Bandiku ya ntima ke mfunu mingi. Ba ke pesá beto kilengi ntangu beto ke lutisá bantangu ya mbote na bawu, mpe ke pesá beto ngolo na bantangu ya mpasi. Kasi Biblia me kebisa beto ti bantu nyonso ve ke bandiku ya mbote. Na yawu, wapi mutindu nge lenda soola bandiku ya mbote? Samu na kuzwa mvutu, kanisa mbote-mbote na mambu yayi ke landa.

1. Yinki bandiku yina nge me soola lenda nata nge na kusala?

Samu na beto bantu, ya ke ve mpasi na kulanda bifu ya bantu yina ke lutisá ntangu na beto. Ba lenda nata beto na kukuma mutindu bawu na faso ya yimbi to ya mbote. Ata ti bantu yina beto ke lutisá ntangu na bawu ke kisika mosi na beto to na nzila ya internet, ba lenda nata beto na kulanda bifu ya bawu. Ni na yawu Biblia ke zonzá, “Muntu yina ke tambulaka na bantu ya mayela ke kuma mayela, kasi muntu yina ke tambulaka na bazoba [bantu yina ke zolaka ve Yehova] ke suka yimbi.” (Bingana 13:20) Bandiku ya Yehova lenda sadisa beto na kuvanda pene-pene na yandi mpe na kubaka mikanu ya mbote. Kasi bandiku yina ke zolá ve Yehova lenda nata beto ntama na yandi. Ni na yawu Biblia ke lombá na beto na kusoola bandiku ya beto na mayela nyonso! Kana bandiku ya beto ke zolá Nzambi, ya ke natina bawu na beto mosi bambote mpe beto ke “kindisa bampangi mpe [ke] salasana na kukula na kiminu.”—1 Batesalonika 5:11.

2. Yinki ya ke salá Yehova na ntima ntangu beto ke soolá bandiku?

Yehova ke soolá bandiku ya yandi na mayela nyonso. “Yandi ke salaka kindiku ya ngolo na bantu ya mbote.” (Bingana 3:32) Yinki ya ke sala Yehova kana beto soola bandiku yina ke zolá ve yandi? Ya ke sala yandi mpasi na ntima! (Tanga Zaki 4:4.) Kasi Yehova ke vanda na kilengi, mpe ke soola beto mutindu ndiku ya yandi, kana beto manga bandiku ya yimbi mpe vanda pene-pene ya Yehova na ya bantu yina ke zolaka yandi.—Nkunga 15:1-4.

 SOSA KUZABA MBOTE-MBOTE

4. Bantu yina ke ve mutindu mosi na beto lenda kuma bandiku ya beto ya ntima

Biblia ke zonzilá disolo ya Davidi na Yonatane, bisadi zole ya Yehova ya Izraele ya ntama. Yonatane vandá na bamvula mingi kuluta Davidi mpe yandi vandá mwana ya mfumu, kasi Davidi vandá muntu yina ke bumbá mameme. Ata faso yina, ba vandá na kindiku ya ngolo mingi. Tanga 1 Samuele 18:1, mpe na manima beto zonzila kyuvu yayi:

• Wa’ faso verse yayi me lakisa ti samu na kukuma ndiku ya muntu, beto ke ve na nsatu ya kuvanda na bamvula mosi na yandi, to kunata luzingu ya mutindu mosi na yandi?

Tanga Baroma 1:11, 12, mpe na manima beto zonzila kyuvu yayi:

• Wapi mutindu bandiku yina ke zolá Yehova lenda pesa bampangi ngolo?

Na video yayi ke landa, tala wapi mutindu ntwenya mosi ya bakala kuzwá ndiku na kisika yina yandi vandá vingila ve. Tala VIDEO, mpe na manima beto zonzila byuvu yina ke landa.

• Na video, samu na yinki bibuti ya Akil vandá tala ve na faso ya mbote bandiku ya yandi ya l’école?

• Yinki nataka yandi na kusoola bandiku ya mutindu yina?

• Yinki sadisaka yandi na kuvanda dyaka ve yandi mosi?

 5. Faso ya kusala samu na kuvanda na bandiku ya mbote

 NA BUNKUFI

Ntangu beto ke soolá bandiku ya beto na mayela nyonso, beto ke pesá Yehova kilengi mpe beto ke kuzwa bambote mingi.

Mambu ya kusimba

• Samu na yinki faso ya beto ya kusoola bandiku ke mfunu mingi na meso ya Yehova?

• Wapi mutindu ya bantu beto me fwana ve kusoola mutindu bandiku?

• Yinki nge lenda sala samu na kuzwa bandiku ya tsyeleka?