ပသကိးလၢအဂ့ၤတဖၣ်န့ၣ် ဖဲပသးခုအခါ အဝဲသ့ၣ် သးခုဃုာ်ဒီးပှၤ ဒီးဖဲပဘၣ်ကီဘၣ်ခဲအခါ အဝဲသ့ၣ်ဟ့ၣ်ဂံၢ်ဟ့ၣ်ဘါပှၤ. ဘၣ်ဆၣ် လံာ်စီဆှံ ဟ့ၣ်ပလီၢ်ပှၤလၢ ပှၤတကဲ သကိးလၢအဂ့ၤ ကိးဂၤဒဲးဘၣ်. အဃိ ပဃုထၢ ပသကိးလၢအဂ့ၤ ကသ့ဒ်လဲၣ်. ပကဆိကမိၣ်ကွၢ်သကိး တၢ်သံကွၢ် လၢလာ်တဖၣ်အံၤ.

၁. နသကိးတဖၣ်န့ၣ် အကဲဘျုးလၢနဂီၢ် မ့တမ့ၢ် အမၤဘၣ်ဒိနၤ ကသ့ဒ်လဲၣ်.

ပှၤလၢ ပထံၣ်ညီနုၢ်အီၤတဖၣ်မ့ၢ်ဂ့ၤ ပှၤလၢပရ့အီၤလၢ အ့ထၢၣ်နဲး အပူၤမ့ၢ်ဂ့ၤ ပရ့အီၤ မ့ၢ်အါန့ၣ် ပကလီၤဂာ်ဒီးအဝဲသ့ၣ်. အဃိ ပတၢ်ရ့တံၤရ့သကိးန့ၣ် အကဲဘျုးလၢပဂီၢ် မ့တမ့ၢ် အမၤဘၣ်ဒိပှၤသ့. ဒ်လံာ်စီဆှံ တဲဝဲအသိး “ပှၤလၢ အရ့ဒီး ပှၤကူၣ်တၢ်သ့န့ၣ် ကကဲထီၣ် ပှၤကူၣ်တၢ်သ့, မ့မ့ၢ် ပှၤလၢ အဒီသကိးဒီး ပှၤဟးဂီၤဖိ [ပှၤလၢအတအဲၣ် ယဟိဝၤယွၤဘၣ်] န့ၣ်ကထံၣ်ဘၣ် တၢ်ကီတၢ်ခဲလီၤ.” (ကတိၤဒိ ၁၃:၂၀) ပသကိးလၢ အအဲၣ်ယဟိဝၤယွၤ ဒီးဘူၣ်ထီၣ်ဘါထီၣ် ယဟိဝၤယွၤန့ၣ် ကမၤစၢၤပှၤလၢ ပကအိၣ်ဒီး တၢ်ရ့လိာ်သးဒီး ယဟိဝၤယွၤလၢအဂ့ၤ. ဒီးအဝဲသ့ၣ် ကမၤစၢၤပှၤဒ်သိး ပကဆၢတဲာ်တၢ်လၢအဘၣ်. ဘၣ်ဆၣ် ပမ့ၢ်ရ့ဒီး ပှၤတၢ်ချၢအါအါန့ၣ် အကထုးယံၤထီၣ်ပှၤဒီး ယဟိဝၤယွၤ. အဃိ လံာ်စီဆှံ ဟ့ၣ်ဂံၢ်ဟ့ၣ်ဘါပှၤလၢ ပကဃုထၢ ပသကိးတဖၣ် လီၤတံၢ်လီၤဆဲး. ပသကိးမ့ၢ်ကဲ ပှၤလၢ အအဲၣ် ယဟိဝၤယွၤန့ၣ် ပတၢ်ရ့လိာ်သး ကကဲဘျုးဝဲ ခံခီယၢ်ခီ ဒီးပ “ဆဲးဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤ ဒီးမၤမုာ်ထီၣ်လိာ်သး တဂၤဒီးတဂၤ” သ့.​—၁ သ့းစၤလနံ ၅:၁၁.

၂. ပမ့ၢ်ဃုထၢ သကိးလၢအဂ့ၤ မ့တမ့ၢ် သကိးလၢအတဂ့ၤဘၣ်န့ၣ် ယဟိဝၤယွၤ အသးကမၤသးဒ်လဲၣ်.

ယဟိဝၤယွၤ ဃုထၢအသကိးတဖၣ် လီၤတံၢ်လီၤဆဲး. ဒီးလံာ်စီဆှံတဲဝဲလၢ “ပှၤလၢအသူၣ်ဘျၢသးဘျၢန့ၣ် ကစၢ်ယွၤ ရ့ဒီးအီၤဘူးဘူးလီၤ.” (ကတိၤဒိ ၃:၃၂) ပမ့ၢ်ဒီသကိးဒီး ပှၤလၢအတအဲၣ် ယဟိဝၤယွၤဘၣ်န့ၣ် ယဟိဝၤယွၤ ကသးခုဧါ. ယဟိဝၤယွၤ တသးခုနီတစဲးဘၣ်. (ဖး ယၤကိာ် ၄:၄.) ဘၣ်ဆၣ် ပမ့ၢ်ဟးဆှဲး တၢ်ရ့လိာ်လၢအတဂ့ၤဘၣ် ဒီးပမ့ၢ်ရ့ဒီး ယဟိဝၤယွၤ ဒီးရ့ဒီးပှၤလၢအအဲၣ်အီၤန့ၣ် ယဟိဝၤယွၤကသးခု ဒီးအဝဲကဃုထၢပှၤ လၢအသကိး.​—စံးထီၣ်ပတြၢၤ ၁၅:​၁-၄.

