séamas 4:4.) Ach beidh Iehova sásta linn má roghnaíonn muid droim láimhe a thabhairt do dhroch-chomhluadar agus teannadh isteach leis-sean agus leo siúd a ghránn é.—Salm 15:1-4.

 DÉAN TAIGHDE

4. Is féidir le daoine atá difriúil ar fad uainn a bheith ina gcairde againn

Tá cur síos sa mBíobla ar bheirt Iosraeilítigh, Dáiví agus Iónátán. Bhí dlúthchairdeas eatarthu cé go raibh Iónátán i bhfad níos sine ná Dáiví. Léigh 1 Samúéil 18:1, ansin plé an cheist seo:

• Cén fáth nach gá go mbeadh ár gcairde ar chomhaois linn nó go mbeadh an stádas sóisialta céanna acu?

Léigh Rómhánaigh 1:11, 12, ansin plé an cheist seo:

• Cén chaoi ar féidir le cairde a ghránn Iehova a chéile a spreagadh?

Féach mar ar tháinig deartháir óg sa bhfíseán ar chairde in áit nach raibh súil ar bith aige leis. Seinn an FÍSEÁN, ansin plé na ceisteanna a leanann.

• Cén fáth a raibh imní ar thuismitheoirí Akil faoi na cairde a bhí aige ar scoil?

• Cén fáth ar thaitin na cairde seo leis ar dtús?

• Cén chaoi a raibh sé in ann dul i ngleic leis an uaigneas?

 5. An chaoi le cairdeas maith a chothú

 ACHOIMRE

Nuair a roghnaíonn muid ár gcairde go ciallmhar, bíonn Iehova sásta linn agus téann sé chun tairbhe dúinn.

Súil Siar

• Cén fáth a bhfuil spéis ag Iehova sna cairde a roghnaíonn muid?

• Cén sórt cairdeas ar choir dúinn a sheachaint?

• Cén chaoi ar féidir leat dlúthchairdeas a chothú le dea-dhaoine?