Nḥemmel akk a nesɛeddi lewqat yelhan d leḥbab-nneɣ, neẓra daɣen belli nezmer a neţkel fell-asen di teswiɛt n ccedda. Adlis Iqedsen yeţweṣṣi-yaɣ a nextiṛ akken ilaq wid ara yilin d leḥbab-nneɣ. A nwali amek i ɣ-yeţweṣṣi.

1. Ayɣer i glaq a neţţextiṛi akken ilaq wid ara yilin d leḥbab-nneɣ?

M’ara nesɛedday aṭas n lweqt akk-d walbeɛḍ, cwiṭ cwiṭ a nuɣal a t-neţɛanad, ama deg wayen yelhan ama deg wayen n diri. Yerna ɣas ma di Internet i nesɛedday lweqt yid-es, ayagi yezmer a d-yeǧǧ lateṛ deg-neɣ. Am wakken i d-yeqqar Wedlis Iqedsen: “Win iţeddun d wid ifehmen ad yuɣal d lfahem; win iţeddun d imehbal [yeɛni wid ur nḥemmel ara Yahwa] iḍurr iman-is” (Lemtul 13:20). Iḥbiben i gḥemmlen Yahwa zemren a ɣ-ɛiwnen bac a neţqerrib dima ɣer Yahwa yerna a neţţaṭṭaf leqrarat yelhan. Meɛna, iḥbiben ur neţţeɛbad ara Yahwa zemren a ɣ-ssebɛden fell-as. Ihi, ilaq a nissin mliḥ amek ara neţţextiṛi leḥbab-nneɣ! Ma yella leḥbab-nneɣ ḥemmlen Yahwa, a ɣ-d-awin ayen yelhan, nekni daɣen a sen-d-nawi ayen yelhan. Am wakken i ɣ-yeţweṣṣi Wedlis Iqedsen, ‘a neţţemyenhu gar-aneɣ w’a neţţemseǧhad gar-aneɣ’ (1 Itisalunikiyen 5:11).

2. Ayɣer i geţţak Yahwa lqima i wamek i neţţextiṛi leḥbab-nneɣ?

Yahwa ur yeţţextiṛi ara menwala ad yuɣal d aḥbib-is. “D arfiq n wid iţeddun s lewqam” (Lemtul 3:32). D acu ara iḥuss Yahwa lukan a neţţextiṛi wid ur nqeddec ara fell-as ad ilin d iḥbiben-nneɣ? Bla ccekk ur s-iţţeɛǧab ara lḥal (ɣer-ed Yeɛqub 4:4). Meɛna ma nexḍa i yir lemɛacṛa yerna neţqerrib ama ɣur-es ama ɣer wid i t-iḥemmlen, ad yefṛeḥ yis-neɣ w’a ɣ-yeḥseb d iḥbiben-is (Ahellil 15:1-4).

 A NNADI A NEFHEM AKTEṚ

4. Ula d albeɛḍ ukud i nemxallaf yezmer ad yuɣal d aḥbib-nneɣ

Adlis Iqedsen ihdeṛ-ed ɣef tdukli iǧehden yellan ger Dawed akk-d Yunatan. Tadukli-yagi teǧhed xas akken yiwen deg-sen d ameksa wayeḍ d mmi-s n ugellid, uyerna mxallafen mliḥ di leɛmeṛ. Ɣret-ed 1 Camwil 18:1, mbeɛd hedṛet ɣef yesteqsiyen-agi:

• Eɛni d wid kan i gellan ţ-ţizzyiwin-nneɣ neɣ i geţɛicin am nekni i glaqen ad uɣalen d iḥbiben-nneɣ? Ayɣer?

Ɣret-ed Iṛumaniyen 1:11, 12, mbeɛd hedṛet ɣef westeqsi-yagi:

• Amek i ţţemseǧhaden yeḥbiben i gḥemmlen Yahwa?

Akken aţ-ţeẓrem amek i guɣal yiwen n gma-tneɣ ilemẓi d aḥbib n win meqqren fell-as di leɛmeṛ, walit BIDYU-YAGI. Mbeɛd, hedṛet ɣef yesteqsiyen i d-iţeddun.

• Ayɣer i tqellqen imawlan n Dalil?

• Ayɣer i gnuda ad yesɛu iḥbiben di llakul?

• D acu i t-iɛawnen bac ur yeţḥussu ara amzun weḥd-es i gella?

 5. Ayen ara k-iɛiwnen bac aţ-ţesɛuḍ iḥbiben n ṣṣeḥ

 AYEN I D-NELMED

Ma neţţextiṛi akken ilaq leḥbab-nneɣ, a nefṛeḥ yerna a nessefṛeḥ Yahwa.

A d-nesmekti

• Ilaq a neţţextiṛi akken ilaq wid ara yilin d leḥbab-nneɣ. Ayɣer i gesɛa lqima wayagi ɣer Yahwa?

• Anwi lɛibad i gzemren a ɣ-ḍurren ma uɣalen d leḥbab-nneɣ?

• Amek ara d-tafeḍ iḥbiben n ṣṣeḥ?