 ဃုသ့ၣ်ညါအါထီၣ်

၄. ပှၤလၢအလီၤဆီဒီးပှၤ ဒီးအသးနံၣ်မ့ၢ်တ ဒ်သိးဒီးပှၤဘၣ် သနာ်က့ အကဲထီၣ်ပသကိး လၢအဂ့ၤသ့

လံာ်စီဆှံ ပာ်ဖျါထီၣ်ဝဲ စီၤဒၤဝံး ဒီးစီၤယိနၤသၣ် အဂ့ၢ်. အဝဲသ့ၣ်န့ၣ် ကဲဝဲ ပှၤအံၣ်စရ့လးဖိ ဒီးအသးနံၣ်ဒီး အတၢ်အိၣ်သး တဒ်သိးလိာ်အသးဘၣ် သနာ်က့ အဝဲသ့ၣ် ရ့လိာ်အသးမုာ်မး. ဖး ၁ ၡမူၤအ့လး ၁၈:၁ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• ပသကိးလၢ ပရ့ဒီးအီၤတဖၣ်န့ၣ် ဘၣ်မနုၤအဃိ တလိၣ်လၢ အသးနံၣ် ကဘၣ်ဒ်သိးဒီးပှၤ ဒီးအပတီၢ် ကဘၣ်တုၤသိးဒီးပှၤဘၣ်လဲၣ်.

ဖး ရိမ့ၤ ၁:​၁၁, ၁၂ ဝံၤဒီး တဲသကိး တၢ်သံကွၢ် လၢလာ်တဖျၢၣ်အံၤ–

• သကိးလၢ အအဲၣ်ယဟိဝၤယွၤန့ၣ် ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤဒ်လဲၣ်.

လၢတၢ်ဂီၤမူအပူၤ ဒီပုၢ်ဝဲၢ်ခွါသးစၢ်တဂၤ အတဆိကမိၣ်ဝဲလၢ အက ဒီသကိးဒီး ဒီပုၢ်ဝဲၢ်ခွါတဂၤန့ၣ်ဘၣ် ဘၣ်ဆၣ် လၢခံအဝဲသ့ၣ်ကဲထီၣ် ဒီသကိး. ကွၢ်တၢ်ဂီၤမူ ဝံၤဒီး တဲသကိး တၢ်သံကွၢ် လၢလာ်တဖၣ်အံၤ.

• ဘၣ်မနုၤအဃိ အကံ အမိအပါ ဘၣ်ယိၣ်တၢ် ဘၣ်ဃးဒီး ပှၤလၢ အကံ ရ့ဝဲလၢ ကၠိတဖၣ်လဲၣ်.

• အခီၣ်ထံးခါန့ၣ် ဘၣ်မနုၤအဃိ အကံ အဲၣ်ဒိးရ့ဒီး အသကိးတဖၣ်န့ၣ်လဲၣ်.

• ဒ်သိး အကံ သုတတူၢ်ဘၣ်လၢ အအိၣ်သယုၢ်သညိ လၢၤတဂ့ၤအဂီၢ် အဝဲမၤဝဲဒ်လဲၣ်.

 ၅. ဒ်သိးနကအိၣ်ဒီး သကိးလၢအဂ့ၤအဂီၢ် နကဘၣ်မၤဒ်လဲၣ်.

 တၢ်ဂ့ၢ်လၢအရ့ဒိၣ်

ပမ့ၢ်ဃုထၢ ပသကိး လီၤတံၢ်လီၤဆဲးန့ၣ် ပမၤသးခု ယဟိဝၤယွၤအသး ဒီးအကဲဘျုးလၢပဂီၢ်.

တၢ်ကွၢ်ကဒါက့ၤ

• ပအိၣ်ဒီး သကိးလၢအဂ့ၤဧါ တဂ့ၤဘၣ်ဧါန့ၣ် ဘၣ်မနုၤအဃိ ယဟိဝၤယွၤ ထံၣ်ဝဲလၢ အရ့ဒိၣ်လဲၣ်.

• ပတကြၢး ဒီသကိးဒီး ပှၤဒ်လဲၣ်တဖၣ်လဲၣ်.

• နအိၣ်ဒီး သကိးလၢအဂ့ၤ ဒီးနမၤဂၢၢ်ကျၢၤထီၣ် နတၢ်ရ့လိာ်သးဒီးအဝဲသ့ၣ် ထီဘိကသ့ဒ်လဲၣ်.