Nega namodia ai tura namodia ese ita idia hamoalea, bona nega aukadia ai idia ese ita idia hagoadaia. To, Baibel ese ita ia hadibaia taunimanima haida be tura dikadia. Vadaeni, edena dala ai tura namodia oi abia hidi diba? Mani henunai idia noho henanadai oi laloa.

1. Edena dala ai emu turadia ese emu kara idia haidaua diba?

Taunimanima haida ita bamoa momo neganai, ita be idia bamona ita lao. Oibe, ita loaloa hebou eiava intanet amo ita bamoa taudia edia kara ese ita idia hanamoa o hadikaia diba. Baibel ia hereva bamona, “aonega taudia ida ia raka tauna be do ia aonega, to kavakava taudia [Iehova idia lalokau henia lasi taudia] ia bamoa tauna be dika do ia davaria.” (Aonega Herevadia 13:20) Iehova idia lalokau bona tomadiho henia taudia ese oi do idia durua Iehova kahirakahira oi noho bona disisen namodia oi karaia totona. To kongrigeisen murimurinai ita bamoa turadia ese Iehova amo ita do idia veria oho. Unai dainai, Baibel ese ita ia sisiba henia iseda turadia do ita abia hidi namonamo! Bema iseda turadia be Iehova idia lalokau henia taudia, ita bona idia be namo do ita davaria. Oibe, ‘ta ta do ita durua bona ita hagoadaia noho.’—1 Tesalonika 5:11.

2. Oi abia hidi turadia dekenai Iehova ena hemami be edena bamona?

Iehova be iena turadia ia abia hidi namonamo. “Kara maoromaoro tauna be Dirava ena turana namona.” (Aonega Herevadia 3:32) Bema ita abia hidi turadia be Iehova idia lalokau henia lasi, iena hemami be edena bamona? Do ia lalohisihisi bada! (Iamesi 4:4 duahia.) To bema Iehova bona iena turadia ita bamoa bona tura dikadia ita dadaraia, ia ese ita do ia abia dae iena turadia ai ita lao totona.—Salamo 15:​1-4.

 DIBA MA HAIDA ABIA

4. Edia noho dalana be idau taudia ita tura henidia diba

Baibel ese idaunegai Israela tatau rua, Davida bona Ionatana ia herevalaia. Edia mauri lagani bona noho dalana be idauidau, to idia be tura namodia momokani. Samuela Ginigunana 18:1 duahia, bena inai henanadai herevalaia.

• Mauri lagani bona noho dalana idauidau taudia ita tura henidia diba, a?

Roma 1:​11, 12 duahia, bena inai henanadai herevalaia:

• Edena dala ai Iehova idia lalokau henia turadia ese ta ta idia hagoadaia diba?

Inai vidio lalonai, do oi itaia tadikaka matamata be ia laloa lasi gabudia ai turadia ia davaria. VIDIO itaia, bena henanadai herevalaia.

• Vidio ai, dahaka dainai Akil ena tama sina be sikuli ai ia bamoa turadia dainai idia lalohekwarahi?

• Dahaka gaudia dainai ia be unai turadia ia ura henia?

• Akil be turana lasi dainai ia lalohisihisi karana be edena dala ai ia hanaia?

 5. Tura namodia oi davaria dalana

 POINT BADANA

Turadia ita abia hidi namonamo neganai, Iehova ita hamoalea bona namo ita abia.

Riviu

• Dahaka dainai Iehova be turadia ita abia hidi karana ia laloa bada?

• Edena bamona turadia ita dadaraia be namo?

• Edena dala ai taunimanima namodia oi tura henidia diba?