THUTO 48
Shalula Bakhwinya Babo Zwibuyanana
Bakhwinya ba pejo naswi ba no thama kuti ti shathe, kakale ba no ti simisa ha ta ka lingisana ne mamo a ka sima. Ngono Baibili i no ti kumbuludza kuti nngwe ne nngwe ha te nkhwinya wa ka lulwama. U nga shalula bakhwinya ba ka lulwama chini? Lingisisa buzo dzi no tobela.
1. Bakhwinya ba u no shalula ba nowo ku ama chini?
Ku nga shingikala kuti ti fanane ne bathu ba ti no shingidzana nabo. I nga be chingwe cha ka lulwama kene chi sa ka lulwama, ha ti shingisa nako njinji ti na bo kene ti lebeleka nabo ne zila dzingwe. Baibili ikati: “Iye unoyenda ne bathu bakatjenjela unotjenjelabo, koga nkwinya we zwilengwe [ibabo ba si nga de Jehova] unowongina mu mbatsha.” (Zwiani 13:20) Bakhwinya ba no da ne ku namata Jehova ba nga ku batsha kuti u dwilile uli nkhwinya uwe kakale u shalule ku thama cha ka lulwama. Ngono bakhwinya ba si mu gubungano ba nga thama kuti bukhwinya gwedu na Jehova gu tapudzike. Ndizo Baibili i kumbuludza kuti ti shalule bakhwinya zwibuyanana! Ku be ne bakhwinya ba no da Ndzimu, kowo ti batsha tose. To khona ku “kulumbidzana ne ku bakana.”—1 Bathesalonika 5:11.
2. Ku shalula bakhwinya kuko kowo ama Jehova chini?
Jehova u no shalula bakhwinya babe zwibuyanana. “Nlulwami umu bhapilo lile.” (Zwiani 3:32) Jehova u nowo zwiwa chini ha ti nga shalula bakhwinya ba si nga nde? Ichecho chi nga nhwisa zogwadza! (Bala Jakuba 4:4.) Ha ti lamba bakhwinya ba sa ka lulwama, ngono ti ka be pejo naye ne ba no nda, Jehova u nowo shatha kakale towo be bakhwinya babe.—Pisalema 15:1-4.
ZWIDIYE KWA KA NGINILILA
Bona kuti ini ku shalula bakhwinya ili chingwe cha ta ka fanila ku tolela pezhugwi, kakale kuti u nga tangisa bukhwinya gwa ka lulwama chini.
3. Linga kuti u si shalule bakhwinya ba sa ka lulwama
Bakhwinya ba sa ka lulwama i bathu ba si nga de Ndzimu ne milayo iye. Zana VIDIYO, mu be mu lebesana ne kwe buzo i no tobela.
-
Ti nga pelela ta be ne bakhwinya ba sa ka lulwama chini ti si nga bone?
Bala 1 Bakorinta 15:33, mu be mu lebesana ne kwe buzo dzi no tobela:
-
Nkhwinya u sa ka lulwama i nthu wa ka tini mu kuli? Ne kutini?
Bala Pisalema 119:63, mu be mu lebesana ne kwe buzo i no tobela:
-
Ini cha wa ka fanila lingilila mu nkhwinya?
Apuli ya ka bola i nga bodza dzingwe. Nkhwinya u sa ka lulwama u nga ku ama chini?
4. Bathu ba si nga fanane naswi i nga be bakhwinya ba ka lulwama
Baibili i no chenesa zwibuyanana Dafite na Jonathani, balume be Iziraela wa ntolo. Nenguba ba ka be ba si nga lizane ne makole, ne mamo abo a si nga fanane, ba ka be ne bukhwinya gu no shathisa. Bala 1 Samuele 18:1, mu be mu lebesana ne kwe buzo i no tobela:
-
Ini ti sa ka fanila ku shalula koga bakhwinya ba no lizana naswi ne makole kene be mamo a nonga edu?
Bala Baroma 1:11, 12, mu be mu lebesana ne kwe buzo i no tobela:
-
Bakhwinya ba no da Jehova ba nga batshana chini?
Mu vidiyo i no tobela, bona se kwa nzwalani nchechana a ka bona bakhwinya kwa a ka be a sa ka lingilila. Zana VIDIYO, mu be mu lebesana ne kwe buzo dzi no tobela.
-
Mu vidiyo, ini bazwadzi ba Akil ba ka be be dziyidziwa ne ku shalula kukwe bakhwinya ku ikwele?
-
Wa ka be e dani ne kwe bakhwinya ba a ka shalula gwe kutanga?
-
Ngono wa ka mililana chini ne ku be ne budutu?
5. Se kwa ti nga tangisa ku be ne bakhwinya ba ka lulwama
Bona se kwa u nga bona bakhwinya dumbu, ne se kwa u nga be nkhwinya we malebeswa. Zana VIDIYO.
Bala Zwiani 18:24 ne 27:17, mu be mu lebesana ne kwe buzo dzi no tobela:
-
Bakhwinya be malebeswa ba no batshana chini?
-
A u na bakhwinya be malebeswa ba ka jalo? Ha ku sa ka jalo, u nga tangisa chini ku be nabo?
Bala Bafilipi 2:4, mu be mu lebesana ne kwe buzo i no tobela:
-
Kuti u khone ku be ne bakhwinya ba ka lulwama, wa ka fanila ku be nkhwinya wa ka lulwama. U nga khona ku thama ichecho chini?
Kuti u khone ku be ne bakhwinya ba ka lulwama wa ka fanila ku be nkhwinya wa ka lulwama
BATHU BANGWE BA KATI: “Kwa ka lulwama ku be nkhwinya ne nngwe ne nngwe pana ne ku sa be ne nkhwinya choselele.”
-
Iwe u no kumbulani?
CHA WA ZWIDIYA
Ha ti shalula bakhwinya bedu zwibuyanana, to shathisa Jehova kakale ichecho cho ti batsha.
U Nga Tini?
-
Ini Jehova e amika ne kwe ku shalula bakhwinya kwedu?
-
Ta ka fanila ku lamba bakhwinya ba ka tini?
-
U nga simisa chini bukhwinya gugo ne bathu ba ka lulwama?
SHAKISISA
Bona kuti bakhwinya ba ka lulwama ba nga ti batsha chini ha ta ka lingisana ne mathatha.
“Tangisa Buzwalani Gwa ka Sima Bupelo gu Sathu gu ka Zha” (Thungamakole, November 2019)
Bona zwa u nga thama kuti u be ne bakhwinya ba ka lulwama.
Ini cha wa ka fanila ziba ne kwe bakhwinya ba mu inthaneti?
Mu mbiko ye “Nda ka be Ndi Yemula ku be na Tate,” bona kuti ini cha ka thama kuti nngwe nlume a lingisise zila ya a ka be e shalula bakhwinya nayo.
“Baibili i no Shandula Machilo” (Thungamakole, April 1, 2012)
Kakale u Nga Shathila ku Bona
BUZO DZI NO BUZWIWA KANJINJI
Course ye ku Zwidiya Baibili i no Piwa ne Bafakazi ba Jehova Ndi Ipi?
U shingisa ndongoloso ye mahala ye ku zwidiya i no piwa ne Bafakazi ba Jehova, u nga shingisa Baibili ingwe ne ingwe. Sungunuka ku laletsa be nsha uwo kene bakhwinya babo.
