TIMOKO 48
Solaka ndiku zaku na ndwenga
Ndiku zeto nsayi zitutâka mu ntangu za mbote, mpe ngolo zituyikaka mu ntangu za mpasi. Kâ Bibila ditulwengese ti muntu ni muntu ka wena ndiku ya mbote ko. Buna, bwe lendi solela ndiku za mbote? Taluzula biyuvu bita landa.
1. Bwe ndiku zi solaka zilendi ku sobesela?
Bifu bia bantu ba tuyôkesaka na bo ntangu tuvulu landaka. Bifu biango bilendi bâ bia mbote peleko bia mbi—wa matieleka wena bu tuyôkesaka ntangu na bawu peleko bu tusarilaka Internet. Ntiana bu tâka Bibila: “Wô kwe yende na bantu bê na ndwenga mbo kabâ muntu we na ndwenga, kâ, wô saka tindiku na bizoba [bô balembo zoloko Yehova], mbo kabwabana na misamu.” (Bingana 13:20) Ndiku zizoloko Yehova mpe zimusarilaka, zilendi tu bakisa mu bâ penepene na Yandi na mu bonga nzengolo za mbote. Kâ ndiku zilembo zoloko Yehova zilendi tu hambasa na Yandi. Ntiangu Bibila ditulombaka mu sola ndiku zeto na ndwenga! Ndiku zeto bu zizoloko Yehova, ndandu tubakaka, bawu mpe. Lenda dibâka neto dia ‘tatamana mu titindisa na mu yikasana ngolo beto na beto.’—1 Bisi-Tesalonike 5:11, NWT 5:11.
2. Bwe Yehova kamonaka bu tusolaka ndiku?
Na bunkete bwabwansoni Yehova kasolaka ndiku zandi. Yandi, “Ndiku ya mutima yena ya bantu ba sungama.” (Bingana 3:32) Bwe Yehova kamona ku mutima tamana sola ndiku zilembo mu zoloko? Mbo katomo nionga! (Tanga Zaki 4:4.) Ku lweka lwakaka, Yehova mbo kabâ na nsayi mpe mbo tubâ ndiku’andi tamana losa ndiku za mbi mpe mbo tukwizi bâ penepene na Yandi, na bô bamuzoloko.—Mikunga 15:1-4.
YIKA NDILU
Taluzula mu bungu dia nti we mfunu mu solaka ndiku na ndwenga, mpe tala bwe lendi kurisila bindiku bitomesa luzingu lwaku.
3. Sa keba mu ndiku za mbi
Bantu balembo zoloko Nzambi na mitieno miandi, ndiku za mbi zena. Taleno VIDEO, mpe zonzeleno biyuvu bita landa.
-
Bwe tulendi kwizi sila tindiku na bantu ba mbi na kondo kwa zaba?
Tangeno 1 Bisi-Korente 15:33, mpe zonzeleno biyuvu ebi:
-
Ntia muntu wulendi bâ ndiku ya mbi kwe nge? Mu bungu dia nti?
Tangeno Mikunga 119:63, mpe zonzeleno tiyuvu eti:
-
Nti bikusongela ti muntu wu ndiku ya mbote yena?
Pome ya bola yilendi bebesa pome za mbote. Bwe ndiku ya mbi yilendi ku bebesela?
4. Bantu bê ba swaswana na beto balendi kwizi bâ ndiku zeto
Bibila Davide na Yonatane dizonzelaka, babakala bole ba ku Israele ya ntama. Yonatane wayôka Davide mu mvula mpe mwana wa mutinu weri; kâ, tindiku tia nzitukulu tiabâ nawu. Tangeno 1 Samwele 18:1, mpe zonzeleno tiyuvu eti:
-
Mu bungu dia nti ndiku zeto zifweti lembo bâ kwa na mvula zimosi na beto peleko ntûkulu zimosi?
Tangeno Bisi-Rome 1:11, 12, mpe zonzeleno tiyuvu eti:
-
Bwe ndiku zizoloko Yehova zilendi titindisa bawu na bawu?
Mu video yi, tala bwe ntwenia yimosi yabakila ndiku mu mbuka yi keri lembo kekoloko. Taleno VIDEO, mpe zonzeleno biyuvu bita landa.
-
Mu video, mu bungu dia nti bibuti bia Akil biabâ na lwaka mu bungu dia ndiku zandi ku lukolo?
-
Ku mbatukulu, nti biasa ti kasa tindiku na bawu?
-
Bwe kalendela mu telamana bukaka?
5. Bwe lendi tungila tindiku tia mbote
Longoka bwe sa mu baka ndiku za mbote—na mu bâ ndiku ya mbote. Taleno VIDEO.
Tangeno Bingana 18:24 na 27:17, mpe zonzeleno biyuvu ebi:
-
Ngano ndiku za matieleka bwe zisalasanaka?
-
Ngano bindiku bia mpila yo bie naku? Tala ti kâni, bwe lendi bia tungila?
Tangeno Bisi-Filipe 2:4, mpe zonzeleno tiyuvu eti:
-
Mu bâ na ndiku za mbote, fweti bâ ndiku ya mbote. Bwe lendi wa sila?
Mu bâ na ndiku za mbote, fweti bâ ndiku ya mbote
TALA TI BAKUTÊLELE: “Bubote bu bêle ndiku na muntu ni muntu, na bu lembolo bâ na ndiku.”
-
Nti lendi tâ?
MU BUKUFI
Bu tusolaka ndiku zeto na ndwenga, Yehova tutâka nsayi mpe ndandu tubakaka.
Biyuvu bia mbambukulu
-
Mu bungu dia nti nsololo ya ndiku zeto we musamu wa mfunu kwe Yehova?
-
Ntia ndiku tufweti dioka?
-
Bwe lendi tungila tindiku tia ngolo na bantu ba mbote?
ZABA BIAKAKA
Tala bwe ndiku za mbote zilendi ku bakisa mu ntangu za mpasi.
“Tunga tindiku tia ngolo ntete nsuka yiza” (Nzo ya Zangama ya Munkengi, novembre 2019)
Banza misamu mi lendi sa mu bâ na ndiku za mbote.
Nti fweti zaba mu ndiku za mu Internet?
Mu tinsamu tia “Nsatu tata yeri nani,” dzukula nti biatuma bakala dimosi mu vutu taluzula ndiku zi kasola.
“Bibila luzingu disobesaka” (Nzo ya Zangama ya Munkengi, 1er avril 2012)
