Kuht engan fin oasr mwet kawuck lasr suc arlac fototo nuh sesr. Ke pacl ma oasr ma upac lasr elos kuh in kahsre kuht. Tuhsruhktuh, Bible uh sensenkackihn kuht lah tiac mwet nuhkewa mwet kawuck wo. Pwacnacng, kom ac sulaclah fuhkah kawuck wo? Nuhnkuh ke kihsen siyuck inge.

1. Kawuck suc kom sulaclah kuh in ahkkweye kuh ahkkolukye kom fuhkah?

Kuht kuh in etahi mwet suc kuht kwacna asruoki nuh se, finne eltahl wo kuh koluk. Pwacye ma inge finne kuht wi mwet inge kuh asruoki nuh selos ke social media. Oacna ma Bible uh fahk, “Kuhpahsr nuh sin mwet lahlmwetmwet, ac kom fah lahlmwetmwet. Kom fin asruoki nuh sin mwet lahlfon, kom ac fah sun ongaiyac.” (Soakas 13:20) Kawuck suc luhngse ac alu nuh sin Jeova kuh in kahsre kom in fototo nuh sin God ac in oruh sulaclah wo. Tuhsruhktuh, fin mwet kawuck fototo lasr uh tiac alu nuh sin Jeova, eltahl kuh in kihfaskuhtlac in forlah luhkwel. Ke ma inge, Bible uh ahkkweye kuht in sulaclah in wo kawuck lasr uh! Mwet kawuck lasr elos fin luhngse Jeova, elos ac ahkkweye kuht ac kuht ac ahkkweyelos pac. Kuht kuh in “ahkkweye sie sin sie ac kahsruh sie sin sie.”​—1 Thessalonica 5:11.

2. Meac puhlakihn luhn Jeova ke mwet kawuck suc kuht sulaclah?

Jeova el sulaclah wo mwet kawuck lal uh. “El insraelak nuh sin mwet suwohswohs.” (Soakas 3:32) Meac Jeova elac puhla kuht fin sulaclah in kawuck nuh sin mwet suc tiac luhngse El? Pwacye lah el ac ahsor na pwacye! (Riti James 4:4.) Ke ohiyac sahyac, kuht fin ac fahsr liki asruoki koluk ac ahkfototoye kuht nuh sin Jeova ac nuh sin mwet suc luhngse el, El ac fah insewowo ac el ac kawuck nuh sesr.​—Psalm 15:1-4.

 AHKYOHKYE LUTLUT LOM

4. Kuht kuh in kawuck nuh sin sie mwet finne el mahtuh liki kuht, kahsruhp kuh suhkahsruhp

Bible uh ahkkahlwemye ke mwet luo inge in acn Israel in pacl meet ah, Jonathan ac David. Jonathan el mahtuh luhkwel David ac el wen nuhtin tohkohsrah. Ne ohinge eltahl kawuck fototo na pwacye. Riti 1 Samuel 18:1, ac tohkohyang sramsramkihn kihsen siyuck se inge:

• Efuh kuht kuh in kawuck nuh sin sie mwet el finne mahtuh liki kuht, kahsruhp kuh suhkahsruhp?

Riti Rome 1:11, 12, ac tohkohyang sramsramkihn kihsen siyuck se inge:

• Mwet kawuck suc luhngse Jeova eltahl kuh in ahkkweye sie sin sie fuhkah?

Ke video se inge, liye lah mukul lili fuhsr se inge konwacack fuhkah mwet kawuck wowo. Liye VIDEO se, ac tohkohyang sramsramkihn kihsen siyuck inge.

• Ke video sac, efuh kuh pahpah ac ninac kiyacl Akil ac sramsram nuh sel ke tuhlihk kawuck lal ke lohm lutlut ac?

• Ke muhtwacwacack, efuh kuh el luhngse in kawuck nuh seltahl?

• El ahkwacngihnyelah fuhkah ahsor ma el puhla?

 5. Kom ac konwacack fuhkah kawuck wowo

 MA KUHT LOTWELAH

Kuht fin sulaclah wo mwet kawuck lasr, kuht kuh in ahkenganye Jeova ac kuht ac fah eis ma wo kac.

Kalweni

• Efuh kuh yohk srihpac nuh sin Jeova mwet kawuck kuht sulaclah?

• Mwet fuhkah kuht ac tiac kawuck nuh se uh?

• Kom kuh in kawuck fototo fuhkah nuh sin mwet suc luhngse Jeova?