Bankundi ya mbote kebuelaka kiese na beto na bantangu ya mbote, mpe bakepesaka beto ngolo na ntangu ya mpasi. Kasi Biblia kena kukebisa beto ti muntu nionso ve lenda vuanda nkundi ya mbote. Na yau yinki mutindu beto lenda pona bankundi ya mbote? Tadila biuvu yayi melanda.

1. Yinki mutindu bankundi yina nge keponaka kevuandaka na bupusi na zulu na nge?

Yakekuminaka beto na kusala mambu lokola bantu yina beto kelutisaka na bau ntangu mingi. Yau lenda vuanda na mutindu ya mbote to ya yimbi—mpe yakele kedika kana beto kena kulutisa ntangu kisika mosi to na Internet. Mutindu Biblia metuba, ‘muntu yina ketambulaka na bantu ya mayele kekuma mayele, kasi muntu yina kele na nguizani na bazoba [bayina kezolaka Yehova ve] kesuka yimbi.’ (Bingana 13:20) Bankundi yina kezolaka mpe kesambilaka Yehova lenda sadisa nge na kubikana penepene na yandi mpe na kubaka banzengolo ya mbote. Kasi bankundi yina kesambilaka Yehova ve lenda bebisa nguizani na beto ya mbote na Yehova. Na yau Biblia mekindisa beto na kupona bankundi na beto na nduenga! Ntangu bankundi na beto kele bantu yina kezolaka Nzambi, beto na bau kebakaka mambote. Beto kele na dikoki ya ‘kutatamana kukindasana mpe kutungana.’—1 Batesalonika 5:11.

2. Yinki mutindu Yehova kekukimonaka samu na bankundi yina nge keponaka?

Yehova keponaka bankundi na yandi na mayele. ‘Yandi kesalaka kinkundi ya ngolo na bantu ya mbote.’ (Bingana 3:32) Yinki mutindu Yehova kekukimonaka kana beto mepona bankundi yina kezolaka yandi ve? Yandi kevuandaka mpenza na kiadi! (Tanga Yakobo 4:4.) Na ndambu yankaka, kana beto memanga bankundi ya yimbi mpe beto mebaka bankundi yina kezolaka yandi, Yehova kesepela mpe yandi kepona beto lokola bankundi na yandi.—Nkunga 15:1-4.

 KOTA NA MPINDA

4. Bantu yina kokana ve na beto lenda kuma bankundi na beto ya mbote

Biblia metubila Davidi mpe Yonatane, babakala zole na Yisaele ya ntama. Bau vuandaka na bamvula ya kusuasana mpe na mambu ya mutindu mosi ve; kasi, bavuandaka na kinkundi ya ngolo. Tanga 1 Samuele 18:1, mpe na manima tadila kiuvu yayi:

• Samu na yinki bankundi na beto fueti vuanda kaka ve bantu yina kele mvula mosi na beto to luzingu ya mutindu mosi na beto?

Tanga Baroma 1:11, 12, mpe na manima tadila kiuvu yayi:

• Yinki mutindu bankundi yina kezolaka Yehova lenda kindasana?

Na video yayi, tala mutindu ntuenia mosi ya bakala bakaka bankundi na kisika mosi yina yandi kanisaka ve. Tula VIDEO, mpe na manima tadila biuvu yayi melanda.

• Na video, samu na yinki bibuti ya Akil vuandaka landila kinkundi na yandi na kalasi?

• Na ebandeli, yinki tindaka yandi yandi pona bankundi yango?

• Yinki mutindu yandi kumaka na dikoki ya kununga kikadulu na yandi ya kukimona ti yandi kele kaka yandi mosi?

 5. Mutindu ya kutanina kinkundi ya mbote

 BUNKUFI

Ntangu beto keponaka bankundi na nduenga, beto kesepedisaka Yehova mpe beto kebakaka mambote.

Mvutukulu

• Samu na yinki Yehova ketulaka dikebi na bankundi yina beto keponaka?

• Bankundi ya yinki mutindu beto fueti manga?

• Yinki mutindu nge lenda tunga kinkundi ya ngolo na bantu ya mitindu nionso?