LECCIÓN 48
Ka̱ji vaʼa-ní nda ñayí ja kitaʼan jín-ní
Nda ñayí ja kitaʼan vaʼa jín-yo ka saʼa-ji ja koo sii ka ini-yo. De, sɨkɨ ja ka chíndeé-ji nu̱u̱-yo, ka saʼa-ji ja ma kukuéká ka ini-yo. De, kánuu, ja koto-yo maa-yo chi Biblia kachi ja ma sú ndɨʼɨ ñayí ku̱ú kuu-ji ɨn amigo vaʼa. Nusaá, ¿na̱sa kuu ka̱ji vaʼa-ní nda ñayí ja kitaʼan jín-ní? Skuaʼa-ní nda tuʼun jikatuʼun ja vaji ichi nu̱u̱.
1. ¿Na̱sa kuu chíndeé axi stíví nu̱u̱-ní nda ñayí ja kitaʼan jín-ní?
Iyo ji̱chi—vaʼa ni̱ nú chíndeé nu̱u̱-yo axi stíví nu̱u̱-yo—de kenda-yo saʼa-yo tanu saʼa nda ñayí ja kitaʼan jín-yo. De yaʼa kenda kuu vaʼani̱ nú ndutútú-yo jín nda ñayí axi nu̱u̱ nda red social. De Biblia kachi ja: “Ñayí kitaʼan jín ñayí ja jani vaʼa ini ku̱ú kani vaʼa ini-ji, de ñayí kitaʼan jín ñayí náá ini [nda ñayí ja nduu kutoo-ji Jeová] kundoʼo-ji tundoʼo” (Proverbios 13:20, TNM). Nda ñayí ja kitaʼan jín-ní ja kutoo-ji ji chiñuʼun-ji Jeová kuu chíndeé-ji nu̱u̱-ní tágua koo ñati-ní nu̱u̱-Ya ji ja kuu ka̱ji vaʼa-ní ja saʼa-ní. De, nú maa-ní kitaʼan tuni-ní jín nda ñayí ja nduu ka iyo-ji nu̱u̱ congregación, ñukua ku̱ú saʼa ja kuji̱ka-ní nu̱u̱ Jeová. Ja ñukua kuu ja Biblia kachi nu̱u̱-yo ja kánuu ka̱ji vaʼa-yo nda ñayí ja kitaʼan jín-yo. De ta nda ñayí ja kitaʼan jín-yo kutoo-ji Yandios, ndɨʼɨ-yo níʼi̱n-yo ja vaʼa. De nú, sukua kuu, kuu saʼa-yo ja kaʼan tuʼun yaʼa: “Ca̱ʼa̱n ro tu̱ʼun ndeé ini̱ jíín táʼán ro, de scúja táʼán ro jíín tu̱ʼun ya̱” (1 Tesalonicenses 5:11).
2. ¿A ndɨʼvɨ ini Jeová na ñayí ka̱ji-ní tágua kitaʼan jín-ní?
Jeová vaʼa tuni ka̱ji-Ya ñayí ja kitaʼan jín-Ya. Chi Biblia kachi ja, “kitaʼan vaʼa-Ya jín nda ñayí nda̱a̱ ini” (Proverbios 3:32, TNM). ¿Na̱sa kuu ini Jeová nú kitaʼan-yo jín nda ñayí ja nduu kutoo nu̱u̱-Ya? ¡Kukuéká tuni ini-Ya! (Kaʼvi-ní Santiago 4:4). De nú nduu, kitaʼan kuiti̱-yo jín nda ñayí ja nduu saʼa tiñu vaʼa de kuñati-yo nu̱u̱-Ya ji nu̱u̱ nda ñayí ja kutoo nu̱u̱-Ya, Jeová kusii ini-Ya de kitaʼan vaʼa-Ya jín-yo (Salmo 15:1-4, TNM).
NÁ KUTUʼVA KA-YO SƗKƗ TUʼUN YAʼA
Ná kundeʼe-yo nakú kánuu ja ka̱ji vaʼa-yo nda ñayí ja kitaʼan jín-yo ji na̱sa kuu níʼi̱n-ní nda amigo ja kuu chíndeé nu̱u̱-ní.
3. Ma kitaʼan-ní jín nda ñayí néʼén
Nda ñayí néʼén kuu nda ñayí ja nduu kutoo-ji Yandios ni nduu kandija-ji nda tuʼun ja tetiñu-Ya. Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
-
¿Na̱sa ku̱ú kenda-yo kitaʼan-yo jín nda ñayí néʼén de sanaa ma kuni-yo?
Ka kaʼvi-ní 1 Corintios 15:33 de ka ndatuʼun-ní sɨkɨ nda tuʼun yaʼa:
-
De maa-ní, ¿na ñayí kachi-ní ja kuu ñayí néʼén? ¿Nakú?
