ДӘРСА 48
Бь Билани Хԝәрʹа Һәвала Бьжберә
Һәвалед незик һьм шайада һьм жи тәнгасийада тʹәви мә нә. Әԝана шабуна мә һе зедә дькьн у тәнгасийада жи бәр дьле мәда тен. Кʹьтеба Пироз дьбежә, ԝәки нә һʹәму кәс дькарә бьбә һәвале баш. Ле тӧ ча дькари бь билани хԝәрʹа һәвала бьжбери? Әме ньһа ван пьрса шеԝьр кьн.
1. Мәрьвед кӧ тӧ дьжбери, ԝәки бьбьнә һәвалед тә, ԝе ча сәр тә һʹӧкӧм бьн?
Бь тʹәбийәти, әм дьхԝазьн мина ԝан мәрийа бьн, тʹәви кʹижана кӧ һәвалтийе дькьн. Әв йәк дькарә йан баш йан жи хьраб сәр мә һʹӧкӧм бә илаһи һьнге, гава әм шәхси йан жи бь интернете тʹәви ԝан ԝәʹдә дәрбаз дькьн. Кʹьтеба Пироз дьбежә: «Кʹи кӧ тʹәви билана рʹе дьчә, ԝе бьбә билан, ле кʹаре кʹе тʹәви беаԛьла йә, ԝе зьраре кʹәвә» (Мәтʹәлок 13:20, ДТʹ). Һәвалед кӧ Йаһоԝа һʹьз дькьн у ԝи дьһʹәбиньн, дькарьн али мә бькьн, ԝәки тʹьме хԝә ль Йаһоԝа бьгьрьн у сафикьрьнед баш бькьн. Ле һәрге һәвалед мә һʹәбандьна мә ԛәбул накьн, әв йәк дькарә бьбә мәʹни кӧ әм жь Йаһоԝа дур кʹәвьн. Ләма жи Кʹьтеба Пироз мә ширәт дькә, ԝәки бь билани хԝәрʹа һәвала бьжберьн! Чахе һәвалед мә Хԝәде һʹьз дькьн, әв йәк дькарә һьм мәрʹа һьм жи ԝанрʹа кʹаре бинә. Ӧса әм дькарьн «дьл бьдьнә һәв у аликʹарийа һәвдӧ бькьн» (1 Тʹесалоники 5:11).
2. Гәло бона Йаһоԝа йәкә кӧ әм һәвалед ча хԝәрʹа дьжберьн?
Йаһоԝа бьжартьна һәвалада фәсал ә. «Әԝ һәвале сьтԛе дьле рʹаст ә» (Мәтʹәлок 3:32). Гәло Йаһоԝа ԝе чь сәр хԝә тʹәхмин кә, һәрге әм һәвалед ӧса хԝәрʹа бьжберьн, йед кӧ ԝи һʹьз накьн? Әԝе гәләк дьлтәнг бә! (Бьхунә Аԛуб 4:4.) Ле һәрге әм тʹәрка һәвалтийа хьраб бьдьн, хԝә незики Йаһоԝа у ԝан мәрийа бьгьрьн, йед кӧ ԝи һʹьз дькьн, һьнге ԝе дьле ԝи ша бә у әԝе мә бькә достед хԝә (Зәбур 15:1-4).
КʹУР ЛЕКОЛИН КӘ
Пебьһʹәсә, кӧ чьма бьжартьна һәвалада гәрәке фәсал бьн, у бьвинә, ԝәки тӧ ча дькари һәвалтийа ӧса ԛазанщ ки, йа кӧ бь рʹасти ԝе жийина тә бәхтәԝар кә.
3. Һаш жь һәвалтийа хьраб һәбә
Һәвалтийа тʹәви мәрьвед кӧ Хԝәде у нормед ԝи һʹьз накьн, һәвалтийа хьраб ә. Вехә ВИДЕО, у паше әве пьрсе шеԝьр кә:
-
Ча әм дькарьн бе һʹәмде хԝә бәр байе һәвалед хьраб кʹәвьн?
Бьхунә 1 Корьнтʹи 15:33, у паше әве пьрсе шеԝьр кә:
-
Һәвалтийа тʹәви кʹижан мәрьва дькарә бона тә бьбә һәвалтийа хьраб? Шьровәкә.
Бьхунә Зәбур 119:63, у паше әве пьрсе шеԝьр кә:
-
Тӧ чь гәрәке һьлди һʹәсаб чахе хԝәрʹа һәвала дьжбери?
Севәкә хьраб дькарә севед дьн хьраб кә. Һәваләки хьраб дькарә сәр тә ча һʹӧкӧм бә?
