ISAMBILILO 48
Mwasoolola Ningo Ivyuza
Ya cuza asuma yakalenga twaya ni nsansa umu nsita izisuma nupya yakatukomelezya umu nsita izitale. Lelo Baibo ikatucelula ukuti asi aliwensi angaya cuza witu umusuma. Uzye lyene mungasoolola uli ya cuza aasuma? Lolini mauzyo alondelelapo.
1. Uzye ya cuza yano tukasoolola yangalenga uli ivintu ukutuzipila nanti ukutwipila?
Ilingi tukatandika ukukolanya antu yano tukuzanwa pamwi nayo. Tungatandika kuyakolanya lino yakucita ivisuma nanti iviipe lino tuli pamwi nayo nanti lino tukulanzyanya nayo pa intaneti. Wakwe vino Baibo ikalanda ukuti: “Wino akapita nu wa mano nawe kwene alaya uwa mano, lelo wino akacina na awelewele [kuli kuti yayo aatatemwa Yeova], alacula wakwe cimwi.” (Mapinda 13:20, NWT.) Ya cuza atemwa Yeova nupya aakamupepa yangamwazwa ukupalama kuli aliwe nu kupingulapo ningo pa vintu. Nomba ya cuza aatatemwa Yeova yangalenga ukuti mutaaluke kuli aliwe. Fwandi ali mulandu uno Baibo ikatukomelezezya ukusoolola ningo ivyuza. Ndi cakuti twakwata ya cuza aatemwa Yeova, ivintu vikatuzipila nayo kwene ivintu vikayazipila. ‘Tukakomelezyanya nu kwazwana.’—1 Tesalonika 5:11.
2. Uzye Yeova akauvwa uli pali ya cuza yano mukasoolola?
Yeova akasoolola ningo ya cuza yakwe. “Aololoke ali yakundwe yakwe.” (Mapinda 3:32) Uzye Yeova anguvwa uli ndi cakuti twasoolola ya cuza aasimuzanzya? Anguvwa sana uyi. (Belengini Yakobo 4:4.) Lelo Yeova angatutemwa nu kutusoolola ukuya ya cuza yakwe ndi cakuti twakana ukuya ya cuza na antu aatamutemwa, nupya angatupalamika kuli aliwe nu ku yantu aamutemwa.—Masamu 15:1-4.
LONDELEZYINI NA VYUZE
Lolini umulandu uno cacindamila ukusoolola ya cuza asuma, mulole na vino mungacita pakuti musoolole ya cuza angamwazwa umu umi winu.
3. Mwacenjela pakuti mutaasoolola ivyuza iviipe
Antu aatatemwa Leza nupya aasilondela masunde yakwe, i vyuza iviipe. Tambini VIDYO., alino mulanzyanye iuzyo ilyatililondelelapo
-
Uzye tungatandika uli ukuzanwa na antu aya ni miyele iipe ukwaula ukumanya?
Belengini 1 Kolinto 15:33, alino mulanzyanye mauzyo yaa:
-
U muntu wa musango ci angaya cuza umwipe kuli mwemwe? U mulandu ci?
Belengini Masamu 119:63, alino mulanzyanye iuzyo lii:
-
I cani cingamulangilila ndi cakuti umwi angaya cuza musuma?
Icizao conga iciole cingalenga ivizao vyuze ukuola. Uzye cuza wenga uwaya ni miyele iipe angalenga uli ukuti muye ni miyele iipe?
4. Antu yano twapusana muli vimwi yangaya a cuza itu asuma
Baibo ikalanda pa yonsi yaili aliko umu Izlaeli, Devedi na Yonatani. Yonatani wali uwikolo sana pali Devedi nupya wali u mwana wa mwene, lelo yakweti ucuza uiyele. Belengini 1 Samueli 18:1, alino mulanzyanye iuzyo lii:
-
U mulandu ci uno tutalinzile ukusoolwela sile antu yano tulingine nayo imyaka nanti aakwatako vino twakwata ukuya ya cuza itu?
Belengini Loma 1:11, 12, alino mulanzyanye iuzyo lii:
-
Uzye ya cuza aatemwa Yeova yangakomelezyanya uli?
Umu cilangililo cii, lolini vino umwina uwacance wazanyile ivyuza kuno atenekelanga. Tambini VIDYO, alino mulanzyanye mauzyo atiyalondelelapo.
-
Muli vidyo, u mulandu ci uno avyazi yakwe Akil yasakamalile pali ya cuza yano wakweti uku sukulu?
-
U mulandu ci uno walondelanga ukukwata ya cuza yaya pa kutandika?
-
Wacisile uli pakuti atauvwa ukuzukilwa?
5. Vino mungapanga ya cuza asuma
Sambililini vino mungapanga ya cuza asuma na vino mungaya ya cuza asuma. Tambini VIDYO.
Belengini Mapinda 18:24; na 27:17, alino mulanzyanye mauzyo yaa:
-
Uzye ya cuza asuma yakaazwana uli?
-
Uzye mwakwata ucuza usuma uwa musango uwo? Nga mutakwata, mungacita uli?
Belengini Filipi 2:4, alino mulanzyanye iuzyo lii:
-
Pakuti mukwate ya cuza asuma, mulinzile ukuya cuza musuma. Mungacita uli vivyo?
Lolini vino umonsi umwi wapanzile ivyuza ivipusanepusane umwi lyasi lyakuti “Naluukanga ya Tata.”
YAMWI YAKALANDA UKUTI: “Ungasoolola aliwensi wino ukulonda ukuya cuza wako.”
-
Uzye mungatuuli?
VINO TWASAMBILILA
Nga twasoolola ningo ya cuza, tukazanzya Yeova nupya ivintu vikatuzipila.
I vyani vino mwasambilila?
-
Uzye vino tukasoolola ya cuza vyacindama uli kuli Yeova?
-
Antu ya musango ci yano tutalinzile ukusoolola ukuya ya cuza itu?
-
Tungacita uli pakuti tupange ucuza na antu asuma?
LONDELEZYINI
Lolini vino ya cuza asuma yangatwazwa lino twakwata intazi.
“Mwapanga Ucuza Ukome na Yauze Lino Impela Itatala Iza” (Lupungu Lwa Mulinzi, Novemba 2019)
Lolini vino mungacita pakuti mukwate ya cuza asuma.
“Ningacita Uli Pakuti Nkwate ya Cuza Asuma?” (Amauzyo Yano Acance Yakauzya—na Masuko Angayazwa, Ibuku 1, cipande 8)
I vyani vino mulinzile ukumanya pa vyuza vya pa intaneti?
“Baibo Ikaavwa Antu Ukusenuka” (Lupungu Lwa Mulinzi, Epuleo 1, 2012)
Pakuti mukwate ya cuza asuma, mulinzile ukuya cuza musuma
Limwi Mungatemwa Ukulolako na Vii
MAUZYO YANO ANTU YAKAUZYA SANA
Uzye Isambililo Lya Baibo Ali Cani?
Zanini masuko ku mauzyo pali vino tukasambilizya antu Baibo ukwaula ukuyalipilisya.
