Rĩrĩa twagwatanĩra na acoore ba akuĩ, nĩbatũmaga tũgwĩrua rĩrĩa mantũ jarĩ jameega, na bagatwĩkĩra inya magiita jamoomũ. Ĩndĩ Bibiria nĩĩtwĩraga tĩ muntũ wonthe omba kwaa mũcoore ũmwega. Ĩndĩ-rĩ, nĩatĩa ũũmba Kũthuura acoore babeega? Thũgaanĩria biũria bibi bithingatĩte.

1. Acoore barĩa ũkathuura bakethĩrwa na maumĩĩra jarĩkũ kĩrĩ gwe?

Kaingĩ tũkaraga o ta antũ barĩa tũtumagĩra ĩgiita amwe nabo. Kwĩthĩrwe nĩ ĩmwe kwa ĩmwe, kana gũkũrũkĩĩra ituo bia mwingĩ bia kwaranĩria intanetine, twomba kwigerekania na mĩtugo yaao ĩmĩega kana ĩmĩthũũku. O ta ũrĩa Bibiria yugaga, “uria witanagia na antu bari na uume akagita uume, indi uria uriunganagia na biaa [baria batiendete Jehova] akoona ukia.” (Njuno 13:20) Acoore barĩa bendete Jehova na bamũthathaagia, boomba gũgũtethia gũkara akuĩ nawe ona kinya gũtua matua jameega. Ĩndĩ gũtuma ũcoore na antũ barĩa batĩendete Jehova, kwomba gũtũma tũgeeta kũraaja nawe. Kĩu nĩkĩo gĩtũmi Bibiria ĩtwĩkagĩra inya tũthuure acoore beetũ na njĩra ya ũũme! Rĩrĩa twatuma ũcoore na antũ bendete Mũrungu, nĩtugunĩkaga ona kinya bo bakagunĩka. Nĩtũũmbaga ‘gwikanira wiru o muntu na ungi, tukiumanagiiria o muntu na ungi.’—1 Athesalonike 5:11.

2. Acoore barĩa ũkathuura bagatũma Jehova aigua atĩa?

Jehova nathuuraga acoore na njĩra ya ũũme. Atumaga ũcoore na ‘baria baagirite.’ (Njuno 3:32) Nĩatĩa Jehova omba kwigua kethĩra tũkathuura acoore barĩa batĩmwendete? Omba kwigua bũũthũũku mono! (Thooma Jakubu 4:4.) Mwanya nou, Jehova akagwĩrua na atwĩtĩkĩĩrie twee acoore baawe kethĩra tũgaciebania na acoore baathũũku, na tũtume ũcoore amwe nawe na barĩa bamwendete.—Zaburi 15:1-4.

 ĨNJA NKŨRŨKI

4. Twomba gũtuma ũcoore na antũ ba mĩthemba na ũkũrũ mwanya mwanya

Bibiria nĩtarĩĩragia antũ baĩrĩ ba Israeli ya karaaja, Daudi na Jonathani. Jonathani aarĩ mũtaana wa mũnene, na aarĩ ũmũkũrũ mono nkũrũki ya Daudi; ĩndĩ nĩbaarĩ na ũcoore bwa akuĩ mono. Thooma 1 Samweli 18:1, rĩu bwarĩĩrie kĩũria gĩkĩ:

• Nĩkĩ to mwanka rĩonthe tũthuure acoore barĩa barĩ na ũkũrũ ta bwetũ kana ũũmbi ta bwetũ?

Thooma Aroma 1:11, 12, rĩu bwarĩĩrie kĩũria gĩkĩ:

• Nĩatĩa acoore barĩa bendete Jehova bomba gwĩkanĩra inya?

Kĩrĩ vidio ĩjĩ, ona ũrĩa mũtaana-wa-baaba ũmwĩthĩ oonere acoore naarĩa ateerĩgĩrĩĩte. Tega VIDIO, rĩu bwarĩĩrie biũria bibi bithingatite.

• Kĩrĩ vidio, nĩkĩ aciari ba Akil baamakaga tontũ bwa acoore barĩa aagwatanagĩra nabo cukuru?

• Nĩ mantũ jarĩkũ jaatũmĩte eenda gũtuma ũcoore nabo mwambĩrĩrione?

• Nĩmbi biamũtetherie gũcinda ĩoru?

 5. Ũrĩa ũũmba gũkũria ũcoore bũbwega

 NA NJĨRA ĨNKUĨ

Rĩrĩa twathuura acoore beetũ na njĩra ya ũũme, nĩtũgwĩragia Jehova na tũkagunĩka twingwa.

Gũcookera

• Nĩkĩ Jehova endaga tũthuura acoore babeega?

• Nĩ acoore ba mũthemba jũrĩkũ tũbuĩrĩte gũciebania nabo?

• Nĩatĩa ũũmba gũtuma ũcoore bũũriku na antũ barĩa bakwagĩra?