ZAJ KAWM 48
Ua Zoo Xaiv Koj Cov Phooj Ywg
Thaum peb tau zoo thiab muaj kev zoo siab, peb tej phooj ywg uas zoo yuav ua rau peb haj yam zoo siab ntxiv thiab lawv yuav txhawb tau peb lub zog thaum peb tau kev txom nyem. Tiam sis phau Vajlugkub sam hwm tias, tsis yog txhua tus yuav yog phooj ywg zoo. Yog li ntawd, peb yuav ua li cas peb thiaj paub xaiv cov phooj ywg uas zoo? Cia peb mus tham txog cov ntsiab lus nram no.
1. Cov uas koj xaiv los ua phooj ywg yuav ua tau li cas rau koj?
Peb sawv daws keev coj li cov neeg uas peb niaj hnub nrog ua ke, tsis hais cov neeg uas peb nrog ua ke saum huab saum cua los sis cov uas peb nrog lawv ua ke tim ntsej tim muag. Phau Vajlugkub thiaj hais tias, “Yog koj nrog cov neeg txawj ntse [uas hlub Yehauvas] ua ke koj thiaj yuav txawj ntse. Yog koj ua phoojywg nrog cov neeg ruam, koj yuav raug kev puastsuaj.” (Pajlug 13:20) Yog koj cov phooj ywg hlub thiab teev tiam Yehauvas ces lawv yuav pab tau koj muaj kev sib raug zoo nrog nws thiab koj yuav paub txiav txim siab zoo. Tiam sis yog hais tias koj cov phooj ywg tsis hlub thiab tsis teev tiam Yehauvas ces lawv yuav coj tau koj nrug deb zuj zus ntawm nws. Phau Vajlugkub thiaj sam hwm kom peb ua tib zoo xaiv peb cov phooj ywg. Yog peb xaiv cov phooj ywg uas hlub thiab teev tiam Yehauvas ces peb ib tug thiaj li txhawb tau ib tug lub zog thiab ib tug pab tau ib tug.—1 Thexalaunikes 5:11.
2. Yog koj tsis ua zoo xaiv koj cov phooj ywg, Yehauvas yuav xav li cas?
Yehauvas ua zoo xaiv nws cov phooj ywg. Phau Vajlugkub hais tias, “Nws nrog tus uas ua ncaj ncees sib raug zoo” xwb. (Pajlug 3:32) Koj sim xav seb, Yehauvas yuav xav li cas yog hais tias peb xaiv cov neeg uas twb tsis hlub nws los ua phooj ywg? Peb yuav ua rau nws tu siab heev! (Nyeem Yakaunpaus 4:4.) Tiam sis Yehauvas yuav zoo siab heev thiab nws yuav ua peb tus phooj ywg yog tias peb tsis nrog cov uas tsis hlub nws ua ke thiab peb rau siab ntso ua kom peb muaj kev sib raug zoo nrog nws thiab cov uas hlub nws.—Phau Ntawv Nkauj 15:1-4.
KAWM NTXIV
Cia peb mus kawm ntxiv seb yog vim li cas thiaj li tseem ceeb ua luaj rau peb yuav tsum ua zoo xaiv peb cov phooj ywg thiab koj yuav ua li cas koj thiaj muaj cov phooj ywg zoo uas hlub koj tiag tiag thiab yuav txhawb tau koj.
3. Ceev faj tsis txhob nrog cov neeg phem ua ke
Cov neeg uas tsis zoo rau peb nrog ua ke yog cov uas tsis hlub Yehauvas thiab tsis nyiam nws tej kev cai. Saib zaj YEEB YAJ KIAB thiab tham txog lo lus no:
-
Ua cas muaj tej thaud peb twb mus poo nrog cov neeg phem ua ke lawm los peb twb tsis ras txog?
Nyeem 1 Kauleethaus 15:33 thiab tham txog lo lus no:
-
Ua tib zoo xav seb tsis zoo rau koj nrog cov neeg zoo li cas ua ke? Thiab yog vim li cas koj thiaj xav li ntawd?
Nyeem Phau Ntawv Nkauj 119:63 thiab tham txog lo lus no:
-
Raws li nqe Vajlugkub no hais, cov phooj ywg zoo yog cov neeg zoo li cas?
Lub txiv uas lwj lawm yuav ua rau tag nrho ib phiab txiv lwj. Tus phooj ywg uas tsis zoo yuav ua tau li cas rau koj?
4. Cov neeg uas txawv peb los peb yeej ua tau phooj ywg zoo nrog lawv
Phau Vajlugkub hais txog ob tug txiv neej Ixayees thaum ub hu ua Daviv thiab Yaunathas. Nkawd muaj ntau yam sib txawv, xws li Yaunathas muaj hnub nyoog ntau tshaj Daviv thiab nws yog vaj ntxwv tus tub. Txawm li los, nkawd yog ob tug phooj ywg uas sib hlub thiab sib raug zoo tshaj plaws. Nyeem 1 Xamuyees 18:1 thiab tham txog lo lus no:
-
Peb cov phooj ywg puas yuav tsum yog cov uas nrog peb ib phaum los sis zoo ib yam li peb xwb?
