48-ҶІ УРОК
Чахсы нанҷыларны таллаңар
Ӧріністіг тустарны чағын нанҷыларнаң иртірерге уламох ӧріністіг полча, аар тустарны, тізең, оларнаң хада ирт парыбызарға оой арах. Че Библия сизіндірче: полған на кізі піске чахсы нанҷы пол полбас. Андағда хайди чахсы нанҷыларны таап аларға? Ӱзӱрібізеелер.
1. Нанҷылар піске хайди влиять полчалар?
Піс кемнең тус иртірчебіс, ағаа тӧӧй пол парчабыс. Нанҷыларыбыс піске чахсы даа, хомай даа саринаң влиять полчалар: кӧстең кӧске дее, интернет пастыра даа. Библияда чоохталча: «Хыйғаларнаң чӧрчеткен кізі хыйға полар, алығларнаң [Иеговаа хынминчатхан кізілернең] чӧрчеткен кізі, тізең, чобаға кір парар» (Притчи 13:20). Иеговаа хынчатхан паза ағаа пазырчатхан нанҷылар сірерге Худайға киртістіг халарға паза чуртаста чахсы пӧгіннер аларға полыс пирерлер. Христианскай ӧменің тастындағы кізілернең нанҷыласханы Иеговадаң оортах тартар. Аннаңар Библия піске нанҷыларны сизіктіг таллирға чоохтапча. Нанҷыларыбыс Худайға хынчатсалар, олар піске, піс, тізең, оларға чахсы саринаң влиять поларбыс. Піске удур-тӧдір часхарызарға, тыыдызарға паза ӱгредізерге оңдай пар (1 Фессалониктегілерге 5:11).
2. Кемнең нанҷыласчабыс Иеговаа пасхазы пар ба?
Иегова полар-полбас кізінең нанҷыласпинча. Библияда чоохталча: «Арығ чӱректіг кізілерге, тізең, Худай — чағын нанҷы» (Притчи 3:32). Ағаа хынминчатхан кізілернең чағын нанҷыласчатсабыс, Иегова ниме чувствовать полар? Ағаа уғаа хомай полар! (Иаковтың 4:4 хығырыбызыңар.) Ағаа хынчатхан кізілернең нанҷыласчатсабыс, тізең, Иегова тың ӧрінер. Піске хомай саринаң влиять полчатхан кізілернең чағын нанҷыласпинчатсабыс, аның кӧңніне кірербіс. Иегованаң нанҷылазарға кӱстензебіс, ол піске чағын нанҷы пол парар (Псалом 15:1—4).
ТИРЕҢ АРАХ ХАС КӦРІҢЕР
Ноға нанҷыларны сизіктіг таллирға кирек? Чуртазыбысты пай идер нанҷыларны хайди таап аларға? Піліп алыңар.
3. Хомай кізілернең нанҷылас сыхпаңар
Худайға хынминчатхан паза аның нормаларынҷа чуртабинчатхан кізілер — хомай нанҷылар. ВИДЕО кӧріп алып, ӱзӱрібізіңер:
-
Хайди піске, сизінмин дее, хомай нанҷыларнаң нанҷылас сығарға хорғыс пар?
1 Коринфтегілерге 15:33 хығырып алып, ӱзӱрібізіңер:
-
Хайдағ кізілер сірерге хомай нанҷылар пол парарлар? Ноға іди сағынчазар?
Псалом 119:63 хығырып алып, ӱзӱрібізіңер:
-
Нанҷы хайдағ поларға кирек?
Пір чызығ яблоко прай яблоколарны чызыт салча, «чызығ» нанҷы чи, сағаа хайди теелер?