Ka kaʼvi-ní Salmo 119:63, TNM de ka ndatuʼun-ní sɨkɨ nda tuʼun yaʼa:
-
¿Naguá jiniñuʼun ndukú-ní nu̱u̱ ɨn ñayí ja kitaʼan jín-ní?
4. Kuu kitaʼan vaʼa-yo jín ñayí ja siin ka iyo-ji tanu maa-yo
Biblia kachi sɨkɨ David ji Jonatán, uu teé janaʼán ñuu Israel. Vese siin siin kuiya ni ka nevaʼa-de ji siin siin ni ka ndee-de, vaʼa tuni ni ka kitaʼan-de. Ka kaʼvi-ní 1 Samuel 18:1, TNM de ka ndatuʼun-ní sɨkɨ nda tuʼun yaʼa:
-
¿Nakú nduu jiniñuʼun ja nda ñayí ja kitaʼan jín-yo kunevaʼa ɨn ni̱ kuiya tanu maa-yo?
Ka kaʼvi-ní Romanos 1:11, 12 de ka ndatuʼun-ní sɨkɨ nda tuʼun yaʼa:
-
¿Na̱sa ka chíndeé taʼan nda ñayí ja ka kutoo-ji Jeová?
¿Na̱sa ni níʼi̱n ɨn suchí kua̱chi ñayí kitaʼan jín-ji nu̱u̱ nduu ni jani ini-ji ja níʼi̱n-ji? Ka kundeʼe-ní VIDEO de ka ndatuʼun-ní sɨkɨ nda tuʼun yaʼa:
-
¿Nakú ni ka ndɨʼvɨ ini ta̱tá ji naná Akil sɨkɨ nda amigo ja ni nevaʼa-ji nu̱u̱ escuela?
-
¿Nakú ni taʼa̱n ini Akil kitaʼan-ji jín nda suchí kua̱chi ñukua?
-
¿Naguá ni saʼa-ji tágua ma kukuéká ka ini-ji?
5. Na̱sa níʼi̱n-yo ñayí vaʼa ja kitaʼan jín-yo
Kundeʼe-ní na̱sa kuu níʼi̱n-ní nda amigo nda̱a̱ ji suni na̱sa kuu saʼa-ní sukua. Ka kundeʼe-ní VIDEO.
Ka kaʼvi-ní Proverbios 18:24 ji 27:17, TNM de ka ndatuʼun-ní sɨkɨ nda tuʼun yaʼa:
-
¿Na̱sa ka chíndeé taʼan nda ñayí ja ka kitaʼan vaʼa?
-
¿A nevaʼa-ní amigo ja vaʼa ini tanu kachi nu̱u̱ Proverbios? Nú nduu, ¿naguá jiniñuʼun ja saʼa-ní tágua níʼi̱n-ní?
Ka kaʼvi-ní Filipenses 2:4 de ka ndatuʼun-ní sɨkɨ nda tuʼun yaʼa:
-
Tágua níʼi̱n-ní nda amigo vaʼa, maa-ní jiniñuʼun kuu-ní ɨn amigo vaʼa. ¿Na̱sa ku̱ú saʼa-ní sukua?
JA KACHI SAVA NDA ÑAYÍ: “Tágua ma kindoo matuʼun-sa, ma sndoo̱-sa nda amigo ja nevaʼa-sa”.
-
¿Naguá jani ini-ní?
JA NI KUTUʼVA-YO
Ta ka̱ji vaʼa-yo nda ñayí ja kitaʼan jín-yo, níʼi̱n-yo ja vaʼa ji saʼa-yo ja koo sii ini Jeová.
Tuʼun núku̱ʼun ini
-
¿Nakú ndɨʼvɨ ini Jeová ja ka̱ji vaʼa-yo nda ñayí ja kitaʼan jín-yo?
-
¿Na ñayí ma kuu kitaʼan jín-yo?
-
¿Na̱sa kuu saʼa kutú ka-ní ja kitaʼan-ní jín nda ñayí ja vaʼa ini?
NU̱U̱ NDANIʼI KA-NÍ TUʼUN
Kundeʼe-ní na̱sa kuu chíndeé nda amigo nda̱a̱ nu̱u̱-yo ta kenda tiempo víjin.
Kutuʼva-ní sava nda tuʼun ja kuu chíndeé nu̱u̱-ní tágua níʼi̱n-ní ñayí kitaʼan vaʼa jín-ní.
“¿Na̱sa ka saʼa nda amigo vaʼa?” (Ja ka jikatuʼun nda suchí kua̱chi [volumen 1], capítulo 8)
¿Naguá jiniñuʼun kuni-ní sɨkɨ nda amigo ja iyo nu̱u̱ internet?
Kaʼvi-ní tuʼun nakani sɨkɨ ñayí “Ni kúni tuni-sa kunevaʼa-sa ɨn ta̱tá” de kuni-ní nakú ɨn teé ni nasa̱ma-de nda amigo-de.
“Tuʼun nda̱a̱ Yandios ni sa̱ma ini-ji” (La Atalaya, 1 yo̱o̱ abril kuiya 2012)