Abera b’oku murhima banarhuyongerera obusime omu chihe ch’obusime, banarhukomeza n’amango rhuli omu bibazo. Aliko Ebiblia erhuhanwire oku buli yeshi arhakaba mwira mwinja. Bobuno gurhe rhwakaja rhwachishoga abera benja? Rhulolage ebye Biblia erhubwirire rhwakajira.

1. Nka gurhe abera wachishogere bakahuma oku kalamo kawe?

Rhunahiga rhwaba kuguma n’abantu rhuli rhwageza ebisanzi haguma nabo. Bakarhuma rhwaba bantu benja changwa babi—rhube rhuli rhwageza ebisanzi haguma nabo masu oku masu, awo oku enternete. Ebiblia ederhere, “onalambagira n’omwengehe naye ayengeha, aliko onakomerana n’echihwinja [k’okuderha abarhazigira Yehova] asherera.” (Mezali 13:20) Abera bazigiire Yehova n’okumuharamya, bakakurhabala oyorhe hofi-hofi naye, n’okukurhabala orhole esimikiro zinja. Aliko abera b’oku murhima b’embuga w’echibaga bakarhucha ku Yehova. Che chirhumire Ebiblia erhuhirire omurhima rhuchishoge abera oku bwengehe! Amango bera-berhu bali bantu bazigiire Mungu, rhweshi haguma rhwapata enyungu. Rhwagala “genderera kuhirana omurhima buli muguma n’owindi n’okuyumbakana.”​—1 Watesalonike 5:11.

2. Gurhe Yehova anachiyunva oku bilolere abera onachishoga?

Yehova arhachishoga omwira ye na mwira. “Anajira obwira b’oku murhima haguma n’ab’okunali.” (Mezali 3:32) Gurhe Yehova akachiyunva nka rhwamachishoga abera barhamuzigiire? Akwanene agaye loshi! (Osome Yakobo 4:4.) Aliko, ayunva asimire n’okuchishoga rhwabo rhube bera bage, nka rhulekene n’abera babi, rhwanamuyegera yewe na balala bamuzigiire.​—Zaburi 15:1-4.

 HUMBA BWENENE

4. Abantu rhurhali kuguma nabo bakarhubera bera benja

Ebiblia eshambere oku bilolere balume babiri b’omu Izraeli ya mira, k’okuderha Daudi na Yonatani. Chiro akaba oku barhaliri ba lugero luguma barhanalembwaga kuguma, chirhabuzaga barhaba bihango. Osome 1 Samueli 18:1, muje mwaganira kw’echila chibazo:

• Bulagurhe bera berhu barhakwanene kuba mpu mpaka aba rhuhinganire nabo, changwa aba rhwalemberwe kuguma nabo bonyine?

Osome Waroma 1:11, 12, muje mwaganira kw’echila chibazo:

• Nka gurhe abera bazigiire Yehova bakahirana omurhima?

Mw’eyila video, lola gurhe murhabana muguma apataga abera aharhakawazize chiro. Ziha EVIDEO, muje mwaganira kw’ebila bibazo.

• Mw’eyila video, bichi byarhumaga abazere ba Akil balema bamuyubahira eju ya bera-bage b’oku masomo?

• Bichi byarhumaga arhanga kubabona nka bali bera benja?

• Gurhe agalaga kumala okuhugwa aliri ayunva?

 5. Gurhe rhwakacha obwira bukwirire

 OKU BUGEKE

Amango rhwamachishoga abera oku bwengehe, rhwanasimisa Yehova n’okuchilerhera enyungu.

Rhuchiyibusye

• Bulagurhe Yehova analaga n’abera rhunachishoga?

• Bera ba nyabachi rhukwanene kuyaka?

• Gurhe wakacha obwira bukomere haguma n’abantu benja?