Gutt Frënn stinn engem a schwéieren Zäite bäi a maache schéi Momenter nach méi schéin. D’Bibel weist, datt een sech seng Frënn gutt aussiche muss. Op wat soll een dobäi oppassen?

1. Wat fir en Afloss kënne Frënn op dech hunn?

Si kënnen e gudden oder e schlechten Afloss op eis hunn. Egal ob mir perséinlech Kontakt mat hinnen hunn oder iwwer sozial Medien, den Ëmgang mat hinne fierft op eis of. D’Bibel seet: „Wer seinen Weg mit Weisen geht, wird weise werden, aber wer sich mit Unvernünftigen [Mënschen, déi Jehova net gär hunn] einlässt, dem wird es schlecht gehen“ (Sprüche 13:20). Frënn, déi Jehova gär hunn an him déngen, stäerken eis Frëndschaft mat him an hëllefen eis, gutt Entscheedungen ze treffen. Anerersäits kënne Frënn, déi Jehova net gär hunn, eis vun him ewechzéien. Kee Wonner, datt d’Bibel eis réit, gutt opzepassen, wie mir eis als Frënn eraussichen. Wann deng Frënn Jehova geneesou gär hunn ewéi s du, dann hutt dir alle béid eppes dovun. Esou kënnt dir iech géigesäiteg Mutt maachen an een deen aneren opbauen (1. Thessalonicher 5:11).

2. Wéi beréiert et Jehova, wie mir eis als Frënn eraussichen?

Jehova sicht sech seng Frënn gutt eraus. „Den Aufrichtigen gehört seine enge Freundschaft“ (Sprüche 3:32). Wéi géif Jehova sech fillen, wa mir eis Frënn eraussichen, déi hien net gär hunn? Hie wier bestëmmt enttäuscht. (Lies Jakobus 4:4.) Dofir freet sech Jehova, wa mir hien als Frënd eraussichen an déi, déi hie gär hunn. Dann zielt hien eis och zu senge Frënn (Psalm 15:1-4).

 AN DEN DETAIL GOEN

4. Sief oppe fir nei Frënn, och wann si anescht sinn ewéi s du

D’Bibel schwätzt vun enger aussergewéinlecher Frëndschaft tëschent dem David an dem Jonathan. Dës zwee Männer am alen Israel haten e groussen Altersënnerscheed a ganz ënnerschiddlech Ëmstänn. 1. Samuel 18:1 liesen. Dozou dës Fro:

• Firwat mussen eis Frënn net onbedéngt de selwechten Alter an déi selwecht Ëmstänn hunn ewéi mir?

Römer 1:11, 12 liesen. Dozou dës Fro:

• Wéi kënne Frënn, déi Jehova gär hunn, sech géigesäiteg Mutt maachen?

Munchmol fënnt ee Frënn do, wou een et net erwaart. De VIDEO kucken an dës Froe beschwätzen:

• Firwat waren dem Akil seng Eltere wéinst senge Frënn an der Schoul beonrouegt?

• Wat huet dem Akil am Ufank u senge Frënn gefall?

• Wat huet hie gemaach, fir sech net méi esou eleng ze fillen?

 5. Wat eng gutt Frëndschaft ausmécht

 FAZIT

Wa mir eis Frënn gutt eraussichen, mécht dat Jehova Freed an et bréngt eis eppes.

Réckbléck

• Firwat ass et Jehova wichteg, wat fir Frënn mir hunn?

• Wie siche mir eis net als Frënn eraus?

• Wéi kanns du richteg Frënn fannen?