Arata a hakuhĩ nĩ matuongagĩrĩra gĩkeno hĩndĩ ĩrĩa maũndũ marĩ mega, na magatwĩkĩra hinya hĩndĩ ya moritũ. No Bibilia nĩ ĩtwĩraga atĩ ti mũndũ o wothe ũngĩtuĩka mũrata mwega. Kwoguo-rĩ, ũngĩthuura arata ega atĩa? Wĩcirie ũhoro wa ciũria ici ĩrũmĩrĩire.

1. Arata arĩa ũthuuraga mangĩkorũo na ũgucania ũrĩkũ harĩ wee?

Kaingĩ nĩ twĩgerekanagia na andũ arĩa tũhũthagĩra mahinda maingĩ hamwe nao. Ũndũ ũcio no ũkorũo ũrĩ mwega kana mũũru, na no twĩgerekanie nao o na angĩkorũo tũrahũthĩra mahinda nao kũgerera intaneti. O ta ũrĩa Bibilia yugaga, “mũndũ ũrĩa ũtwaranaga na andũ arĩa ogĩ nĩ arĩũhĩgaga, no mũndũ ũrĩa ũthiaga thiritũ na irimũ [arĩa matendete Jehova] nĩ arĩonaga ũũru.” (Thimo 13:20) Arata arĩa mendete Jehova na mamũthathayagia no magũteithie gũikaraga hakuhĩ nake na gũtuaga matua mega. No tũngĩkorũo na arata a hakuhĩ matarĩ kĩũngano-inĩ no matũme tũraihĩrĩrie Jehova. Nĩkĩo Bibilia ĩtwĩkĩraga ngoro tũthuure arata na ũũgĩ! Angĩkorũo arata aitũ nĩ mendete Ngai, tũrĩgunĩkaga ithuĩ ene o hamwe nao. Nĩ tũrĩhotaga “[gũthiĩ] na mbere gwĩkĩrana ngoro na [gwakana] mũndũ na ũrĩa ũngĩ.”—1 Athesalonike 5:11.

2. Hihi Jehova aiguaga atĩa nĩ ũndũ wa arata arĩa ũthuuraga?

Jehova athuuraga arata ake na ũũgĩ. “Agĩaga ũrata wa hakuhĩ na arĩa arũngĩrĩru.” (Thimo 3:32) Jehova angĩigua atĩa tũngĩthuura arata matamwendete? No aigue ũũru mũno! (Thoma Jakubu 4:4.) Ĩndĩ Jehova no akene na atũtue arata ake tũngĩĩthema thiritũ njũru na tũmũkuhĩrĩrie o hamwe na arĩa mamwendete.—Thaburi 15:1-4.

 THUTHURIA MAKĨRIA

4. No tũkorũo na arata ega kuuma harĩ andũ matiganĩte

Bibilia nĩ ĩtaaragĩria ũhoro wĩgiĩ arũme erĩ Aisiraeli, meetagwo Daudi na Jonathani. Matiarĩ a riika rĩmwe, na moimĩte mĩrerere-inĩ ĩtiganĩte; o na kũrĩ ũguo, nĩ maagĩire na ũrata wa mwanya. Thomai 1 Samueli 18:1, mũcoke mwarĩrĩrie kĩũria gĩkĩ:

• Nĩkĩ to mũhaka hingo ciothe tũkorũo tũrĩ a riika rĩmwe na arata aitũ kana tũkorũo na mũrerere ũhaanaine?

Thomai Aroma 1:11, 12, mũcoke mwarĩrĩrie kĩũria gĩkĩ:

• Arata arĩa mendete Jehova mangĩkĩrana ngoro na njĩra ĩrĩkũ?

Thĩinĩ wa video ĩno, rora wone ũrĩa mũrũ wa Ithe witũ ũmwe mwĩthĩ oonire arata kũndũ atangĩerĩgĩrĩire. Mwĩrorerei VIDEO ĩno, mũcoke mwarĩrĩrie ciũria iria irũmĩrĩire.

• Kũringana na video ĩyo-rĩ, aciari a Akil maatangĩkaga nĩ ũndũ wa arata ake a cukuru nĩkĩ?

• Nĩ kĩĩ gĩatũmĩte Akil agucĩrĩrio nĩ arata acio?

• Nĩ kĩĩ kĩamũteithirie gũtooria ihooru rĩrĩa aarĩ narĩo?

 5. Ũrĩa tũngĩkũria ũrata mwega

 ŨRĨA TWERUTA

Rĩrĩa twathuura arata na ũũgĩ, tũkenagia Jehova na tũkagunĩka ithuĩ ene.

Ciũria cia gũcokera

• Hihi Jehova aiguaga atĩa nĩ ũndũ wa arata arĩa tũthuuraga?

• Nĩ arata a mũthemba ũrĩkũ twagĩrĩirũo gwĩthema?

• Ũngĩaka atĩa ũrata mũrũmu na andũ arĩa magĩrĩire?