MURU 48
Musakulenga Mwazelu Athu Owaledana
Afwi-u a vamurima kanonikami-a ira nisangalalenga, koma teto kanonilimbi-a nagumananga na mavuto. Koma Baibulo linoniwenjeli-a ira nisamalenga nasakulanga afwi-u owaledana. Ndiye kodi ninasakule avi afwi-u apama woi niwaledengana? Munopanga pama ganizela vyofuka vyevyo vili mpedimu.
1. Kodi vyolinga vya athu anayo munasakule nyo waledana vinaukuzeni avi?
Iyo athu ninolandela vyoira vya athu anayo ninawaledana iyo. Vyevi vinatapulela ira ninokoza landela makalelo apama kapena otakala a athu anayo ninawaledana iyo vamaso na vamaso kapena va intaneti. Pivyovweya ira Baibulo lini, “muthu owenda na athu a zelu unoza akale wazelu, koma woira vyongo na athu opusa [athu anayo kaanaomeliwana Yehova] unoza afwanye mavuto.” (Miyambo 13:20) Mwawaledanga na athu anayo kanaomeliwana koma teto lambela Yehova kanokoza ukami-ani ira nanyene mukale vausamwali na Yehova koma teto ira musakulenga vyongo mwazelu. Koma waleda vinjinji na athu anayo kaanamuomeliwana Yehova, unokoza iri-a ira ni-iye muomeliwana. Chichifukwa iwa Baibulo linaniwandela ira nisakulenga mwazelu athu owaledana! Nawaledanga na athu anayo kanamuomeliwana Mulungu, ninolandela vyoira viwa vyapama koma teto naaliwene kanolandela vyoira vi-u vyapama. Eeno ‘ninodowanave miyali-ana no limbi-ana.’ — 1 Atesalonika 5:11.
2. Kodi Yehova unavwe avi akala munasakule waleda na athu otakala?
Yehova unosamala asakulanga athu anayo unafuna liye ira kakale afwae. Baibulo linaonga ira liye “unoomeliwa na athu oongowa murima.” (Miyambo 3:32) Kodi Yehova unavwe avi akala ninasakule waleda na athu anayo kaanamuomeliwana? Liye unokumudwa vinjinji! (Welengani Yakobo 4:4.) Komave, Yehova unosangalala vinjinji teto unokoza nisakula ira nikale afwae napewanga waleda na athu amakalelo otakala nowaleda na athu anayo kanamuomeliwana. — Salimo 15:1-4.
FUNJEDANI VYOWENJEDELEYA
Onani chifukwa iwa munafuneela sakula afwinyu mwazelu koma teto vyevyo munaire nyo ira muwaledenga na athu anayo kanaulimbi-eni ira vyongo vyapama.
3. Mupewenga waleda na athu amakalelo otakala
Athu amakalelo otakala mbanayo kaanamuomeliwana Mulungu koma teto katina-arela makudwaye vamoywiwa. Onelani VIDIYO, era eeno tapanyani yofuka yo-arelela.
-
Kodi ninaambeele avi waleda na athu amakelelo otakala moozindikila?
Welengani 1 Akorinto 15:33, era eeno tapanyani vyofuka vyo-arelavi:
-
Kodi ngu muthu wamakalelo aavi unoyo aanakale fwinyu wapama? Chifukwa n’ni munaonga eeno?
Welengani Salimo 119:63, era eeno tapanyani yofuka yo-arelela:
-
Kodi munafuneela sakula athu woi avi ira kakale afwinyu?
OAkala mumbale muli ipaso imo-iwa yovunda, inoiri-a ira vipaso vimo-i mumbalemo vivunde. Ndiye kodi muthu m’mo-i wamakalelo otakala unaononge avi ikalelo inyu yapama?
4. Athu anayo nina-iyanana iyo vyongo vimo-i kanokoza kala afwi-u apama
Baibulo linosambaula vya Davide na Yonatani, anayo kali asamwali avamurima. Aliwa koogwilizana vinjinji ngakale ira Yonatani ali ndimuwa wa Davide, koma teto ali mwana wa mwene. Welengani 1 Samuweli 18:1, era eeno tapanyani yofuka yo-arelela:
-
Chifukwa n’ni afwi-u katinafuneela kala athu okaanayo ninafwanafwanana iyo usinku koma teto vyongo vimo-i?
Welengani Aroma 1:11, 12, era eeno tapanyani yofuka yo-arelela:
-
Kodi athu anayo kanaomeliwana Yehova kanalimbi-ana avi?
Muvidiywela onani mwemo muzombwe m’mo-iwa afwanyele liye afwae udela lelo atamele liye. Onelani VIDIYO, era eeno tapanyani vyofuka vyo-arelavi.
-
Chifukwa n’ni makolo a Akil kakumbanya vya athu anayo awaledana liye usukulu?
-
Chin’ni yairi-ile ira Akil aambeele gwilizana na athu anala?
-
Chin’ni yamukami-ile ira afwanye afwae?
5. Chin’ni inaukami-eni ira mufwanye afwinyu apama
Onani vyevyo munaire nyo ira mufwanye afwinyu apama koma teto vyevyo munaire nyo ira mukale muthu unoyo athu amo-iwa kanaomeliweathu waledana. Onelani VIDIYO.
Welengani Miyambo 18:24 na 27:17, era eeno tapanyani vyofuka vyo-arelavi:
-
Kodi asamwali aimbarimbari kanakami-ana mundila ndiivi?
-
Kodi nyo mukaana afwinyu apama ngati anala? Akala kamun’na afwinyu ngati anala, kodi munaire avi ira muwafwanye?
Welengani Afilipi 2:4, era eeno tapanyani yofuka yo-arelela:
-
Ira mufwanye afwinyu apama, nanyene munafuneela kala muthu wapama unoyo athu kanaomeliwenaathu waledana. Kodi munaire avi vyevi?
Ira mufwanye afwinyu apama munafuneela teto kaana makalelo apama
ATHU AMO-IWA KANAONGA IRA: “Kavali vuto waleda na muthu uliwetene iyani-a nokeda garati ookaana fwawo.”
-
Kodi nyo munasomede avi?
VYEVYO NIFUNJEDILE IYO
Nasakulanga pama afwi-u owaledana ninoomeli-a Yehova teto na-iyene ninokala osangalala.
Vyofuka Vyoweli-eda
-
Kodi Yehova unavwe avi akala munasakule waleda na athu amakalelo otakala?
-
Kodi ninafuneela pewa waleda na athu woi avi?
-
Munaire avi ira mufwanye athu apama owaledana?
ONANI VIMO-I
Onani mwemo afwi-u apama kananikami-edeleathu nagumana na mavuto.
“Pezani Anzanu Apamtima Mapeto Asanafike” (Nsanja ya Olonda, November 2019)
Onani vyevyo munaire nyo ira mufwanye afwinyu apama.
Kodi munafuneela iziwa vyoi avi vakhani yowaleda na athu va intaneti?
Muzichita Zinthu Mosamala Mukamacheza ndi Anzanu pa Intaneti (4:12)
Mukhani yoi “Ndinkalakalaka Nditapeza Bambo,” onani chifukwa iwa mulombwana m’mo-iwa aganizile vyochenja athu owaledana.
“Baibulo Limasintha Anthu” (Nsanja ya Olonda, April 1, 2012)
