48-ШЕ УРОК
Сай йолташ-влакым ойырен налза
Лишыл йолташ-влак сай годым куаннам шукемдат, а неле годым мемнам пеҥгыдемдат. Но Библий шекландара: кажне айдеме мыланна сай йолташ лийын ок керт. Сай йолташ-влакым муаш мо полша? Айста пален налына.
1. Молан эскерен шогыман, могай айдеме дене йолташ улына?
Могай еҥ-влак дене ме жапым эртарена, тыгаяк лийына. Йолташ-влак мемнам сай могырышкат, уда могырышкат вашталтен кертыт, кеч ме интернет гоч але нунын дене вашлийын жапым эртарена. Библийыште возымо: «Кӧ уш-акылан-влак дене коштеш, уш-акылан лиеш, а кӧ ушдымо-влак дене [Иеговам йӧратыдыме-влак дене] кылым куча, ойгым ужеш» (Притчи 13:20). Иеговам йӧратыше да тудлан кумалше йолташ-влак тыланда Юмылан ӱшанле кодаш да сай решений-влакым лукташ полшат. А тыгай йолташ-влак, кӧ Иеговам огеш йӧрате, мемнам тудын деч кораҥден кертыт. Сандене кӧ дене йолташ лияш Библий мемнам эскерен шогаш тарата. Юмым йӧратыше йолташ-влак икте-весыштлан пайдам кондат. Ме икте-весынам кумылаҥден да пеҥгыдемден кертына (1 Фессалоникысе-влаклан 5:11).
2. Иеговалан садиктак мо, кӧ дене йолташ улына?
Иегова шкаланже йолташ-влакым тӱткын ойыра. Библийыште возымо: «Чын ыштышылан Юмо — лишыл йолташ» (Притчи 3:32). Ме тыгай айдеме дене, кӧ Иеговам огеш йӧрате, лишыл йолташ лийына гын, тунам Иегован могай шижмашыже лектеш? Тиде тудым чот шӱлыкаҥда! (Иаковын 4:4 лудын лекса.) А тудым йӧратыше-влак дене йолташ лийына да тудын деке лишемаш мешайыше еҥ-влак дене кылым она кучо гын, тунам ме Иеговам куандарена да тудын дене лишыл йолташ лийына (Псалом 14:1—4).
КЕЛГЫНРАК ШЫМЛЕН НАЛЗА
Пален налза, молан эскерен шогыман, кӧ дене йолташ улына, да кузе чынжымак сай йолташ-влакым муаш.
3. Уда йолташ-влак деч шекланыза
Уда йолташ-влак тиде тыгай еҥ-влак, кӧ Юмым ок йӧрате да тудын нормыж почеш ок иле. ВИДЕОРОЛИКЫМ ончалза да вашмутым пуыза:
-
Кузе ме уда еҥ-влак дене шижде лишыл кылым кучаш тӱҥалын кертына?
1 Коринфян-влаклан 15:33 лудын лекса да вашмутым пуыза:
-
Могай еҥ-влак тыланда уда йолташ лийын кертыт? Молан те тыге шонеда?
Псалом 118:63 лудын лекса да вашмутым пуыза:
-
Могай айдеме сай йолташ лийын кертеш?
Ик шӱйшӧ олмалан кӧра чыла олма шӱйын кертеш. Ик уда йолташ тыланет кузе влиятлен кертеш?
4. Мемнан деч ойыртемалтше еҥ-влакат йолташна лийын кертыт
Библий кок израильысе пӧръеҥ нерген палдара — Давид ден Ионафан нерген. Нуно икте-весе деч чот ойыртемалтыныт. Иктыже кӱтӱчӧ лийын, весыже — кугыжан эргыже. Тыгак нуно тӱрлӧ ийготан лийыныт. Туге гынат, нуно лишыл йолташ лийыныт. 1 Самуила 18:1 лудын лекса да вашмутым пуыза:
-
Вес ийготан да социальный положениян айдеме йолташна лийын кертеш манын, молан каласаш лиеш?
Римлян-влаклан 1:11, 12 лудын лекса да вашмутым пуыза:
-
Иеговам йӧратыше йолташ-влак икте-весыштым кузе кумылаҥден кертыт?
Тиде видеоролик гыч те пален налыда, кузе ик самырык иза тудын деч ойыртемалтше йолташым муын. ВИДЕОРОЛИКЫМ ончалза да вашмутым пуыза:
-
Акил школышто шкаланже йолташ-влакым муын. Молан тиде ача-аважым тургыжландарен?
-
Акиллан нине йолташ-влак дене жапым эртараш молан келшен?
-
Кузе тудо сай йолташым муын?
5. Сай йолташ лияшлан мом ыштыман?
Пален налза, кузе чын йолташ-влакым муаш да шкат тыгай йолташ лияшлан мом ыштыман. ВИДЕОРОЛИКЫМ ончалза.
Притчи 18:24 да 27:17 лудын лекса да вашмутым пуыза:
-
Чын йолташ-влак икте-весыштлан кузе полшат?
-
Тендан сай йолташ-влак улыт мо? Уке гын, нуным муашлан мом ыштен кертыда?
Филиппысе-влаклан 2:4 лудын лекса да вашмутым пуыза:
-
Тендан сай йолташ-влак лийышт манын, те шкат сай йолташ лийшаш улыда. Тыгай лияш тыланда мо полша?
Тыйын сай йолташ-влак лийышт манын, тыланетат сай йолташ лияш кӱлеш
ИКТАЖ-КӦ КАЛАСЕН КЕРТЕШ: «Садиктак кӧ дене йолташ лияш. Тудо сай айдеме гына лийже».
-
Вашешыже мом каласеда ыле?
ТӰҤ ШОНЫМАШ
Шкаланна йолташ-влакым уш-акыл дене ойырен налына гын, тиде Иеговам куандара да мыланна пайдам конда.
Ушештарымаш
-
Кӧ дене йолташ лиймына Иеговалан молан садиктак огыл?
-
Могай еҥ-влак дене йолташ лияш огеш кӱл?
-
Тендан чын йолташ-влак лийышт манын, мом ыштыман?
ЕШАРТЫШЛАН
Пален налза, кузе сай йолташ-влак тыланда неле жапым чытен лекташ полшен кертыт.
«Пытартыш жап годым кыл кучымашдам пеҥгыдемдыза» («Орол башне» ноябрь, 2019 ий)
Сай йолташ-влакым муашлан мом ыштен кертыда?
«Кузе сай йолташ-влакым муаш?» («Йодышет-влаклан вашмут», 1-ше том, 8-ше ужаш)
Интернетысе йолташ-влак нерген мом палаш кӱлеш?
«Ачам верч чот йокрокланенам» манме биографийым лудын лекса да пален налза, ик пӧръеҥым йолташыже-влакым алмашташ мо таратен.
Вас также может заинтересовать
ЧӰЧКЫДЫН ПУЭДЫМЕ ЙОДЫШ-ВЛАК
Иегован Таныкше-влакын Библийым шымлыме курсышт кузе эрта?
Иегован Таныкше-влак Библийым шымлыме курсым темлат. Шымлыме годым те шкендан Библийым кучылтын кертыда да шымлымашыш ешдам але йолташда-влакым ӱжын кертыда.
