PELAJAR 48
Pilih meh Kaban Nuan enggau Manah
Kaban ti rapat ngasuh nuan gaga agi ati ba maya ti senang, lalu sida ngeringka nuan ba maya ti tusah. Tang Bup Kudus nangkan kitai, ukai semua orang ulih nyadi kaban ti manah. Nya alai, baka ni nuan ulih milih kaban ti manah? Peratika tanya tu.
1. Baka ni bala kaban ke dipilih nuan bisi kaul enggau pengidup nuan?
Kitai senang deka nunda orang ke suah enggau kitai begulai. Lalu tu amat ulih dipeda lebuh kitai betunga mua enggau sida tauka nengah internet. Baka ke dipadah Bup Kudus, “Enti nuan begulai enggau orang ke bepenemu-dalam, nuan deka nyadi orang ke bepenemu-dalam baka sida. Enti nuan bepangan enggau orang ke beli [orang ke enda rinduka Jehovah], nuan deka rusak.” (Jaku Dalam 13:20) Kaban ti rindu sereta nyembah Jehovah deka nulung nuan semak ngagai Jehovah sereta ngaga pemutus ti manah. Tang kaban ke enda rinduka Jehovah ulih ngenyauhka kitai ari Jehovah. Nya kebuah Bup Kudus meransang kitai milih kaban enggau manah! Enti bala kaban kitai rinduka Jehovah, nya mai penguntung ngagai kitai empu enggau sida. Kitai ulih meri “peransang sereta tulung sukung pangan diri.”—1 Tesalonika 5:11.
2. Baka ni asai ati Jehovah enggau kaban ke dipilih kitai?
Jehovah milih pangan Iya enggau bejimat. Bup Kudus madahka: ‘Jehovah begedika orang ke ngereja penyai, tang Iya ngaga orang ke lurus nyadika pangan Iya.’ (Jaku Dalam 3:32) Baka ni asai ati Jehovah enti kitai milih kaban ke enda rinduka Iya? Iya tentu tusah ati! (Bacha James 4:4.) Jehovah deka gaga ati sereta dekaka kitai nyadi pangan Iya enti kitai nulak kaul ti enda manah. Pia mega, Jehovah dekaka kitai semak agi ngagai Iya sereta ngagai orang ke rinduka Iya.—Masmur 15:1-4.
BELAJAR MAYUH AGI
Peratika kebuah nya beguna ngiga kaban ti manah, sereta peda baka ni nuan ulih ngemansangka kaul ti ulih ngemanahka agi pengidup nuan.
3. Bejimat lebuh milih kaban
Orang ke enda rinduka Petara enggau standard Iya ulih ngerusak kaul kitai enggau Petara. Mainka VIDEO, lalu kerandauka tanya tu.
-
Kitai engka enda sedar lebuh begulai enggau orang ke enda manah. Baka ni tu ulih nyadi?
Bacha 1 Korint 15:33, lalu kerandauka tanya tu:
-
Orang ti baka ni ke ulih ngerusak kaul nuan enggau Jehovah? Nama kebuah?
Bacha Masmur 119:63, lalu kerandauka tanya tu:
-
Baka ni nuan ulih nemu sekalika orang ke nyadi kaban nuan nya manah tauka enda?
Sigi buah ipul ti jai ulih ngerusak buah ipul ke bukai. Baka ni kaul ti enda manah ulih ngerusak pengidup nuan?
4. Orang ari bemacham bansa enggau umur ulih nyadi kaban kitai
Bup Kudus bisi nyebut pasal dua iku orang ari jeman Israel kelia, iya nya David enggau Jonatan. Jonatan jauh tuai ari David lalu iya mega anak raja. Tang, seduai iya agi ulih nyadi kaban ti rapat. Bacha 1 Samuel 18:1, lalu kerandauka tanya tu:
-
Nama kebuah kitai enda patut semina begulai enggau orang ke serambau tauka orang ke sama penuduk enggau kitai aja?
Bacha Rome 1:11, 12, lalu kerandauka tanya tu:
-
Baka ni bala kaban ke rinduka Jehovah ulih meransang pangan diri?
Ba video tu, peda baka ni seiku lelaki ke biak tetemuka kaban ba endur ti enda dijangka iya. Mainka VIDEO, lalu kerandauka tanya tu.
-
Ba video tu, nama kebuah apai indai Akil irau pasal orang ke enggau iya begulai ba sekula?
-
Terubah iya, nama kebuah iya rindu begulai enggau bala kaban iya ba sekula?
-
Baka ni iya ulih mutarka asai ati ti sunyi?
5. Chara bulih kaban ti manah
Peratika chara kena ngiga kaban ti manah sereta baka ni nuan empu ulih nyadi kaban ti manah. Mainka VIDEO.
Bacha Jaku Dalam 18:24 enggau 27:17, lalu kerandauka tanya tu:
-
Baka ni kaban ti bendar nulung pangan diri?
-
Kati nuan bisi kaban ti manah ke baka nya? Enti nadai, nama ulih digaga nuan ngambika bulih kaban ti manah?
Bacha Pilipi 2:4, lalu kerandauka tanya tu:
-
Ngambika bisi kaban ti manah, nuan empu patut nyadi kaban ti manah. Baka ni nuan ulih ngereja nya?
Ngambika bisi kaban ti manah, nuan empu patut nyadi kaban ti manah
BISI ORANG MADAH: “Manah agi bisi kaban ari ke nadai.”
-
Nama saut nuan?
LANSA
Lebuh kitai milih kaban enggau manah, kitai ngagaka ati Jehovah lalu kitai empu deka gaga ati.
Ulang Kaji
-
Nama kebuah Jehovah ibuhka pemutus ke digaga kitai bekaul enggau kaban ti dipilih kitai?
-
Orang ti baka ni ke enda patut dipilih kitai nyadi kaban?
-
Baka ni nuan ulih nyadi kaban ti rapat enggau sida ke ngereja utai ti betul?
ARAM BELAJAR
Peratika baka ni bala kaban ti manah ulih nulung kitai ba maya ti tusah.
“Tegapka Kaul enggau Bala Menyadi Kristian Sebedau Pengujung Datai” (Menara Jaga, November 2019)
Perundingka chara nuan tau bulih kaban ti manah.
“Baka Ni Aku Ulih Ngiga Kaban ti Manah?” (Tanya ari Bala Nembiak Jilid 1, pelajar 8)
Nama utai ke patut ditemu nuan pasal orang ke begulai enggau nuan nengah online?
Dalam cherita “Aku Amat Dekaka Seiku Apai,” peda meh nama utai ke meransang seiku lelaki milih kaban ti baru.
Nuan Engka Rindu Meda Tu
UTAI KE SUAH DITANYA
Nama Reti Kursus Belajarka Bup Kudus ke Diatur Saksi-Saksi Jehovah?
Nengah kursus ke pechuma ti diatur Saksi-Saksi Jehovah, nuan ulih ngena sebarang salin Bup Kudus ke dikembuan nuan. Nuan mega diperansang mai semua diri sebilik sereta bala kaban nuan sama enggau kursus tu.
