Bons amigu sénpri ta djuda-nu. Es ta da-nu más alegria na kes óra sábi i es ta da-nu forsa na kes óra kasábi. Má Bíblia ta aviza-nu ma é ka tudu algen ki é un bon amigu. Pur isu, modi ki bu pode skodje bons amigu? Nu ben odja respósta pa alguns pergunta.

1. Modi ki amigus ki bu ta skodje ta influensia-u?

Nu ten tendénsia di bira sima kes algen ki nu ta pasa ténpu ku es. Kel-li pode ser bon ô mau, ka ta nporta si nu sta pasa ténpu djuntu ku es ô si é na internet. Bíblia ta fla: ‘Ken ki ta anda ku algen ki ten sabedoria, ta ganha sabedoria, má ken ki ta sta djuntu ku algen ki ka ten juís [kes ki ka ta ama Jeová], ta ten prublémas.’ (Provérbios 13:20) Kes amigu ki ta ama i adora Jeová pode djuda-u kontinua ku un amizadi fórti ku el i djuda-u toma bons disizon. Má, ten amigus ki ka ta ama Jeová, pode pô-nu ta afasta di el. É pur isu ki Bíblia ta insentiva-nu pa nu skodje nos amigus dretu! Óras ki nos amigus é kes ki ta ama Jeová, es ta djuda-nu i nu ta djuda-s tanbê. Nu ta konsigi ‘kontinua ta nkoraja i ta djuda kunpanheru’. — 1 Tessalonicenses 5:11.

2. Modi ki amigus ki bu ta skodje ta poi Jeová ta xinti?

Jeová ta skodje se amigus dretu. ‘El ten amizadi fórti ku kes algen ki é lial pa el.’ (Provérbios 3:32) Modi ki Jeová ta xintiba si nu skodje amigus ki ka ta ama-l? El ta fikaba uma tristi! (Lé Tiago 4:4.) Má, si nu ka ten maus koléga, i si nu bira más amigu di Jeová i amigus di kes algen ki ta ama-l, el ta fika kontenti i el ta skodje-nu pa nu ser se amigu. — Salmo 15:1-4.

 SABE MÁS

4. Nos amigus ka meste ser sima nos

Bíblia ta pâpia di dôs ómi na Israel antigu ki txomaba Davidi ku Jonatan. Jonatan éra fidju di rei i el éra mutu más bédju ki Davidi. Má simé, es éra grandis amigu. Lé 1 Samuel 18:1, i dipôs pâpia sobri kel pergunta li:

• Pamodi ki nos amigus ka meste ten mésmu idadi ô kes mésmu kuza ki nos?

Lé Romanos 1:11, 12, i dipôs pâpia sobri kel pergunta li:

• Modi ki amigus ki ta ama Jeová ta nkoraja kunpanheru?

Na vídiu, odja modi ki un irmon atxa amigus na undi ki el ka staba ta spéra. Odja VÍDIU, i dipôs pâpia sobri kes pergunta li:

• Na vídiu, pamodi ki mai ku pai di Akil staba preokupadu ku amizadi ki el tinha na skóla?

• Pamodi ki el kumesa ta gosta di kes tipu di amizadi la?

• Kuzê ki el faze pa el ka xinti el sô?

 5. Modi ki bu pode ten bons amigu

 REZUMU

Óras ki nu skodje nos amigus dretu, nu ta poi Jeová kontenti i kel-li ta djuda-nu.

Perguntas di rezumu

• Pamodi ki amigus ki nu ta skodje é inportanti pa Jeová?

• Ki tipu di algen nu ka debe skodje pa ser nos amigu?

• Modi ki bu pode ten un amizadi fórti ku kes algen ki ta ama Jeová?