4. Сірерге тӧӧй нимес тее кізінең нанҷылазарға чарир
Библияда Давидтің паза Ионафанның аразындағы ынархастаңар чоохталча. Олар саңай пасха кізілер полғаннар: пірсі хой хадарған, пірсі, тізең, ханның оолғы полған. Ионафан Давидтең улуғ полған полза даа, олар чахсы нанҷылар полғаннар. 1 Самуила 18:1 хығырып алып, ӱзӱрібізіңер:
-
Ноға нанҷыларны піснең тиң частығ паза тиң социальнай положениеліг кізілер аразында ла тілирге кирек чоғыл?
Римдегілерге 1:11, 12 хығырып алып, ӱзӱрібізіңер:
-
Иеговаа хынчатхан нанҷылар удур-тӧдір хайди хабас поларлар?
Пу видеода хайди пір чиит харындас позынаң саңай пасха нанҷыны таап алғанын кӧріп аларзар. ВИДЕО кӧріп алып, ӱзӱрібізіңер:
-
Ноға Акилнің іҷе-пабазы школада ол кемнең нанҷыласча тіп сағыссырааннар?
-
Ноға Акил пастап школадағы нанҷыларнаң тус иртірерге хынған?
-
Ноға ағаа паза чалғысханзым тіп пілдірбеен?
5. Чахсы ынархас нименең палғалыстығ?
Хайди сын нанҷылар таап аларға паза хайди посха сын нанҷы поларға? Піліп алыңар. ВИДЕО кӧріп алыңар.
Притчи 18:24 паза 27:17 хығырып алып, ӱзӱрібізіңер:
-
Сын нанҷылар удур-тӧдір хайди хабасчалар?
-
Сірернің чахсы нанҷылар пар ба? Чох полза, оларны таап алар ӱчӱн, ниме идерге кирек?
Филипптегілерге 2:4 хығырып алып, ӱзӱрібізіңер:
-
Чахсы нанҷы полар ӱчӱн, позыңа чахсы нанҷы поларға кирек. Хайди чахсы нанҷы поларға?
Чахсы нанҷы полар ӱчӱн, позыңа чахсы нанҷы поларға кирек
КЕМ-ДЕ ПІДИ ТІПЧЕ: «Нанҷы чох полғанҷа, хайдағ даа нанҷы ползын».
-
Ниме тирзер?
ӦӦН САҒЫС
Полар-полбас кізілернең нанҷыласпинчатсабыс, Иегова ӧрінер, піске дее чахсы полар.
Сағысха хатап кир кӧреелер
-
Ноға Иеговаа кемнең нанҷыласчатханыбыс аарлығ?
-
Хайдағ кізілернең нанҷыласпаза, чахсы полар?
-
Сын нанҷылар таап алар ӱчӱн, ниме идерге кирек?
ХОЗА ІСТЕЗІҢЕР
Хайди чахсы нанҷылар аар туста полыс поларлар? Піліп алыңар.
«Тӱгенҷізі чағын, аннаңар ынархазыңарны тыыдыңар» («Сторожевой башня», кічіг хырлас айы, 2019 чыл)
Чахсы нанҷылар таап алар ӱчӱн, ниме идерге кирек?
«Хайди чахсы нанҷыларны таап аларға» («Синің сурығларыңа нандырығлар», 1-ғы том, 8-ҷі пастағ)
Интернетте нанҷыласханнаңар ниме пілерге кирек?
«Мин пабама тың сағынғам» тіп биографияны хығырып алып, ноға ол ирен нанҷыларын алыстырыбысханын піліп алыңар.
«Библия чуртасты алыстырча» («Сторожевой башня», 1 хосхар айы, 2012 чыл)
Сірерге хынығ полар, арса
УДАА ТУРҒЫЗЫЛЧАТХАН СУРЫҒЛАР
Иегованың киречілері иртірчеткен библейскай курс нимедір ол?
Иегованың киречілерінің Библия нимее ӱгретчеткенін піліп аларға полысчатхан курс пар. Ӱгренчетсер, постарыңның Библияңарнаң тузаланарға паза ӱгредіге сӧбіреңерні паза нанҷыларыңны хығырарға чарир.
