Èvè zanmi a-w, ou ka pasé dé bèl ti moman, é lèwvwè ou ka jwenn difikilté, yo toujou la pou soutyenn-vou. Labib ka palé dè lanmityé é i ka ankourajé-nou chwazi zanmi an nou byen. An-nou vwè ki konsèy i ka ban-nou anrapò èvè sa.

1. Poukwa fò-nou fè atansyon lè nou ka chwazi zanmi an nou ?

Pi ou ka pasé tan èvè on moun é pi ou pé rivé a ni menm konpòwtèman ki-y é menm mantalité ki-y. Menmsi sé asi Entèwnèt ou ka frékanté zanmi a-w, menm biten-la pé rivé-w osi. Kon Labib ka di, « on moun ki ka maché èvè moun saj ké vin saj, men on moun ki ka maché èvè moun sòt [kivédi moun ki pa enmé Jéova] ké ni pwoblèm » (Pwovèb 13:20). Lè ou ni zanmi ki enmé Jéova, yo pé édé-w rété bon bon zanmi èvè-y é yo pé édé-w pran bon désizyon osi. Pawkont, si ou ni zanmi ki pa enmé Jéova, yo pé rivé a fè-w lagé-y. Alò, ou ni entéré chwazi zanmi a-w byen ! Si nou ni zanmi ki enmé Jéova, yonn ké pousé lòt fè sa ki byen. Konsa, ‘yonn ké kontinyé ankourajé lòt é yonn ké kontinyé fòwtifyé lòt’ (1 Tésalonisyen 5:11).

2. Ka Jéova ka rèsanti lè i ka vwè kimoun nou ka chwazi konm zanmi ?

Jéova ka chwazi zanmi a-y èvè onlo prékosyon. « I bon zanmi èvè moun ki ka maché dwèt » (Pwovèb 3:32). Ka Jéova ké rèsanti si sé zanmi-la nou ka chwazi la pa enmé-y ? Sa ké fè-y lapenn toubònman ! (li Jak 4:4). Pawkont, si nou ka fè éfò pou nou pa ni pon mové frékantasyon é si nou ka rapwoché-nou dè-y é dè moun ki enmé-y, i ké fyèw dè nou. Anplisdisa, i ké vin bon bon zanmi èvè nou (Sòm 15:1-4).

 AN-NOU FOUYÉ PI FON

4. Nou pé vin bon zanmi èvè on moun menmsi i pa ni ayen a vwè èvè nou

Labib ka di-nou kè David é Jonatan té bon bon zanmi menm ! É poutan, yonn té ka okipé dè mouton é lòt-la sé té gason a on wa. É anplisdisa, Jonatan té lontan pli gran ki David. Li 1 Samiyèl 18:1 é fè on ti kozé asi sé kèsyon-lasa :

• Èskè zanmi an nou oblijé ni menm laj ki nou é menm kantité lajan ki nou ? Poukwa ou ka di sa ?

Li Women 1:11, 12 é fè on ti kozé asi kèsyon-lasa :

• Lè dé zanmi enmé Jéova, kijan yonn ka ankourajé lòt ?

Gadé VIDÉO-la pou vwè kijan on jenn frè ka vin zanmi èvè on moun ki pli gran ki-y. Aprésa, fè on ti kozé asi sé kèsyon-la ki ka vin la.

• Poukwa fanmi a Akil té enkyèt ?

• Poukwa Akil té vlé vin zanmi èvè sèwten kanmarad-lékòl a-y ?

• Ka ki édé-y pou i pa té santi-y tousèl ankò ?

 5. Si ou vlé ni zanmi-frè, ka pou ou fè ?

 ON TI RÉZIMÉ

Lè nou ka chwazi zanmi an nou byen, sa ka fè Jéova plézi é sa ka ban-nou tchè-kontan toubònman.

Ka ou woutyenn

• Ka Jéova ka rèsanti lè i ka vwè kimoun nou ka chwazi konm zanmi ?

• Ki jan dè moun fò pa nou chwazi konm zanmi ?

• Ka pou ou fè pou ou vin bon zanmi èvè moun ki enmé Jéova ?