4. Мәрьвед кӧ жь мә щӧдә дьбьн, дькарьн бьбьнә һәвалед мәйи баш
Кʹьтеба Пироз дәрһәԛа һәвалтийа Даԝьд у Йонатʹан гьли дькә, йед кӧ Исраела бәреда дьжитьн. Йонатʹан жь Даԝьд гәләки мәстьр бу, һьм жи әԝ кӧрʹе пʹадше бу. Ле диса жи һәвалтийа ԝан ԛәԝи бу. Бьхунә 1 Самуйел 18:1, у паше әве пьрсе шеԝьр кә:
-
Чьма әʹсәйи нинә, кӧ һәвалед баш әʹмьрда ԝәкә мә бьн, у һʹале мә жи йәк бә?
Бьхунә Рʹомайи 1:11, 12, у паше әве пьрсе шеԝьр кә:
-
Һәвалед кӧ Йаһоԝа һʹьз дькьн, ча дькарьн һәв һелан кьн?
Жь ве видеойе бьвинә, кӧ бьраки щаһьл хԝәрʹа чаԝа һәвал дитьн. Вехә ВИДЕО, у паше ван пьрса шеԝьр кә:
-
Чаԝа кӧ жь видеойе һатә кʹьфше, чьма де-баве бәрхԝә дькʹәтьн бона һәвалтийа ԝийә мәкʹтәбеда?
-
Чьма серида әв һәвалти ԝи хԝәш дьһат?
-
Әԝи чь кьр, ԝәки тʹәне нәма?
5. Ча һәвалтийа баш ԛазанщ кьн
Пебьһʹәсә, кӧ тӧ чаԝа дькари хԝәрʹа һәвалед баш бьвини у хԝәха жи бьби һәвале баш. Вехә ВИДЕО.
Бьхунә Мәтʹәлок 18:24 у 27:17, у паше ван пьрса шеԝьр кә:
-
Һәвалед рʹаст ча али һәв дькьн?
-
Һәвалед тәйи ӧса баш һәнә? Һәрге на, тӧ ча дькари һәвалед ӧса хԝәрʹа бьвини?
Бьхунә Филипи 2:4, у паше әве пьрсе шеԝьр кә:
-
Сәва кӧ һәвалед тәйи баш һәбьн, тӧ хԝәха жи гәрәке һәвале баш би. Ле тӧ ча дькари ӧса би?
Сәва кӧ һәвалед тәйи баш һәбьн, тӧ хԝәха гәрәке һәвале баш би
ҺЬНӘ МӘРЬВ ДЬБЕЖЬН: «Һәвал чьԛас жи хьраб бә, жь беһәвалтийе четьр ә.»
-
Ле тӧйе чь бежи?
ТʹӘМАМКЬРЬН
Чахе әм бь билани хԝәрʹа һәвала дьжберьн, әм һьм дьле Йаһоԝа ша дькьн, һьм жи хԝәха кʹаре дьстиньн.
Ԝәкʹьландьн
-
Чьма һәвалбьжартьна мә бона Йаһоԝа фәрз ә?
-
Тʹәви мәрьвед ча әм гәрәке һәвалтийе нәкьн?
-
Тӧ ча дькари тʹәви мәрьвед баш һәвалтийа ԛәԝи чеки?
ҺЕ ЗЕДӘ ПЕБЬҺʹӘСӘ
Бьньһерʹә, кӧ чаԝа һәвалед баш дькарьн ԝәʹде охьрмед гьран, али мә бькьн.
«Пешийа Хьлазийа Дьнйайе Һәвалтийа Ԛәԝи Ԛазанщ кьн» («Бьрща Ԛәрәԝьлийе», Мьждар, 2019)
Пебьһʹәсә, кӧ тӧ чь дькари бьки, ԝәки һәвалед баш хԝәрʹа бьвини.
«Әз Ча Дькарьм Һәвалед Баш Хԝәрʹа Ԛазанщ кьм?» («Пьрсед Щаһьла у Ширәтед Керһати», Пʹара 1, сәре 8)
Тӧ чь гәрәке бьзаньби дәрһәԛа һәвалтийа бь онлайн?
Жь ве сәрһатийа бь наве: «Әз Һʹьзрәта Бав Бум», пебьһʹәсә, ԝәки мәрьвәки чьрʹа сафи кьр, һәвалед тʹәзә хԝәрʹа бьжберә.
«Кʹьтеба Пироз Жийина Мәрьва Дьгӧһезә» («Бьрща Ԛәрәԝьлийе», 1 Нисане, 2012)
Дьбәкә Wәрʹа Һʹәwас бә
ПЬРСЕД ГӘЛӘК МӘРИЙА
Чь Те Һʹәсабе Курса Һинбуна Кʹьтеба Пироз Тʹәви Шәʹдед Йаһоԝа?
Ԝәʹде курса бепʹәрә тʹәви Шәʹдед Йаһоԝа, тӧ дькари ве ԝәлгәрʹандьна Кʹьтеба Пироз бьди хәбате кʹижан тӧ дьхԝази. Тӧ дькари аза нәфәр у һәвалед хԝә жи тʹәглифи сәр һинбуне ки.
