जिवाभावाचे मित्र आपल्याला सुख-दुःखात साथ देतात. पण बायबल आपल्याला सांगतं की प्रत्येकच मित्राला चांगला मित्र म्हणता येणार नाही. मग तुम्ही चांगले मित्र कसे निवडू शकता? यासाठी खाली दिलेल्या प्रश्‍नांवर विचार करा:

१. तुम्ही निवडलेल्या मित्रांचा तुमच्यावर कसा परिणाम होऊ शकतो?

जेव्हा आपण एखाद्या व्यक्‍तीसोबत बराच वेळ घालवतो, तेव्हा हळूहळू आपण त्या व्यक्‍तीसारखं बनू लागतो; मग ते प्रत्यक्षात वेळ घालवणं असो किंवा सोशल मिडियावर. त्या व्यक्‍तीचा आपल्यावर एकतर चांगला परिणाम होऊ शकतो किंवा वाईट. म्हणूनच बायबल म्हणतं: “बुद्धिमानांसोबत चालणारा बुद्धिमान होईल, पण मूर्खांची [यहोवावर प्रेम न करणाऱ्‍यांची] संगत धरणाऱ्‍याचं नुकसान होईल.” (नीतिवचनं १३:२०) ज्यांचं यहोवावर प्रेम आहे आणि जे त्याची उपासना करतात, असे मित्र आपल्याला यहोवासोबत जवळचं नातं टिकवून ठेवायला आणि जीवनात चांगले निर्णय घ्यायला मदत करतात. पण जर आपण यहोवाची सेवा न करणाऱ्‍या लोकांशी जवळची मैत्री केली, तर आपण हळूहळू यहोवापासून दूर जाऊ शकतो. म्हणूनच बायबलमध्ये आपल्याला विचार करून मित्र निवडण्याचा सल्ला दिलाय. जेव्हा आपण देवावर प्रेम करणाऱ्‍यांशी मैत्री करतो, तेव्हा आपल्याला आणि त्यांनाही फायदा होतो. कारण यामुळे आपण एकमेकांना प्रोत्साहन देऊ शकतो आणि एकमेकांचा विश्‍वास मजबूत करू शकतो.—१ थेस्सलनीकाकर ५:११.

२. आपण निवडलेल्या मित्रांबद्दल यहोवाला कसं वाटतं?

यहोवा स्वतः विचार करून मित्र निवडतो. बायबल सांगतं, की “सरळ माणसाशी त्याची जवळची मैत्री असते.” (नीतिवचनं ३:३२) यहोवावर ज्यांचं प्रेम नाही असे मित्र जर आपण निवडले तर त्याला कसं वाटेल? नक्कीच त्याला खूप वाईट वाटेल! (याकोब ४:४ वाचा.) त्याच्या अगदी उलट, यहोवावर प्रेम करणाऱ्‍यांशी जर आपण मैत्री केली तर त्याला खूप आनंद होईल. आणि जर आपण वाईट संगतीपासून दूर राहून यहोवाच्या जवळ जायचा प्रयत्न केला, तर तो आपल्याशी मैत्री करेल.—स्तोत्र १५:१-४.

 आणखी जाणून घेऊ या

४. आपल्यापेक्षा खूप वेगळे असलेले लोकसुद्धा आपले चांगले मित्र बनू शकतात

बायबलमध्ये दावीद आणि योनाथान या दोन मित्रांबद्दल सांगितलंय. त्यांचं वय आणि त्यांची परिस्थिती एकमेकांपासून खूप वेगळी होती, तरीही ते एकमेकांचे जिवलग मित्र होते. १ शमुवेल १८:१ वाचा, आणि मग या प्रश्‍नावर चर्चा करा:

• आपल्या मित्रांचं वय आणि परिस्थिती आपल्यासारखीच असली पाहिजे हे गरजेचं का नाही?

रोमकर १:११, १२ वाचा, आणि मग या प्रश्‍नावर चर्चा करा:

• यहोवावर प्रेम करणारे मित्र एकमेकांना प्रोत्साहन कसं देऊ शकतात?

एका तरुण भावाने अपेक्षा केली नव्हती, अशा ठिकाणी त्याला मित्र कसे मिळाले ते जाणून घेण्यासाठी व्हिडिओ पाहा. मग खाली दिलेल्या प्रश्‍नांवर चर्चा करा.

• अखिलने शाळेतल्या मुलांशी मैत्री केली तेव्हा त्याच्या आईवडिलांना चिंता का वाटली?

• शाळेतले मित्र चांगले आहेत असं अखिलला सुरुवातीला का वाटत होतं?

• त्याने त्याच्या एकटेपणावर मात कशी केली?

 ५. चांगले मित्र कसे बनवायचे?

 थोडक्यात

जेव्हा आपण विचार करून मित्र निवडतो, तेव्हा यहोवाला तर आनंद होतोच पण आपल्यालाही त्याचा फायदा होतो.

उजळणी

• आपण विचार करून मित्र निवडावेत असं यहोवाला का वाटतं?

• आपण कशा प्रकारच्या लोकांशी मैत्री करू नये?

• जे यहोवावर प्रेम करतात अशा लोकांशी आपण मैत्री कशी वाढवू शकतो?