TOLUMỌYE 48

Ebi Ikieotu Sẹlẹ Angọ Pịrị

FARỊ

Omịnị bụụdọọnye bolou a sụọ daba, wó ikieotumọ wó kụrọmọ mịnị, má wó pọwẹị mịnị ifie kpọ, amịnị wó mọ pọwẹị mịnị. Bible pịrị berifanye bị, ebi ikieotu dọụ a sei emi. Anịa, ị́mịnị tebara ka kị ebi ikie nimi wẹrị sẹlẹ angọ pịrị mịnị a o? Wó wẹrị bei biibịbịmọ diitụa.

1. Iné ikie-otubo tebara ka kị iné ụndụ gbele a paa emi a o?

Wó ifiebosẹ kẹrị wẹnị mịnị kịmịbo wó mịẹ bo ebi anịghakpọ sei kịmịama a paa a paa emi—omịnị a mọ mọ́ kẹnịyọ ka timi wẹnị gbelei mịnị anịghakpọ intanẹtị kị duo ẹrẹtei mịnị kpọ. Bible gbaa mị, “kịlịkịlị kịmị mọ wẹnị mịnị kịmị bị kịlịkịlị mịnị, anịa ayẹbẹ [Jehovah tarịgha kịmịama] mọ wẹnị mịnị kịmị bị akpotu bolou ka sụọ mịnị.” (Proverbs 13:20) Iné ikie-otubo Jehovah tarị má ụ karị mịnịsẹ, amịnị baratụa ị́ pịrị Jehovah mọ naịntimi bá ebi iroroama tọn mịnị. Anịa iné ikie-otubo Jehovah tarịgha sẹ, amịnị ị́ mịẹ Jehovah a barasin mịnị. Wó ikie-otubo Jehovah tarị emi sẹ, omịnị arere nana mịnị bá amịnị kpọ arere nana mịnị. Anịkị duonị Bible wó kụrọmọ amọ, omịnị kịlịkịlị bara akị ikie sẹlẹ. Bịsẹ bara mịẹ daba omịnị laa “pẹlẹgha bara zọzọ kụrọmọ bá zọzọ mịẹ bọlọụ bụọdẹ.”—1 Thessalonians 5:11.

2. Iné ikie-otubo tebara ka kị Jehovah gbele a paa emi a o?

Jehovah lelei pẹlẹ dẹkị, ikie sẹlẹ mịnị. “Omịnị kịrịịye mịẹ mịnị kịmịbo mọ kị naịn ikie fị mịnị.” (Proverbs 3:32) Jehovah tarịgha kịmịama kị wó ikieotu a paa daba, tebara ka kị Jehovah gbele a paa emi a o? Jehovah mịẹ bolouịmbẹlẹgha fa! (James 4:4 goo.) Omịnị Jehovah tarị emi kịmịama akị wó ikieotu mịẹ daba, Jehovah pọwẹị mịnị má omịnị wo ikie-otuama a paa mịnị.—Psalm 15:1-4.

EBIBARA TUUDỌỤ

Ebi ikieotu sẹlẹ angọ pịrị, yelaa emi tuu mọ bá baratụa ị́ pịrị wẹrị laa ebi ikieotu sẹlẹ mịnị bara dii.

3. Sei ikie-otu kẹrị wẹnịmụ yọmị angọ dii

Jehovah mọ wo olokobo mọ tarịgha kịmịbo sei ikie-otuama. VIDIO farị dá biibịbị kẹrị ẹrẹtei.

VIDIO: Sei Ikie-Otu Kịlẹmụ Bara Tolumọ (6:17)

Omịnị tebara ka kị nimigha bara sei ikieotu kẹrị wẹnị a paa emi a o?

Wẹrị 1 Corinthians 15:33 goo dá, bei biibịbịmọ kẹrị ẹrẹtei:

Te ụbọ kị sei ikie kịmị a o? Tetuu a?

Psalm 119:63 goo dá, bei biibịbị kẹrị ẹrẹtei:

Teeki baratụa ị́ pịrị wẹrị ebi ikie-ụbọ nimi mịnị a o?

Kẹnị seidẹ apple laa kọọ applebosẹ seimọ a paa emi. Sei ikie-kịmị tebara ka kị ị́ seimọ a paa emi a o?

4. Wó mọ bẹbẹ paa emi kịmịama kpọ wó ebi ikie-otu a paa a paa emi

Bible, oruseri Israel a timi maa kịmịama egberi gbaa wẹrị emi, David má Jonathan. Jonathan pẹrẹ tọbọụ bá biin kụraịama akị David okosi, bịsẹ bara kị gbaa kpọ amịnị ebi ikieotu a paa mị. Wó 1 Samuel 18:1 goo dá, bei biibịbị kẹrị ẹrẹtei:

Tetuu kị duonị omịnị wó pesi-otu anịghakpọ wó timitimi sịlị nana wẹrị emi kịmịama bẹtịbị akị wó ikieotu mịẹgha fa o?

Romans 1:11, 12 goo dá, bei biibịbị kẹrị ẹrẹtei:

Jehovah tarị wẹrị emi ikieotu tebara ka kị zọzọ kụrọmọ a paa emi a?

Ị́mịnị bei vidio dii mịnị mị, kẹnị bịnaowei tọngha yọ duo ikieotu nana bara dọụ ẹrị. VIDIO farị dá, biibịbịmọ kẹrị ẹrẹtei.

VIDIO: Ebi-ikieotu Yọmọsẹ K’emi (5:06)

Vidio bolou mị, Akil sukulu yọ bọọ kẹrị ikie-otubo tetuu kị duonị bụụdọọnye a paa wo daụ mọ yin mọ pịrị ma o?
Bọlọụ ifie mị, Akil tetuu kị duonị bịsẹ ikie-otubo dịsẹ ma o?
Akil tebara ka kị wo ikie nanaghatimi yọ dẹịnmọ ma?