Ṭhian ṭhate chuan hun hlimawmah kan hlimna an belhchhah a, hun harsaah min tichak a ni. Mahse, Bible chuan tute pawh hi ṭhian ṭha an ni vek lo tih min vaukhân a. A nih chuan engtin nge ṭhian ṭha i thlan theih ang? A hnuaia zawhnate hi ngaihtuah ang che.

1. Engtin nge i ṭhian thlanin a nghawng theih che?

A mi malin emaw, social media aṭangin emaw mite chu kan kâwm ṭhîn a, kan mi kawmte nungchang leh ngaihtuah dân chu kan la ṭhîn. Bible chuan, “Mi fing pâwl la, i lo fing ang a, mi â [Jehova hmangaih lotu] pâwl erawh chu hrehawm tuar phahna a ni,” tiin a sawi. (Thufingte 13:20) Jehova hmangaihtu leh betu ṭhiante chuan amah hnaih lehzual tûr leh thu tlûkna ṭhate siam tûrin an ṭanpui thei che. Mahse, Jehova hmangaih lotu ṭhiante chuan amah min hlattîr thei a ni. Bible-in fing taka ṭhian thlang tûra min hrilh pawh hi a mak lo ve! Pathian hmangaihtute ṭhiana kan neih hian, hlâwkna kan inthlen ve ve a. Kan ‘infuih tawnin, kan intisâwt tawn ṭheuh’ thei a ni.—1 Thessalonika 5:11.

2. Engtin nge i ṭhian thlanin Jehova a nghawng?

Jehova chuan fîmkhur takin ṭhian a thlang a. “Mi dik erawh chu a ṭhian an ni.” (Thufingte 3:32, NWT) Amah hmangaih lotu ṭhiana kan siam a nih chuan Jehova chu engtin nge a awm ang? A lungni lo hle ang! (Jakoba 4:4 chhiar rawh.) Kawng lehlamah chuan ṭhian sualte kan kawm loh va, amah kan hnaiha, amah hmangaihtute kan kâwm a nih chuan kan tilâwmin a ṭhianah min thlang ang.—Sâm 15:1-4.

 ZIR BELHIN HMUH BELH RAWH

4. Kan rualpui loh leh dinhmun inang lote pawh kan tân ṭhian ṭha an ni thei

Bible chuan hmân lai Israel mi pahnih Davida leh Jonathana te chungchâng a sawi a. Anni chu an kum leh an dinhmun a inang lo hle a, chutichung pawhin chhinchhiah tlâk tak inṭhianna an nei a ni. Samuela pakhatna 18:1 chhiarin, he zawhna hi sawiho vang che u:

• Engvângin nge kan ṭhiante chu kan kum rualpui leh kan dinhmun ang mite an nih kher a ngaih loh?

Rom 1:11, 12 chhiarin, he zawhna hi sawiho vang che u:

• Engtin nge Jehova hmangaihtu ṭhiante chu an infuih tawn?

He chanchawp video-ah hian ṭhalai unaupa pakhatin a beisei lohna hmuna ṭhian a chhar dân en ang che. VIDEO chu chhuah la, a hnuai zawhnate hi sawiho vang che u.

• Video-ah khân, engvângin nge Akil-a nu leh pate’n school-a a ṭhian kawm chungchâng an ngaihtuah?

• Engvângin nge a tîrah khâng mite kha kawm a duh?

• Engtin nge mal nia a inhriatna chu a hneh theih?

 5. Inṭhian ṭhatna neih chhoh dân

 KHAIKHAWMNA

Fing thiam taka ṭhian kan thlan hian Jehova kan tilâwma, mahni ngei pawhin a hlâwkna kan têl.

Ennawnna

• Engvângin nge Jehova’n kan ṭhian thlan chungchâng chu a ngaihven?

• Eng ang ṭhiante nge kan kawm loh vang?

• Pathian Jehova hmangaihtute nên engtin nge inṭhianna nghet tak i siam theih?