Penkerjai nawamnaiyakrikia warasar nankaamatainti. Itiurchat wainkiarsha ii amikri ikiakatmainiakrin katsuntramniaitji. Tumaitkiusha jui anearartai, Yuusa chichame tawai ii amikri penkerchasha irunniuiti. Tuma asamtai nekas amikrum itiur wainkiamniaitiam? Nunanu jui nekaawartai.

1. Nankamsar nawamnaiyakrikia urukamniaitiaj?

Yajainsha tsaninkiar wekakrikia tura internetnumani yajainsha aujnaiyakrikia ni urukuit ainis ajasminiaitji. Yuusa chichame junis tawai: “Shuar tí neka ainia nuja̱i̱ irunar wekaana nu tí neka átatui antsu netse shuar ainia nuja̱i̱ irunar wekaana nu wáitsattawai” (Nekatai̱n Jintinkiartin [Proverbios] 13:20). Ii amikri Jehová aneaka tura nin enentaimtana nuka Jehovainia aran ajaschatniun nuya penkera nu najanatniun yainmakminiaitji. Antsu Kristu aents ainiatsna nuna amikri ajasrikia Jehovainia aran ajasminiaitji. Tuma asamtai aents penker ainiana nujai nawamnaikiatniuitji tawai Yuusa chichame. Nu turakrikia penker pujuttaji nuya Yuus papiinium mai ikiakanai ajatarum tana nusha umiktatji (1 Tisarúnikianam [1 Tesalonicenses] 5:11).

2. Yajai nawamnaiyam nuna Jehová itiur enentaimta?

Jehová amikrinkia penker ainiawai. “Warí Uunt Yuska yajauchin enentáimtinia núnaka muí̱jiawai, antsu esetar wekainia núnaka nekas péṉker amikri̱ya nútikias shiir enentáimtuiniawai” (Nekatai̱n Jintinkiartin [Proverbios] 3:32). Jehová aents ni umirainiatsna nujai tsaninkiar wekakrinkia itiurak enentaimsat? Ti kuntuts enentaimprattawai (Sántiak 4:4 aujsata). Aents yajauchijiai tsaninkiar wekasatin iniaisar Jehová umireakrikia tura ni umirainiana nujai nawamnaiyakrinkia Jehovaka warastatui tura ni amikri ajastatji (Yus Kanta [Salmo] 15:1-4).

 PENKER NEKAATAI

4. Ii amikrinkia uuntkesha turutskesha uchipiatkesha aminiaiti

Yuusa chichamen Davidtian nuya Jonatankan aujmateawai. Ninkia Israel nunkanam pujuarmiayi. Davidkia uchipiatauyayi tura Jonatanka uuntauyayi. Metekka acharmiayi tumaitkiusha nekas amikri armiayi. 1 Samuel 18:1 TNM aujsarum juna aujmattsatarum:

• Jui aujsajnia aintsan ii amikrinkia ii urukuitiaj aniukeash artiniait?

Rúmanam 1:12 aujsarum juna aujmattsatarum:

• Ii amikri Jehová anenajai itiurkaria mai anenai ajawitiaj?

Uchi natsamaru ni amikrin itiura wainkiamia? VIDEO iisrum juna aujmattsatarum:

• Akil unuimiatainiam ni amikrin takumia nuna urukamtai apari penker iischarmia?

• Akil unuimiatainiam amikri takumia nujai urukamtai shiir amajnaisattsa wakeriniuya?

• Kuntuts enentaimsaij tusa Akil warinia turamia?

 5. Penker aentsu amikri ataj tusar wari turatniuitiaj

 WARI NEKAAM

Ii amikri penker ainiakuinkia Jehová waramtikiaji tura iisha penker pujuttaji.

Awakeasrik nekaatin

• Jehová urukamtai amikrin penkeran takaku arat tusa wakera?

• Ii amikri uruku achatniuit?

• Ame amikrumjai penker nawamnaikiattsam wari itiurkatniuitiam?