Nyeem Loos 1:11, 12 thiab tham txog lo lus no:
-
Cov phooj ywg uas hlub Yehauvas, ib leeg txhawb tau ib leeg li cas?
Hauv zaj yeeb yaj kiab no, saib seb tus tub hluas no ua phooj ywg nrog leej twg. Saib zaj YEEB YAJ KIAB thiab tham txog cov lus no:
-
Hauv zaj yeeb yaj kiab no, vim li cas Kaub niam thiab Kaub txiv thiaj li txhawj txog nws cov phooj ywg tom tsev kawm ntawv?
-
Ua li cas thaum xub thawj Kaub thiaj xav ua phooj ywg nrog lawv?
-
Ua li cas tom qab no Kaub thiaj li muaj cov phooj ywg zoo?
5. Koj yuav ua li cas koj thiaj muaj cov phooj ywg zoo
Ua zoo xav seb koj yuav ua li cas koj thiaj yuav muaj cov phooj ywg uas hlub koj tiag tiag, thiab seb koj yuav ua li cas koj thiaj ua tau ib tug phooj ywg zoo rau lawv. Saib zaj YEEB YAJ KIAB.
Nyeem Pajlug 18:24 thiab 27:17 thiab tham txog ob lo lus no:
-
Cov tseem phooj ywg ib leeg pab tau ib leeg li cas?
-
Koj puas muaj cov phooj ywg zoo li ntawd? Yog koj tsis muaj no, koj yuav ua li cas koj thiaj li muaj?
Nyeem Filipis 2:4 thiab tham txog lo lus no:
-
Yuav kom koj muaj phooj ywg zoo, koj yuav tsum yog ib tug phooj ywg zoo rau lawv thiab. Yog li ntawd, koj yuav ua li cas koj thiaj ua tau ib tug phooj ywg zoo rau lawv?
Yog koj xav muaj phooj ywg zoo, koj yuav tsum yog ib tug phooj ywg zoo thiab
IB TXHIA HAIS TIAS: “Tsuav yus muaj phooj ywg xwb, tus zoo li cas los tau, zoo dua tsis muaj ib tug li.”
-
Koj yuav teb li cas?
KOJ KAWM TAU DAB TSI
Yog peb ua zoo xaiv cov phooj ywg uas hlub thiab teev tiam Yehauvas ces yuav pab tau peb thiab yuav ua rau Yehauvas zoo siab.
Rov Tham Dua
-
Vim li cas qhov uas peb ua zoo xaiv peb cov phooj ywg thiaj tseem ceeb rau Yehauvas?
-
Peb yuav tsum tsis txhob ua phooj ywg nrog cov neeg zoo li cas?
-
Koj yuav ua li cas koj thiaj ua tau phooj ywg zoo nrog cov uas hlub thiab teev tiam Yehauvas?
TSHAWB NTXIV
Cov phooj ywg uas hlub peb yuav pab peb thaum peb tau kev txom nyem.
“Ntaus Phooj Ywg Zoo Ua Ntej Lub Sij Hawm Kawg Los Txog” (Phau Tsom Faj lub 11 Hlis xyoo 2019)
Xav seb koj yuav ua li cas koj thiaj muaj cov phooj ywg zoo thiab sib hlub tiag tiag.
“Yuav Ua Li Cas Kuv Thiaj Muaj Phooj Ywg Zoo?” (Kev Pab Rau Cov Hluas, Phau 1 Tshooj 8)
Koj yuav tsum paub txog dab tsi ua ntej koj ntaus phooj ywg saum huab saum cua?
Nyeem seb ua li cas ib tug txiv neej thiaj xav hais tias nws yuav tsum tau hloov nws cov phooj ywg hauv zaj “Kuv Xav Kom Kuv Muaj Ib Leej Txi Kawg Nkaus Li.”
“Vajlugkub Kho Tau Lub Neej” (Phau Tsom Faj lub 4 Hlis tim 1 xyoo 2012)
Tej Yam No Yuav Pab Tau Koj Thiab
TEJ UAS COOB TUS NUG TXOG
Kev Kawm Vajlugkub Nrog Yehauvas Cov Tim Khawv Zoo Li Cas?
Yehauvas Cov Tim Khawv qhia Vajlugkub dawb xwb. Koj xav siv phau Vajlugkub twg los kawm los yeej tau. Koj yeej caw tau tag nrho koj tsev neeg thiab koj tej phooj ywg tuaj nrog koj kawm.
