SULA MAR 48

Ti gi Rieko Sama Iyiero Osiepeni

TUGE

Osiepewa nyalo miyo wamed bedo mamor e kinde ma weche beyo, kendo gijiwowaga e kinde ma wan-gi chandruok. Kata kamano, Muma nyisowa ni nitie osiepe moko maricho. Omiyo, ere kaka inyalo yiero osiepe mabeyo? We wanon ane penjo ma luwogi.

1. Osiepewa nyalo miyo wabed joma chalo nade?

Waheroga timo gik ma osiepewa timo. Gigo nyalo bedo mabeyo kata maricho, bed ni gin osiepe ma watudorego e intanet kata wang’ gi wang’. Muma wacho ni “ng’at ma wuotho gi jo mariek nobed mariek, to osiep jo mofuwo [tiende ni joma ok ohero Jehova] biro hinyore.” (Ngeche 13:20) Osiepe mohero Jehova kendo ma lame, biro konyi mondo ibed gi winjruok maber gi Jehova kendo itim yiero mabeyo. To ka wamako osiep gi joma ok ohero Jehova, gibiro miyo wabed mabor kode. Mano e momiyo Muma jiwowa ni wati gi rieko sama wayiero osiepewa! Ka osiepewa gin joma ohero Nyasaye, wayudo ber to gin bende giyudo ber. Mano miyo ‘wadhi nyime jiwore kendo gerore.’—1 Jo-Thesalonika 5:11.

2. Osiepe ma wayiero nyalo miyo Jehova owinj nade?

Jehova yieroga osiepe mabeyo. “Obedo osiep ng’at ma yorene tir.” (Ngeche 3:32) Jehova nyalo winjo nade ka wayiero osiepe ma ok ohere? Onyalo winjo marach ahinya! (Som Jakobo 4:4.) To ka waweyo osiepe maricho mi wasudo machiegni kode kendo wamako osiep gi joma ohere, obiro bedo mamor kendo obiro nenowa kaka osiepene.—Zaburi 15:1-4.

TIM NONRO

Non ane gimomiyo dwarore ni wayier osiepe mabeyo, kae to ine ane kaka inyalo bedo gi osiepe ma nyalo konyi gadier.

3. Tang’ gi osiepe maricho

Joma ok ohero Nyasaye kata chikene gin osiepe maricho. Tug VIDIO, kae to uwuo e wi penjo ma luwo.

VIDIO: Kaka Inyalo Kwedo Osiepe Maricho (6:17)

Ere kaka wanyalo chako mako osiep gi joma richo kata ka ok wang’eyo?

Som 1 Jo-Korintho 15:33, kae to uwuo e wi penjo ma luwogi:

Gin jomage ma nyalo bedoni osiepe maricho? Ang’o momiyo iwacho kamano?

Som Zaburi 119:63, kae to uwuo e wi penjo ma luwoni:

Gin ang’o ma biro konyi ng’eyo ni ng’ato en osiep maber?

Olemo achiel motop nyalo ketho mamoko. Ere kaka bedo gi osiep moro marach nyalo hinyi?

4. Wanyalo mako osiep gi ji mopogore opogore

Muma wuoyo e wi Daudi gi Jonathan ma ne gin Jo-Israel. Jonathan ne duong’ ne Daudi kendo ne en wuod ruoth; kata kamano, ne gin osiepe mati mata. Som 1 Samuel 18:1, kae to uwuo e wi penjo ma luwoni:

Ang’o momiyo ok ochuno ni osiepewa obed mana mbesewa kata joma nie chal kaka marwa?

Som Jo-Rumi 1:11, 12, kae to uwuo e wi penjo ma luwoni:

Ere kaka osiepe ma ohero Jehova nyalo jiwore?

E vidio ma luwoni, ne ane kaka owadwa moro ma rawera noyudo osiepe kama ok nopar ni onyalo yudogie. Tug VIDIO, kae to uwuo e wi penjo ma luwo.

VIDIO: Yud Osiepe Kuonde ma Ok Ipar ni Inyalo Yudogie (5:06)

Ang’o momiyo jonyuol Akil ne ok mor gi osiepe ma wuodgi ne nigo e skul?
Ang’o momiyo Akil nochako mako osiep gi nyithindo wetene e skul?
Ere kaka noloyo kuyo ma ne en-go?

5. Kaka inyalo bedo gi osiepe mabeyo

Ne ane kaka inyalo yudo osiepe mabeyo kod kaka in bende inyalo bedo osiep madier. Tug VIDIO.

VIDIO: Osiep Madier En Osiep Machalo Nade? (4:14)

Som Ngeche 18:24 kod 27:17, kae to uwuo e wi penjo ma luwogi:

Osiepe mabeyo konyore nade?
Be in gi osiepe ma chalo kamano? Ka iongego, ere kaka inyalo yudogi?

Som Jo-Filipi 2:4, kae to uwuo e wi penjo ma luwoni:

Mondo ibed gi osiepe mabeyo, in iwuon nyaka ibed osiep maber. Ere kaka inyalo timo mano?

Mondo ibed gi osiepe mabeyo, in iwuon nyaka ibed osiep maber

PARO MA JOMOKO NIGO: “Mako osiep gi ng’ato ang’ata ber moloyo bedo ma onge osiep moro amora.”

Ineno nade wachno?

PUONJ MADUONG’

Ka watiyo gi rieko sama wayiero osiepewa, wabiro moro Jehova kendo wan be wabiro yudo ber.

Ang’o ma ipuonjori?

Ang’o momiyo Jehova dwaro ni wayier osiepe mabeyo?
Gin jomage ma ok onego obed osiepewa?
Ere kaka inyalo mako osiep gi joma beyo kendo tego osiep manie kindu?

Tarik ma atieke sulani:

Gima inyalo timo

Med ng’eyo joma nie kanyakla.

Gik mamoko ma inyalo timo:

Your other goal

MED TIMO NONRO

Ne ane kaka osiepe mabeyo nyalo konyowa e kinde ma wan-gi chandruok.

“Los Osiep Motegno gi Jokristo Weteni ka Giko Pok Ochopo” (Ohinga mar Jarito, Novemba 2019)

Non ane gik minyalo timo mondo ibed gi osiepe mabeyo.

“Anyalo Timo Ang’o Mondo Abed gi Osiepe Mabeyo?” (Penjo ma Rowere Ohero Penjore—Dwoko Makonyo, Buk Mokwongo, sula mar 8)

Gin gik mage monego ing’e sama itudori gi osiepe e intanet?

Ti Mariek gi Yore mag Tudruok e Intanet (4:12)

Som sula ma wiye wacho ni “Ne Agombo Ahinya Bedo gi Ng’at ma Aluongo ni Wuora,” mondo ine ane gima ne okonyo dichwo moro mondo owe osiepe ma ne en-go.

“Muma Loko Kit Ngima Ji” (Ohinga mar Jarito, April 1, 2012)