DILONGESHA DIA 48
Ikala mudimuke paudi usungula balunda
Patudi mu bikondo bia masanka, balunda ba pa muoyo batu batuvudijila disanka; mu bikondo bia makenga, batu balua busambi bunene kutudi. Kadi Bible udi utudimuija ne: bantu kabatu anu buonso buabu balunda bimpe to. Mpindieu mmunyi muudi mua kusungula ba kudia nabu bulunda buimpe? Tangila nkonko idi ilonda eyi:
1. Batudi tusungula bu balunda badi mua kutufikisha ku malu kayi?
Tutu anu ne lungenyi lua kufuanangana ne bantu batudi tusomba nabu, nansha mu buimpe anyi mu bubi. Bitu nanku nansha patudi tupitshisha nabu dîba pamue mpala ne mpala anyi ku Enternete. Anu mudi Bible wamba, “udi wenda ne bena meji nealue muena meji, kadi muntu udi ubuelakana ne bantu batatakane [badi kabayi banange Yehowa] neakenge.” (Nsumuinu 13:20) Balunda badi banange Yehowa ne bamutendelela badi mua kukuambuluisha bua kushala pabuipi nende ne bua kuangata mapangadika mimpe. Kadi bulunda bukole ne badi kabayi bamutendelela budi mua kutusemeja kule nende. Ke bualu kayi Bible udi utulomba bua kusungula balunda betu ne meji! Balunda betu bobu banange Nzambi, netuambuluishangane nabu bonso. Eyowa, ‘netutungunuke ne kukankamijangana ne kukoleshangana’ nabu.—1 Tesalonike 5:11.
2. Kusungula kuetu kua balunda kudi mua kufikisha Yehowa ku malu kayi?
Yehowa utu usungula anu balunda bimpe. Bible udi wamba ne: “Bulunda buende bushême budi kudi bena bululame.” (Nsumuinu 3:32) Mmushindu kayi wikala Yehowa mua kumvua patudi tusungula balunda badi kabayi bamunange? Kakusanka to, neadimone muedibue mâyi ku makasa bibi! (Balayi Yakobo 4:4.) Yehowa neasanke ne neadie netu bulunda patudi tubenga balunda babi, kadi tulamatangana nende yeye ne bantu badi bamunange.—Misambu 15:1-4.
BUELA MU BUONDOKE
Tumone mushinga udi nawu disungula dia balunda bimpe, ne muudi mua kupeta balunda bimpe bakuambuluisha.
3. Wadimukila balunda babi!
Bantu badi kabayi banange Nzambi ne mikenji yende mbalunda babi. Tangilayi FILME, pashishe nuandamune lukonko ludi lulonda.
-
Mmunyi mutudi mua kudibueja mu bulunda ne bantu babi katuyi bamanye?
Balayi 1 Kolinto 15:33, pashishe nuandamune nkonko eyi:
-
Mbantu ba mushindu kayi badi mua kuikala kuudi bu balunda babi? Bua tshinyi?
Balayi Misambu 119:63, pashishe nuandamune lukonko elu:
-
Ntshinyi tshidi mua kukuleja ne: eu ke mulunda muimpe?
Tshimuma tshimue tshibole tshidi mua kubolesha bikuabu bionso. Mulunda mubi umuepele kena pende mua kukunyanga anyi?
4. Bantu badi bashilangane netu badi pabu mua kudia netu bulunda buimpe
Bible utu wakula bua Davidi ne Yonatana ba mu Isalele wa kale. Bavua bashilangane bikole ku bidimu ne ku malu a mu nsombelu; kadi bavua balunda ba katapula kateke. Balayi 1 Samuele 18:1, pashishe nuandamune lukonko elu:
-
Bua tshinyi katuena ne bua kudia bulunda anu ne bantu ba bukole buetu anyi badi ne nsombelu wa buena wetu?
Balayi Lomo 1:11, 12, pashishe nuandamune lukonko elu:
-
Mmunyi mudi balunda badi banange Yehowa mua kukankamijangana?
Mu filme eu, neumone muvua muanetu utshidi nsongalume mupetele balunda bimpe miaba ivuaye kayi mutekemene to. Tangilayi FILME, pashishe nuandamune nkonko idi ilonda.
-
Mu filme eu, bua tshinyi baledi ba Akil bavua basamisha meji bua balunda bende ba mu kalasa?
-
Mmalu kayi avua manji kumusankisha kudi balunda abu?
-
Mmushindu kayi wakatshimunaye lutatu lua didiumvua nkaya?
5. Mua kupeta balunda bimpe
Mona muudi mua kupeta balunda bimpe, ne mua wewe kuikala pebe mulunda muimpe. Tangilayi FILME.
Balayi Nsumuinu 18:24 ne 27:17, pashishe nuandamune nkonko eyi:
-
Balunda ba bushuwa badi bambuluishangana mushindu kayi?
-
Utu pebe ne balunda bimpe ba nanku anyi? Biwikala kuyi nabu, mmunyi muudi mua kubapeta?
Balayi Filipoyi 2:4, pashishe nuandamune lukonko elu:
-
Bua kupeta balunda bimpe, mbimpe wikale pebe mulunda muimpe. Newikale mulunda muimpe mushindu kayi?
Bua wewe kupeta balunda bimpe, mbimpe wikale pebe mulunda muimpe
BAMUE BATU BAMBA NE: “Kudia bulunda nansha ne nganyi nkuimpe kupite kuikala kuyi ne mulunda.”
-
Wewe udi wamba bishi?
TSHIA KUKUATA
Tuetu tusungula balunda bimpe, netusankishe Yehowa ne nebituambuluishe.
Diambulula
-
Bua tshinyi bulunda butudi tudia ne bantu budi butangila Yehowa?
-
Mbalunda ba mushindu kayi batudi ne bua kuepuka?
-
Mmunyi mutudi mua kudia bulunda bukole ne bantu bimpe?
BIA KUTANGILA KABIDI
Mona mudi balunda bimpe mua kutuambuluisha mu bikondo bia ntatu.
Tangila malu audi mua kuenza bua kupeta balunda bimpe.
Ntshinyi tshiudi ne bua kumanya bua balunda ba ku Enternete?
Ikala ne meji paudi mu site wa dipetelangana ne bantu ku Enternete (4:12)
Bala tshitupa tshia “Mvua njinga panyi bua ngikale ne tatu,” umone tshivua muntu kampanda mushintuluile balunda.
“Bible utu ushintulula bantu” (Tshibumba tshia Nsentedi, 1/4/2012)
Mona bikuabu:
NKONKO ITU BANTU BATAMBA KUELA
Programe wa dilongeshangana Bible wa Bantemu ba Yehowa ntshinyi?
Programe wa nuenda nuyukila wa kuyi ufuta wa Bantemu ba Yehowa eu udi mua kumulonga ne nkudimuinu kayi yonso wa Bible uudi nende. Bikila nansha dîku dienu dijima anyi balunda bebe bonso baudi musue bua nuikale nulonga nabu tshiapamue.
